سلمى اللعوب

[رشيد علي خليفه]

ياهل المعرفه سلمى اللعوب=شيبتني وانا توي شباب

قلت تايب وقالت ماتتوب=لين اعذبك وتشوف العجاب

ادخلتني متاهات الدروب=كل شعبه يجي منها شعاب

قدمي ابوابها من كل صوب=اقفل الباب وتفك الف باب

علمتني حضارات الشعوب=ومنطق اهل المعالي والجناب

كيف صنع السلام من الحروب=وراحة البال مع طول العذاب

وكيف اجي شام واهدافي جنوب=واتجه شرق لو الغرب طاب

قدمتلي حلا في طعم شوب=في موائد يسيل الها اللعاب

قالت انظر ولاعنك محجوب=قلت حطيت ذكرالله حجاب

قالت انظر لبراق النصوب=قلت تحت القدم يم التراب

قالت انته فتى والعمر دوب=ابتدى قلت مكنوب كتاب

في قدومي تقولين امحبوب=وفي وداعي تسلين الحراب

كل غصن تميل ابه الهبوب=والله انه سريع الأنحطاب

زاهد بك ولاأقوى بالذنوب=ويش هي حجتي يوم الحساب

[شاعر زمانه]

بيض الله وجهك يا ابو علي
على ها القصيده الجزله حقيقة
والله يعيننا على نفوسنا ونسوي مثلك

[ابن مجـهل]

وكيف اجي شام واهدافي جنوبواتجه شرق لو الغرب طـاب

المدير الفاضل رشيد بن علي ...

صح لسانك وعلا شانك قصيده من زمن الشعر الجميل ..

[الشامخ]

صح لسانك يابو عبدالله

قصيدة جزلة من شاعر جزل ومالي فيك حيله وفالك المليون

[الاستاذ]

قالت انظر ولاعنك محجـوب= قلت حطيت ذكـرالله حجـاب


صح لسانك ابو علي على القصيده الجزله

[زلزال]

صح لسانك ابو عبدالله
وفالك البيرق

[الصقر الذهبي]

صح لسانك وسلم احساسك وقلمك المسطر بكل عذب


لاحرمناك ولاحرمنا قلمك الجياش

شكرا لك

[الهواووي]

شاعرنا المميز رشيد بن علي صح لسانك قصيده مميزه من انسان مميز

[سنايدي]

زاهد بك ولاأقـوى بالذنـوب ويش هي حجتي يوم الحسـاب

الله يرحمنا برحمته , قصيده في منتهى الجمال والعذوبه , لاهنت

[سمي عمهوج]

صح لسانكـ مليار على هالجزله


ولاهنت يابن خليفه