ثـــــورة مُـحب

[الأغـر]

أحبتي العضيان

السلا م عليكم ورحمة الله وبركاته

أزف إليكم قصيدتي الهزيلة راجيا من المولى أن ترتقي إلى ذائقتكم الأدبية

ومع القصيدة :


( ثـورة محب )


صحوا القلب المتيم فـي هواهـا واهجـدوه = قالوا اصحى يالمتيم مـن سبـات العاشقيـن
صاحبك يطوي زهابه شف بني عمه خـذوه = سلمهـم مهمـا تمانـع أو تراهـم معتديـن
جيتهم والقلب دامي يا حسافـة مـا سعفـوه = زودوا ماكان فينـي مـن عواقيـب السنيـن
جيت عمه جيت خاله جيت جده جيت أبـوه = شيبونـا ماخذينـا مـن علـوم الغانمـيـن
بالحراسة والسلاسل شوف عينـي حوطـوه = حذروني ما أمره مـن يسـار ومـن يميـن
امنعوني من لقاها حتـى مـن كلمـة ألـوه = ظنهـم يـوم ابتعدنـا ينطفـي ذاك الحنيـن
ينتمي لي وانتمي له عشق ولغيـري انسبـوه = عذبوني في هواها وانبشوا جرحـي الدفيـن
أبك أنا لاغاب صوتـه والأذانـي ماوحـوه = يبتـدي ليـل التوجـد والقصايـد والونيـن
أبك أنا لاغاب طيفـه كـل أركانـي تتـوه = واعتلي رجم الفيافي وأطلق الحرف السجيـن
كيف لاغيب حبيبـي كيـف لاقفـى كلبـوه = أشهـد إن الحـال بعـده لنتكاساتـه رهيـن
جيتهم بالطيب كلـه جيتهـم بامـه وأخـوه = مالقيـت إلا صلافـة لينـت مـن لا يليـن
قربوا حبل الأصايل عنـد بابـي وأربطـوه = وأجمعوا ربعي تراني طالبـن منهـم معيـن
من يهيض بالقصيدة خافقـي لافـض فـوه = يشعل النـار بعروقـي ليـن زفتهـم تحيـن
نسري بليلة زفافه نرغـم اللـي قـد ولـوه = واركبه ظهر الأصيلة لو ورى حصنن حصين
والله لو ساقوا قبايل صوب قومـي ماخـذوه = ولانساوم في رجوعـه لـو يمـدون الثميـن
يحسبون الحب سكرة تنتهـي وقـت النبـوه = مادروا عنا صحينا مـن سبـات العاشقيـن

وسلامتكم

[غناتي]

أبك أنا لاغاب صوتـه والأذانـي ماوحـوه
يبتـدي ليـل التوجـد والقصايـد والونيـن
أبك أنا لاغاب طيفـه كـل أركانـي تتـوه
واعتلي رجم الفيافي وأطلق الحرف السجيـن

مـــــــاعـــــاد فيه ناس تعرف الوفـــــاء ياخوي

الله يعينــــــك ويعينهــــــا

وقصيـــــــده فووووووق الخيال الله يوفقك..

[السامر]

جيت عمه جيت خاله جيت جده جيت أبـوه
شيبونـا ماخذينـا مـن عـلـوم الغانمـيـن
بالحراسة والسلاسل شوف عينـي حوطـوه
حذروني ما أمره مـن يسـار ومـن يميـن


صح لسانك مليوووون ولا يكفووون ..
الأغــر عز الله أن قصيدتك هذي دخلت قلبي ..
رااااائع يالأغـــر ..
أنا طالبك لا تحرمنا من جديدك .. لأنك كلمة مبدع قليلة عليك ....

[ابن مجـهل]

وانت سالم قصيده جزله من جزل ...

صح لسانك يالاغر الابداع ماركه مسجله بأسم الاغر ماشاء الله عليك كاتب ومصمم وشاعر ...

[شاعر زمانه]

مافيك حيله الله يعافيك

[سليل المجد]

كلام كبير من شاعر كبير

ابيات تتسم بصدق المشاعر وعاطفة قوية من شاعر قوي مثل الاغر ننتظر المزيد

[زلزال]

صح لسانك يالاغر

وقصيدة جزلة

[الهواووي]

قصيده اكثر من رائعه يالأغر


استمتعت بقرائتها


نسري بليلة زفافه نرغـم اللـي قـد ولـوه
واركبه ظهر الأصيلة لو ورى حصنن حصين

ان بغيت الفزعه يا بعدي جاهزين

[قوت القلوب]

الله عليك ياالأغر
صح لسانك
قصيده رائعه

[سمي عمهوج]

جزله يا ذيبان

والله يكفيكـ شر اللي خلاكـ تجر الطواريق

صح لسانكـ وصح قلبكـ

لاهنت

[zoom zoom]

قربوا حبل الأصايل عنـد بابـي وأربطـوه=وأجمعوا ربعي تراني طالبـن منهـم معيـن

من يهيض بالقصيـدة خافقـي لافـض فـوه=يشعل النـار بعروقـي ليـن زفتهـم تحيـن


سجلني اول الحاظرين وابشر بالفزعة

صح لسانك يالاغر وقصيدة اوجعت قلبي
الحب اقشر وانا اخوك

[الأغـر]

غناتي

أشكركِ على طيب المرور

تقبلي تقديري
.
.
الجم

[الأغـر]

صح لسانك مليوووون ولا يكفووون ..
الأغــر عز الله أن قصيدتك هذي دخلت قلبي ..
رااااائع يالأغـــر ..
أنا طالبك لا تحرمنا من جديدك .. لأنك كلمة مبدع قليلة عليك ....

