ابو جودة
12-20-2007, 08:26 AM
اول شي كل عام وانت بخير وعاد عيدكم وجعله دوم افراح واعياد :)
شيابنا وسوالفهم :)
شيابنا يحبون شي اسمه سوالف يعني شي طبيعي لو لقيته يسولف مع عامل البلديه ومدخله البيت للقهوه :D ويعاب عليهم زياده الملح والبهارات في كل سالفه :D ويحبون شي اسمه قناة الجزيره لو تلاحظون خاصه برنامج الاتجاه المعاكس تلقاه معصب وقافله اخلاقه و خاش معهم بالموضوع ويطالب ويصيح ويلاعن ومنسدح تحت التفزيون حتى تغلق ..
فمره جلست مع احد الشياب في عرس واحد من الجماعه وقمت اسولف معه ماصدق الشايب عدل الجلسه واعرفوا اذا عدل الشايب انه عنده شي كبير :Dالمهم قال : والله سنة من السنين حياة بخيت الله يرحمه :( وحنا رقود جت بنيت تصيح ابك الحقوني والله يوم اقزع من مكاني مثل الذيب وانا اشوف ذيك البنيه الشهبا تروع القلب وانا اقرب منها وهي تقول تصيح ابك الحقني الحرامي بيسرقنا وانا اركب الموتر انا وياها وهي جنبي يوم اقز يدها والله ياهي مثل الاقط مابها شعرتن وحده
قاطعته وسالته : كيف شفت يدها وانتم بالليل ؟؟
الشايب ضاعت علومه وتسنه انحشر وقال : ابك اسكت ولاتقاطع الريجيل لااسلب جلدك :sly:
وكمل السالفه وهو يقول : يوم نوصل بيتها الا وخمسه ريجيل وانا اطلع السلاح واثوره فيهم يومن الله يطيحهم جميع ثم عانت فيني وقالت ذيك القصيده : مدري وش يالذيب مدري وش مامثلك احد ومدري وش بعدها < قصيده بدون ابيات !!! :(
ثم رديت علاها ببيت : انتي اللي مدري وش اللي مامثلتس مدري وش المهم قصيده زينه وجزله <اما جزله :(
والله يومني ارجع الخيمه وانا اشوف امي الله يذكرها بالخير تسوي العشاء وتقصد من القصايد
انا : كيف تسوي العشاء وانتم كنتوا رقود ؟؟
الشايب : ابك انت توحي يالرخمه لاعاد تقاطعني وتعلم سلوم العرب :sly:
انا : اسلم اسلم
الشايب: وانا اقول لها يايمه ماتزوجيني يوم وافقت امي وحنا نروح لبيتهم ونخطبها وشلناها بالموتر معنا
ويوم جاء الليل < هنا انتبهوا الشياب لاجاك يوصف القدره الجنسيه وسوالف تالي الليل
المهم قال : وهي تنزل برقعها وانا اقرب منها وهي تقرب مني ....< الباقي رقابه :D
المهم انا ماعاد اشوف الدرب من كلامه اللي في تالي الليل بصراحه كلام اجرامي ولاجاك يوصف بنات اول وزمانهم قام يقول والله ياشعرها يسحب مع الارض والعيون ماش مثلها وياحب الشياب للمدرسات خاصه من بد كل الحريم ولا جلست جنبه نشدك: ماعينت لنا مدرسات يبن الزواج .. والله ابوحمد ماخذله مدرستين ويعلمنا يقول زواج المدرسات سعه صدر بالليل ودراهم بالنهار :D والله انها نعمه مامثلها .
بس النقاش معهم ممتع يعني يقنعك يقنعك غصب طيب برضاك بدون رضاك اهم شي انك تقتنع بكلامه
حتى لو يضطر لزياده نصف كوب من البهارات والملح :D ويمسك خط بالسوالف مايمديك توقفه :)
ياحب لهالشياب :)
شيابنا وسوالفهم :)
شيابنا يحبون شي اسمه سوالف يعني شي طبيعي لو لقيته يسولف مع عامل البلديه ومدخله البيت للقهوه :D ويعاب عليهم زياده الملح والبهارات في كل سالفه :D ويحبون شي اسمه قناة الجزيره لو تلاحظون خاصه برنامج الاتجاه المعاكس تلقاه معصب وقافله اخلاقه و خاش معهم بالموضوع ويطالب ويصيح ويلاعن ومنسدح تحت التفزيون حتى تغلق ..
فمره جلست مع احد الشياب في عرس واحد من الجماعه وقمت اسولف معه ماصدق الشايب عدل الجلسه واعرفوا اذا عدل الشايب انه عنده شي كبير :Dالمهم قال : والله سنة من السنين حياة بخيت الله يرحمه :( وحنا رقود جت بنيت تصيح ابك الحقوني والله يوم اقزع من مكاني مثل الذيب وانا اشوف ذيك البنيه الشهبا تروع القلب وانا اقرب منها وهي تقول تصيح ابك الحقني الحرامي بيسرقنا وانا اركب الموتر انا وياها وهي جنبي يوم اقز يدها والله ياهي مثل الاقط مابها شعرتن وحده
قاطعته وسالته : كيف شفت يدها وانتم بالليل ؟؟
الشايب ضاعت علومه وتسنه انحشر وقال : ابك اسكت ولاتقاطع الريجيل لااسلب جلدك :sly:
وكمل السالفه وهو يقول : يوم نوصل بيتها الا وخمسه ريجيل وانا اطلع السلاح واثوره فيهم يومن الله يطيحهم جميع ثم عانت فيني وقالت ذيك القصيده : مدري وش يالذيب مدري وش مامثلك احد ومدري وش بعدها < قصيده بدون ابيات !!! :(
ثم رديت علاها ببيت : انتي اللي مدري وش اللي مامثلتس مدري وش المهم قصيده زينه وجزله <اما جزله :(
والله يومني ارجع الخيمه وانا اشوف امي الله يذكرها بالخير تسوي العشاء وتقصد من القصايد
انا : كيف تسوي العشاء وانتم كنتوا رقود ؟؟
الشايب : ابك انت توحي يالرخمه لاعاد تقاطعني وتعلم سلوم العرب :sly:
انا : اسلم اسلم
الشايب: وانا اقول لها يايمه ماتزوجيني يوم وافقت امي وحنا نروح لبيتهم ونخطبها وشلناها بالموتر معنا
ويوم جاء الليل < هنا انتبهوا الشياب لاجاك يوصف القدره الجنسيه وسوالف تالي الليل
المهم قال : وهي تنزل برقعها وانا اقرب منها وهي تقرب مني ....< الباقي رقابه :D
المهم انا ماعاد اشوف الدرب من كلامه اللي في تالي الليل بصراحه كلام اجرامي ولاجاك يوصف بنات اول وزمانهم قام يقول والله ياشعرها يسحب مع الارض والعيون ماش مثلها وياحب الشياب للمدرسات خاصه من بد كل الحريم ولا جلست جنبه نشدك: ماعينت لنا مدرسات يبن الزواج .. والله ابوحمد ماخذله مدرستين ويعلمنا يقول زواج المدرسات سعه صدر بالليل ودراهم بالنهار :D والله انها نعمه مامثلها .
بس النقاش معهم ممتع يعني يقنعك يقنعك غصب طيب برضاك بدون رضاك اهم شي انك تقتنع بكلامه
حتى لو يضطر لزياده نصف كوب من البهارات والملح :D ويمسك خط بالسوالف مايمديك توقفه :)
ياحب لهالشياب :)