قصيده في(أبن ربيعان)للمرحوم سعد بن سعيدان بن ثعلي

[النمر]

هذه القصيده للمرحوم سعد بن سعيدان بن ثعلي العضياني قالها في المرحوم الشيخ(أبن ربيعان)
عندما كان أميرأ للفوج بالقصيم آنذاك


يقول من غنى بدع زين اللحون # مثايلن ماأخذتها بشراء وباع

ناصنبها شيخ على القاله زبون # شيخ الشيوخ اللي يفكون الرباع

يدخل ليا بكموا وعيوا يدخلون # ويطلع بقوة ضلع ولسان براع

والقوم يوم أنه وراهم يأمنون # ليا جاء من الحكام فالدعوى نزاع

والشجره اللي ماتذري بالغصون # خطر على عرقها بالأنقلاع

ياذخر ربع في منازلهم ركون # ذباحه الحايل وسيعين الرباع

وليل لفاهم قالة مايرهبون # عيوا علاها قو ضلع وطيب ناع

وليا عثا الصايح وعنوا يركبون # طاروبها والبوش للحيران راع

وأن ساقوا العطفه النوا الطحون # صكوا علاها مثل طابور الدفاع

كما فعل مسلط على مايذكرون # يوم تولاهم على الصفراء الرباع

يضرب بسيفه فالغوارب والمتون # ضرب المهلهل في عيال أخته ضباع

يقوله اللي فالمثايل مايخون # حق علينا للشجاع أبن الشجاع

ياشيخنا ياشوق ميال الردون # ياشوق من قرنه على المتنين باع

هي بنت ربع فالمحاضر يفعلون # أهل الرماح اللي مضاربها وساع

أنشد عصيم والقبايل يشهدون # فأبن رشيد مطوعينه لين أطاع

من فعلهم شمر عطيبين الطعون # تشبعبهم سود الحنادي والسباع

أبا العوض ياشيخ وأنتم تفهمون # في رخصة ماهيب من ضمن الشراع

وراي غوش في رجاء الله يحترون # والوقت قاسي والدبش مافيه باع

بغيتهم بعد الصيام يعيدون # لاكن عيا والامير أمره مطاع

[زبون المخاسير]

رحم الله الشاعر الكبير سعد بن سعيدان واسكنه فسيح جناته ,,

قصيده جزله والممدوح يستحق ذلكــ,,

بارك الله فيك يا النمر على اختيارك الراائع :::

ونتطلع للمزيد يا الغالي من قصائده ,,

لا هنت .

[النمر]

مشكـــــــــــــور أخونا زبون المخاسير على مـــــــــــــــــروركـــــــــــ,,, الجميل

[ابن طماح]

السلام عليكم اخواني يسعد صباحكم جميع العاملين على المنتدى كل عام وأنتم بالف صحه وسلامه وعام هجري جديد أخوكم ابن طماح العضياني

[النمر]

وعليكم السلا م ورحمة الله وبركاته

حياك الله أخونا بن طماح

ومشكور على مرورك الجميل