كذلك أنت عزيزي السامر
فالشعور متبادل بيننا

تقبل تقديري
.
.
الجم

[الأغـر]

وانت سالم قصيده جزله من جزل ...

صح لسانك يالاغر الابداع ماركه مسجله بأسم الاغر ماشاء الله عليك كاتب ومصمم وشاعر ...

شهادة أعتز فيها كثيرا خصوصا أنها من ابن مجهل

تقبل تقديري
.
.
الجم

[الأغـر]

مافيك حيله الله يعافيك

شاعر زمانه

أشكرك على طيب المرور

تقبل تقديري
.
.
الجم

[الأغـر]

كلام كبير من شاعر كبير

ابيات تتسم بصدق المشاعر وعاطفة قوية من شاعر قوي مثل الاغر ننتظر المزيد

أبو شهاب أو عقيد الحارة كما يحلو لك

شهادة أعتز فيها وإن كنت أجزم يقينا بأني شويعر فقط !!

تقبل تقديري
.
.
الجم

[الأغـر]

صح لسانك يالاغر

وقصيدة جزلة

عزيزي زلزال

أشكرك على طيب المرور

تقبل تقديري
.
.
الجم

[الأغـر]

قصيده اكثر من رائعه يالأغر

استمتعت بقرائتها

ان بغيت الفزعه يا بعدي جاهزين

عزيزي الزعيم

أشكرك على تشميرك الثوب! ووقوفك إلى جانب أخيك

تقبل تقديري
.
.
الجم

[الأغـر]

الله عليك ياالأغر
صح لسانك
قصيده رائعه

صح بدنك أختي قوت القلوب

ومرورك هو الأروع

تقبلي تقديري
.
.
الجم

[الأغـر]

جزله يا ذيبان

والله يكفيكـ شر اللي خلاكـ تجر الطواريق

صح لسانكـ وصح قلبكـ

لاهنت

عزيزي سمي عمهوج

الجزالة بعينها هي حين أراك تافصح قصيدتي الركيكة لتضفي عليها نكهة الجزالة الحقيقية

تقبل تقديري
.
.
الجم

[ابو جودة]

الاغر بصراح البيت الاول يجبر الواحد يقراه كامل ... صح لسانك يامبدع

[عزتي في شموخي]

رائــــع أخــي الأغـــر ...
وصحـ لسـانكـ
والله يحـقـق لكـ مرادكـ ..

0
0
0

[قلب أبوها]

( ثـورة محب )


صحوا القلب المتيم فـي هواهـا واهجـدوه = قالوا اصحى يالمتيم مـن سبـات العاشقيـن
صاحبك يطوي زهابه شف بني عمه خـذوه = سلمهـم مهمـا تمانـع أو تراهـم معتديـن
جيتهم والقلب دامي يا حسافـة مـا سعفـوه = زودوا ماكان فينـي مـن عواقيـب السنيـن
جيت عمه جيت خاله جيت جده جيت أبـوه = شيبونـا ماخذينـا مـن علـوم الغانمـيـن
بالحراسة والسلاسل شوف عينـي حوطـوه = حذروني ما أمره مـن يسـار ومـن يميـن
امنعوني من لقاها حتـى مـن كلمـة ألـوه = ظنهـم يـوم ابتعدنـا ينطفـي ذاك الحنيـن
والله لو ساقوا قبايل صوب قومـي ماخـذوه = ولانساوم في رجوعـه لـو يمـدون الثميـن
يحسبون الحب سكرة تنتهـي وقـت النبـوه = مادروا عنا صحينا مـن سبـات العاشقيـن

وسلامتكم


صــــح لســــانـــــك يالأغـــــــر

قصيـــدة جميلــــة غلـــفت كلمـــاتهــــا بالألـــم ..

أبدعــــت وفقك اللـــه ,,

متابعـــة لجديدك ...

