رشيد علي خليفه
12-19-2007, 04:31 PM
[ياراعي الاشقر المرجود=يا مشابه الريم بالفزه
ذبحتني بالعيون السود=واللي على الصدر مرتزه
يابنت من يحتمون القود=ومهارهم تاخذ اللزه
يوم انها طارد ومطرود=ماتوخذ اذوادهم خزه
تكفين روفي بحال العود=قلبه عليك الهوى هزه
وش تنفعك جضة المضهود=والناس بانظارها تقزه
حبك بقلبي بنا له طود=دوك العلم باوسطه رزه
وان كان مات الهوى مولود=في حبك القلب قم عزه
يالغذب خذ علمي الماكود=نفسي لها شيمه وعزه
غيرك مثل ماردً مورود=تعافه النفس وتكزه
لو اني لمارده محدود=تزوعه الكبد وتجزه
عيد النظر دام انا موجود=وبليس يا صاحبي خزه
ما في تمنعك مني فود=وانته جوارحك مهتزه
عيدك سعيد وعساه يعود=وتدوم لي شوفتك حزه
العيد مابحبته منقود=عرضك عن الشينه منزه
خذها هديه وعطني زود=حتى يجي للهوى مزه
مادام حبل الهوى ممدود=هيا معي نلعب الكزه
جاوب سؤالي وهات ردود=وخصرك لجل خاطري هزه
ذبحتني بالعيون السود=واللي على الصدر مرتزه
يابنت من يحتمون القود=ومهارهم تاخذ اللزه
يوم انها طارد ومطرود=ماتوخذ اذوادهم خزه
تكفين روفي بحال العود=قلبه عليك الهوى هزه
وش تنفعك جضة المضهود=والناس بانظارها تقزه
حبك بقلبي بنا له طود=دوك العلم باوسطه رزه
وان كان مات الهوى مولود=في حبك القلب قم عزه
يالغذب خذ علمي الماكود=نفسي لها شيمه وعزه
غيرك مثل ماردً مورود=تعافه النفس وتكزه
لو اني لمارده محدود=تزوعه الكبد وتجزه
عيد النظر دام انا موجود=وبليس يا صاحبي خزه
ما في تمنعك مني فود=وانته جوارحك مهتزه
عيدك سعيد وعساه يعود=وتدوم لي شوفتك حزه
العيد مابحبته منقود=عرضك عن الشينه منزه
خذها هديه وعطني زود=حتى يجي للهوى مزه
مادام حبل الهوى ممدود=هيا معي نلعب الكزه
جاوب سؤالي وهات ردود=وخصرك لجل خاطري هزه