جهز فؤادك لطعنه من عقل بنـتٍ ذهينـه ..!!

[غناتي]

شوف من ربي يعينه

فاطمه المشيقح


هذا موج البحر و هناك المدى و هذي السفينـه
لا تهدد بالرحيل .. فـي وداع الله .. و أمانـه

ماني اللي لا رضت عن شي ... ترضى بالغبينه
و ماني اللي لجل قلبه يرضى أسلـوب الاهانـه

هات قلبي قبل تبعد ... خل حبي في يدينـه !!
كنت اظن انك أمين و أنت ... مو قـد الأمانـه

كان قلبي لك مدينه ... و انت والـي للمدينـه
و الفساد يعم ديرة .. من هو هاوي .. للخيانـه

يعني قبل يعـم قلبـي ه الفسـاد و يستهينـه
بنزعك من قلب قلبي و ارجع ارتب مكانـه ..!!

قلت لك لا تشد روحي و تترك عيونـي حزينـه
و اذكر انك قلت : كيفي ..حتى انا كيفي وشانه

جهز فؤادك لطعنه من عقل بنـتٍ ذهينـه ..!!
مدت ايديها.. بخنجر ما تهاب امن الادانـه ..!!

كان تبغاها بطيبه .. الطهر هـذي يمينـه ...!!
و كان تبغاها لعانه .. أبشر ابأقشر لعانـه ..!!

قلت لي : الله يعينك .. شوف من ربـي يعينـه
لا غدا المظلوم ظالم .. و اطلق لحقده عنانه ..!

[ذايع الصيت]

غناتي

الدنيا افراح واعياد والحزن والخصام ماله مجال هالايام ((ممازحه))

تسلمين على النقل

[غناتي]

الدنيا افراح واعياد والحزن والخصام ماله مجال هالايام ((ممازحه))

اله يعينا الايام متقلبه

الله يسلمك ..

[كلي فخر]

تسلمين ياغناتي ع القصيده الذوووق

وصح لسان الشاعر والناقل

احترامي لك

[غناتي]

صح بدنك اخوي محمد مشكور عالى المرور

[سمي عمهوج]

الانسانه هذي تعاني من مشاكل نفسيه

أحساس لا غير

طالبتس ياغناتي

فكينا منها هي وقصيدها

[غناتي]

الانسانه هذي تعاني من مشاكل نفسيه

أحساس لا غير


اهـ منكم انتم ابد مافيها شي مثل الحصان وقصيده جميل

بس عشانها حرمه ..

يسلموو سمي عمهوج

[السامر]

لا هنتي ياغناتي على النقل ..
ويعطيك ألف عــــافــــيــــة .....

[غناتي]

الله يعافيك اخوي السامر