تلميذتـــك ...<< ماتنســــى

[العود الأزرق]

واش اقول وش مااقول وين الدكتور غسان يسمع شرط انه يسحب الجائزة من المري
شاعر مبدع وقصيدة رائعه- حركت فيني اشياء واشياء هل القصيدة
واصل وبانتظار جديدك
تقبل مروري

[سطام العتيبي]

الأغر

هنا يقف القلم عن مجارات ما يدور في هذه الصفحه

للعليا رجال ترتقي لها

وللجزاله أيضا رجال تطمح لها

وللتفوق والتميز والإبداع من يبحث

وأنا أشهد إنك جامع للكل الخصال الحميده

صح لسانك

ولا هنت يا الذيب

وبارك الله فيك على هذه الجزله

كنت أنتظر إنزال هذه الرائعه لمعرفتي بجزالة شعرك

أتمنى أن لا يقف قلمي عن مديحك

ولكن سنجعل المجال لغيرنا

تقبل مني خالص التقدير وفائق الإحترام

[الأغـر]

سجلني اول الحاظرين وابشر بالفزعة

صح لسانك يالاغر وقصيدة اوجعت قلبي
الحب اقشر وانا اخوك

عزيزي زووم مايلحقني فيك شك يالغالي

تقبل تقديري
.
.
الجم

[الأغـر]

الاغر بصراح البيت الاول يجبر الواحد يقراه كامل ... صح لسانك يامبدع

عزيزي الأجودي
تأكد أني أحرص على وجودك في مشاركاتي لأنك من المبدعين بلا شك

تقبل تقديري
.
.
الجم

[الأغـر]

رائــــع أخــي الأغـــر ...
وصحـ لسـانكـ
والله يحـقـق لكـ مرادكـ ..

أختي الكريمة عزتي في شموخي

أشكركِ على طيب المرور

تقبل تقديري
.
.
الجم

[الأغـر]

صــــح لســــانـــــك يالأغـــــــر

قصيـــدة جميلــــة غلـــفت كلمـــاتهــــا بالألـــم ..

أبدعــــت وفقك اللـــه ,,

متابعـــة لجديدك ...

تلميذتـــك ...<< ماتنســــى

أختي الكريمة قلب أبوها

وها هي القصيدة تصافح نظركِ بعد أن سألتي عنها فيما مضى

مروركِ أختي أضفى لها بصمة مغايرة

تقبلي تقديري
.
.
الجم

[أبو عبدالله]

أبك أنا لاغـاب طيفـه كـل أركانـي تتـوه=واعتلي رجم الفيافي وأطلق الحرف السجيـن
كيف لاغيب حبيبـي كيـف لاقفـى كلبـوه=أشهـد إن الحـال بعـده لنتكاساتـه رهيـن

الله عليك ياالأغر
صح لسانك
قصيده رائعه جدأ
ونرغب في المزيد

[عضيـاني لنـدن]

الاخ الاغر ثوره جميله ومااحلى وأقسى ثوره المحب ..

صح لسانك ..

[الأغـر]

عزيزي سطام العتيبي

الأروع إطلالتك المشرِّفة وإطراؤك المبهج

بوركت من أخٍ كريم

شرّفني مروره

وسرّني ثناؤه

تقبل تقديري
.
.
الجم

[مشكلتي إني صريـــح]

عزيزي العضو مشكلتي اني صريح
أحترمناك بما فيه الكفاية ولم نجد منك اي تجاوب
إلى الردود السيئة والاستفزازت للأعضاء
علماً ان هذه المخالفه الرابعه او الخامسة لك
في شهرين فقط

فاتمنى الالتزام بالاخلاق العاليه فأنت في منتدى العضيان الأول

[الفقير لله]

صح لسانك شاعرنا ومصممنا الكبير الاغر
أستمر في قصائدك المميزة بارك الله فيك
لا خلا ولا عدم

[الأغـر]

عضياني لندن

أشكرك على طيب المرور

تقبل تقديري
.
.
الجم

[Miss kendah]

الاغر


http://www.uaeboys.net/vb/imgcache/2299.imgcache

http://www.uaeboys.net/vb/imgcache/2297.imgcache

[الأغـر]

Miss kendah

أشكركِ على طيب المرور

تفبلي تقديري
.
.
الجم

[الصقر الذهبي]

ما شاء الله يالأغـر

عطاء جميل ووافر الله يقويك

وانا اعتبرك احد مكاسب المنتدى

لما تثريه بمشاركاتك القيمه لك خالص المحبه والتقدير

[الهواووي]

مشكور يالاغر متعتنا الله يمتعك بالجنه والله يعين العشاق

[صوت العضيان]

جيت عمه جيت خاله جيت جده جيت أبـوه
شيبونـا ماخذينـا مـن عـلـوم الغانمـيـن


الأغر عطني خشمك يالذيب


علوم الغانمين قلت وأنا أخوك صح لسانك

[الرويل]

نابغة المنتدى / الأغر

اختصر كل الكلام بعد قراءة هذه القصيدة الجزلة منك .

انطبع لدي الان بعدما تابعتك لفترة ليست بالبسيطة ان المنتدى فيه نوابغ ومميزين بما تحمله كلمة مميزين من معنى وانت على قائمتهم .

تقبل اعجابي وتقديري .

[الأغـر]

الرويل

كما أخبرتك سابقا ..

دائما أضعك نصب عيني عندما أكتب ...

كي أرتقي إلى ذوقك الرفيع ...


تقبل تقديري
.
.
الجم

[الأغـر]

صوت العضيان

أشكرك أخي العزيز على طيب المرور

تقبل تقديري
.
.
الجم