ابن مجهل لفاك ضيوف

[عبد الله المبارك]

يا أبن مجهل لفاك ضيوف شبّ النار ياكحـــيلان


تراني مشتهي للكيف مابه عنك مــــــــكنــــيّه


لكنّي ما أرغب المجلس ليا صار أكثره ورعان


ما أحب المجلس اللّي فيه أبو قذله وطاقيّــــه

[!! منطق !!]

* صح لسانك وبدايه قوية ..!
وننتظر الرد من آبن مجهل !!

[ابن مجـهل]

هلا بك يالمبارك مرحبا في منتدى العضيان

خذ الفنجال من صفر على الوهاج مركيه

تفضل مع رجال العلم واجلس بأوسط الشيبان

وشباب فاهمين ولابهم جهّال وأميّه

[!! منطق !!]

* مُتابع ... وصح لسانك يا آين مجهل !

[عبد الله المبارك]

هذا المطلوب يسلم راس رجل شيّد البنــــــيـــــان


مخلٍّ كل راعي راي يدلي به بــــــحــــرّيـــــــه



وأنا أبى أنشدك عن قول يردده أكثر العربان


عيال الجدّ وشلون أصبحوا تيوان وأصــــلـــيّــه

[كلي فخر]

مشاء الله عليكم

[غناتي]

صح صح
\
لســـانكم جميــع
\

وحياك
\

عبدالله

[ابن مجـهل]

نعيش أحرار والأنساب ماتهفى بقول اللسان

ونشوم عن الهوان وكلمة الرجّال مقفيّه

مرامينا العلى والمجد مانصبر على الحقران

مثل من روسهم بالذّل والخذلان محنيّه

[عبد الله المبارك]

منطق

محمد الخليفه


غناتي


شكراً لمتابعتكم

أنتظرونا


اللّيل توّه والقادم أحلى

[غناتي]

يالله
\
شكل الليله صبااحيــه
\
<<متابعه

[عبد الله المبارك]

أظن الفرق مامن فرق بيكي مون ولاّ عنان


دعاويهم مع الأعلام مسموعه ومــــقريّــــه



بعد ما صرّح الصحّاف بالتدليس والبهـــتان



أبو شلاّخ صرّح للـــقنــوات الفضائّــيــــه

[هيلاوي]

صح لسانك عبدالله المبارك
صح لسانك ابن مجهل


متابع

[أبو محمد]

الله الله يا عبدالله المبارك
نرحب فيك يالغالي وحضور قوي من جنابك

وكفو يابن مجهل

سجلوني متابع لأول لقاء حامي الوطيس

[ابن مجـهل]

ياعبدالله تركد ثم هات لجابتك برهان

أشوفك تجمع الثنتين هاذيّه وهاذيّه

خذ العلم الصحيح اللّي يرجّح كفّة الميزان

ترانا مانعد أكذاب وأمجاد خياليّه

[فارس المجاهله]

محاورة قويه ..


متاااابع .. :)

[الاستاذ]

سجلونامتابعين

صح لسانكم

[كلي فخر]

الله الله عليك
يلعبون ع الثقيل مشاء الله عليهم
قصيد جميل من المبارك
ورد وتحليل جميل من ابن مجهل

[أبو محمد]

تفضل مع رجال العلم واجلس بأوسط الشيبان
وشباب فاهمين ولابهم جهّال وأميّه

سنايدي يابن مجهل

متابع

[عبد الله المبارك]

يا أبن مجهل نصيحه لاتقرّب شجرة الثعبــــان



يخمّك خمةٍ ماهي بطول العمر منـــســـيــــــّه




ياكثر الفرق مابين اللّقي والهرش أبو نيــبان



وبعد لعبٍ على المكشوف جت شرطه حراميّه

[ابن مجـهل]

العمده ابو محمد الف شكر لك طال عمرك


ولكل من متابع معنا الف شكر من الاعماق

[zoom zoom]

متابع

صح لسان الشاعرين

[سليل المجد]

صح لسانكم محاورة قويه

[ابن مجـهل]

ليا منّا عقدنا الراي قلنا رب يا رحمان

توكلنا عليك وبالقدم ناطى على الحيّه

هدفنا الراس مانحسب حساب الذّيل والكرعان

أهل قريه وكلٍ يالمبارك يعرف وخيّه


تصبحون على خير وبكره نكمل

[عبد الله المبارك]

تصبحون على خير


ورانا دوام بكره من الساعه خمس


وأنتظرونا


للحديث بقيّه


مطولين مع أبن مجهل


شكراً لكل من تابعنا

وإلى لقاء قادم

[ابن مجـهل]

تصبحون على خير


ورانا دوام بكره من الساعه خمس


وأنتظرونا


للحديث بقيّه


مطولين مع أبن مجهل


شكراً لكل من تابعنا

وإلى لقاء قادم


وانا كلي شوق لنتظارك

[كلي فخر]

ههههههههههههههههههههههههههههههههههههه
والله انك عرفت له يابن مجهل ههههههههههههههه

[الاستاذ]

صح لسان الشاعرين

وما قصرتو

[ابن مجـهل]

محمد الخيلفه والاستاذ صح بدنكم

[أبو عبدالله]

أبن مجهل


عبدالله المبارك


ما شاء الله عليكما


عندنا شعّار بهذا المستوى ولا ندري


على العموم صحّت ألسنتكم


ومتابعين لكما وفي إنتظاركما

[ذايع الصيت]

عبدالله المبارك

ابن مجهل

صحت الالسن والقلوب

لكم وافر تحياتي

[سطام العتيبي]

أبن مجهل


عبدالله المبارك

كان لي حضور في هذا التميز بالأمس

ولكن سوء الإتصال منعني من الرد على العملاقين


واصلا فنحن في الإنتظار

إبداع وروعه ومن أروع إلى أروع


سطام العتيبي

[ابو جودة]

المبارك صح لسانك

بس ماحنا بورعان يالطيب

[ابن مجـهل]

الاخ سطام العتيبي الله لايهينك

واصل ردك يالذيب يكفني شرف مشاهدتك للمحاوره الله يعطيك العافيه..