ذايع الصيت تعال هنا

[أبو عبدالله]

سلام ردّيه من خاطرٍ صــــافـــي

للصّاحب اللّي نخبره دايمٍ وافــي

واليوم أشوفه تغيّر يالله الكافــي

باحت سدود الرجال وبان خافيها



ياذايع الصيت مابه في سمانا غيوم= الشمس بانت ووجه الأرض منها يحمى


الناس ياصاحبي فيها غني ومحروم= واللّي عيونه تشوف الشي وفكره عمى

[zoom zoom]

متابع

وصح لسانك يا ابوعبدالله
وننتظر ذايع الصيت

[فارس المجاهله]

صح لسانك يبو عبد الله


بــ انتظاارر ذايع الصيـــت




:)

[ذايع الصيت]

صح لسانك يابو عبدالله

استلم


يامرحبا ياهلا يامشرف الساحه
اطلب وتامر وتلقا النفس مرتاحه
وش اطلع ادم ابونا غير تفاحه
عجل وعطني من الاخبار صافيها

عسى الفرح والسعاده ياعميلي تدوم........... والدار فيها تطور وازدهار ونمى
الجوهره من بغاها لازم انه يعـــوم............. في موقفه يحتميها لو تسيل الدمى

[أبو محمد]

أرى نزال هناااا دون علمنا

صح لسان الشاعرين وسجلوني متابع لكم

وينك بابو عبد الله

[أبو عبدالله]

الله الله عليك ياذايع الصيت
استلم
الجوهره دونها موج البحــر هــادر

لو يغري الغيص منظر شكله النادر

ماكل رجل عليها لــو بـــغــى قـــادر

باحت سدود الرجال وبان خافــيــها


الجوهره دونها الأخطار وأنت مخدوم= عظيمةٌ ياعميلي في يدين أعظمى

ماهي بتنباع لول من يقوم ويسوم = اللّي بغاها تبي تابس لهاته ظمى

[الشامخ]

الله الله

محاورة جميله


متابع

[الهواووي]

بدايه قويه متابع بصمت

[ذايع الصيت]

الليله مخفيه يابو عبدالله وسرها

استلم


بعينك تخيل البارق الساري

ياصاحبي قلي وش الطاري

وانته عتيبي مانته مطاري

عجل وعطني من الاخبار صافيها


الجوهره في يميني ماتجيها الســـــهوم..........فالحمايه عن اللي شاف واللي رمى

انشدك ياصاحبي وشهو علاج الرخوم.........وانته زعيم وتعيش بوسط بيت زعمى

[ابو جودة]

الله الله الله

بصراحه متابع ومتابع ومتابع غصبن عني

[ذايع الصيت]

الاخوان الافاضل/ زوم زوم/ فارس المجاهله/ ابو محمد/ الشامخ/ الزعيم/ الاجودي


شااااااااااااكر مرووووووركم جميعا

[كلي فخر]

الله الله مشاء الله عليكم

متابع معكم

وسجلوا اعجابي

[عضيـاني لنـدن]

ابو عبدالله و ذايع الصيت صح السنتكم

متاااااااااابع

[ذايع الصيت]

مـ.. محمد الخليفه/ عضياني لندن

مرووووووووووركم يشرفناااااااااا

[الاستاذ]

صح لسانكم


متابعين معكم


والله يقويكم

[أبو عبدالله]

الشعر عن صحبتك يطلبني الجـيره

ما عاد يصبر على بطشك وتكسيره

مانته بشاعر وخذ لفه وتدويــــــره

باحت سدود الرجال وبان خافيـهـا


يامبتلي الشعر مالك في طريقه لزوم=يابعد وجه الوطا عن وجه سابع سمى

ان كان عينك تشوف الجوهره بالحلوم=مايملك الجوهره رجل فرح بالكمى

[سمي عمهوج]

صحت ألسنكم جميع


متااابع

[ذايع الصيت]

ههههههههههههههههههههه

امشي على رجلي ولالي محاريف

ومعودن رجلي لطلع المشاريف

يوم بعض العرب فالعز ماشيف

باحت سدود الرجال وبان خافيها


عن هرج بعض العرب اعز نفسي واشوم..............واجنب التايعه طبعي كذا مــــسلمى


علامه الطير روح للخضيرا يحــــــــوم..................مايسمع الصوت لو قاموا عليه زهمى

[عبد الله المبارك]

الله الله عليكم

واصلوا ونحن متابعين لكم

[أبو عبدالله]

ياحافي الرجل قدمك مسلكٍ شــــــايـــك

الناس ترفض ولا تمشي على رايــــــك

أقرب وأبى أنشدك ويش يسوي الحايك

باحت سدود الرجـــــال وبان خــــافيهــا


ياذايع الصيت عن درب الهوان محشوم=لكن أحذّرك لاتتبع سرابٍ زمى

لاترفع الراس وتطالع لميع النجوم=وتمنّي النفس في ليت وعسى وربمى

[ذايع الصيت]

لا واحسافه على الاشراف

من يوم مثلك عليه يشاف

لو كان انا ما علي خلاف

باحت سدود الرجال وبان خافيها


ارفع الراس وقسمي من خيار القسوم..........واحمد الله هو اللي بخاف السر يعلمى


فالمناصب رجالن تعرف الســـــــــلوم..........وانت ياصاحبي ماانت بمـــــــــــــعدمى

[أبو عبدالله]

مشكور ياذايع الصيت ماقصرت

نكتفي بهذا القدر والخطّر صافيه

المعذره وانا أخوك هذي المحاوره

يدخلها شعّارٍ كبار ويحصل فيها كلامٍ كثير

ولا أحد يزعل منهم ..أقسم لك بالله أنني أعزّك وأحترمك

وكل اللّي حصل للإثاره فقط وتحفيزك على الإبداع


وإلى لقاء قادم

[ذايع الصيت]

اخي العزيز / ابو عبدالله والله اني اعزك واحترمك

واللي حصل صدقني فاهمه وما زعلت منه وانا اقصد اثارتك فقط

وانت شاعر وتستحق تكون مشرف الشعر

وتقبل احترامي وتقديري

[فارس المجاهله]

محاوة في قمة الروعه .


صحت ألسنتكم وبـ انتظار ماتـخطه أقلامكم من أبداع




مع التحيه

[ذايع الصيت]

فارس المجاهله

صح بدنك .... ومروووورك اسعدنا

تحياتي