حصان الصدق
09-28-2010, 04:01 PM
قال عنه منديل الفهيد الأسعدي في كتاب من آدابنا الشعبيه ص 1/157
(هو فراج بن فلاح التويجر الدماسي من العضيان من الروقه وشاعر كبير حظر معركه بين مطير وعتيبه على الشيخ محمد البراق ومن معه من ذوي ثبيت)
وسجل قصيده في تلك المعركه سأوردها لاحقاً
فراج التويجر الدماسي العضياني من فرسان العضيان ومن مشاهيرهم وشاعر القبيله في وقته بل كان الناطق بأسم عتيبه في عصره وسجل أغلب المعارك وأرخها بقصائده التي يستشهد بها الرواه في وقتنا الحاضر.
كان من اشجع رجال العضيان وحظر معركة ابرقيه الشهيره وفعل في ذالك اليوم وذكره سلطان التهامي حينما تطرق للفرسان الذين برزو في ذالك اليوم
يقول التهامي
ونهمهم ضاوي الخمري بحس يفرح النشطان=وفراج التويجر ردها للي متلينا
ولعل هذا الشطر هو خير شاهد للرجل وشجاعته واما ضاوي الخمري المذكور فالشطر الأول هو الفارس ضاوي الخمري البيشي احد ابرز فرسان العضيان
فراج التويجر اراد من ابن هندي فرسً اصيله وقصد أمير عتيبه وابو عتيبه الأمير محمد بن هندي ومدحه في قصيدةً يذكر فيها بعض من فعول داهية عتيبه.
يقول فراج التويجر فالقصيده التي قصد بها الأمير محمد بن هندي
قال العضياني تمثل وغنا = مثايلن من خاطره واهتنا بها
ماهو بشاريها ولا مستعيرها =مصدارها عن غيابها
خوف يلزمها فقيه ينقد = ياخذ مصالحها وينطل خرابها
ياراكب من عندنا صيعريه = سديس والا تو ماشق نابها
مسراحها من روق من خشم عسعس=كل يشوفه صبح يوم التوى بها
ملفاك بن هندي منا هاشل الخلا=عيد النكيف اللي تضالع ركابها
تلقون ثاية كنها واكف الندى = من مس الايدي عقب لوخ العشابها
خيال بوش يوم لحقوه شمر=هل المهار اللي تلاعج ثيابها
يوم اوحت الشرفا بحس ابن هندي=تباشرت بشرفه بفكة رقابها
والخيل يوم اوحت صياحه وعزوته=تقلعت من كل فج اطنابها
وابن طواله نار قدام ربعه =وابنه ذبيح وذبحته ما درا بها
لاكن قلع الخيل بينه وبينا = زمول فرقانن موطاً زهابها
ذوي حميد الهم على الخيل ذارب =غز القديمي لآن يروى نصابها
والثانيه نثران دم المعادي=برديني بالجوف غمق صوابها
ياشوق عذرا كنها قايد المها=والبدر كنه ناقع في لبابها
يابنت من يضرب بشلفا طويله=لازرفلت والطرح جا في زهابها
قصدتها فيها على شان ابوها=ابا اتمثل فيه لو مادرى بها
يا الشيخ ابو سلطان ابالي اصيله=يازينها وان كان ربي نوى بها
انا بلايه من شبيب بن حجنه=يوم ان طاحس راح يمه وجابها
والشوخ يمك دوب تنقل حزاتها=مثل الحناشل يوم تنقل جرابها
وانته حبالك باع من فوق حبلهم = ومن ورد دلوه في حبالك سقى بها
وانته تشيل حمول من لايشيلها=شال الحمول الكايدات ومشى بها
(القصيده حصريه لهذا المنتدى ارجو ممن ينقلها يذكر المصدر لأنها مجمعه من الرواه على بيتين وثلاث ومتعوب عليها)
انا بلايه من شبيب بن حجنه=يوم ان طاحس راح يمه وجابها
هاذين البيتين اوردها القداح في كتابه ونقلها عن الراوي محمد بن حصيان
وطاحس المذكور هو طاحس بن مشنوطه احد ابرز رجال العضيان في وقته غفر الله له،،
كان للشاعرنا فراج التويجر حظور فالقبيله كما ذكرت وانه الناطق الرسمي بأسم العضيان
وهناك قصه جرت على قبيلة العضيان على وقت الأمير مارق بن صنيتان الضيط ومختصرها ، أنه هناك قصيرً للعضيان اخذ حلاله وجاء سيتفزع بالعضيان وردو أبله العضيان بعد ان كادت تقوم معركه بين العضيان
و(أحدى قبائل عتيبه)!!
يقول فراج التويجر الدماسي
قصيرنا لوهو ورى بندر الحاج = غصباً عليكم ياعور عين تديه
لو سالفه عن سالف البدو منعاج=يدعى ورفاع النظر مثل مرخيه
وأن لاح براقً من الوسم لعاج=قطعاننا قامت تخوض خباريه
في رأي اميراً للمجاويخ زعاج=مزحم رعايله وطلحه تراعيه
وهو يقصد الأمير مارق الضيط في البيت الأخير
وتعتبر ابيات التويجر هذه حفظً للهذه القصه التي لولا ابيات التويجر يمكن ان تذهب مع الزمن،،،،
فراج التويجر كان معاصراً لوقت صنيتان الضيط ومعاصرً في آخر عمره وقت مارق الضيط
يقول في معركة (بدن) وهو جبل مشهور وقعة بجانبه الغاره وكانت احدى المعارك التي حفظها ايضاً بأبياته
المعركه كانت بين المزاحمه على صنيتان الضيط والسقايين من مطير
وبرز في تلك المعركه الفارس بالود بن ناصر بن شالح الضيط والفارس مدوخ بن تنيبيك
يقول فراج وهو يتحدث عن بعض تفاصيل المعركه
ياذيب ياللي في بدن تقنب قنيب = دونك على العوني تجدد لك مراح
غالب و طالب دوك في حرف الشعيب =في معلج خيل ٍتزارق بالرماح
ذباحهم شيخً لنا ناشً بطيب=يروي السنان ومن وراه الجب طاح
بالود يلعبهم كما لعب الغريب=من فوق قباً كنها ضبي البراح
وزيد ابن سحلي يشيلونه صويب = عليه علو شه تغثري بالصياح
بالود هو الفارس بالود الضيط بناخي صنيتان ووالد الفارس المشهور(منصور بن بالود)
وزيد بن سحلي صوب في تلك المعركه والذي صوبه هو الفارس المشهور مدوخ بن تنيبيك
أيضاً تمثل الشاعر فراج التويجر الدماسي مخاطبً احد فرسان الروقه المشهورين
يا.........ما انت بضدنا =لو كان باليمنى طليق
[color=#000000]ذود المعلج حدنا=ولا نعتذر دون الرفيق
وهذه الابيات جاءت عندما اخذ ذود كريون المعلج المرشدي وجاء يستفزع بالأمير مارق الضيط وفزعله وردله ابله
وسجلها فراج التويجر بهذه الحداه،،،،
وأما قصيدة الأخرى وهي من اشهر قصائده التي سجلها لحفظ التاريخ وقد ذكرها
ابو عبدالرحمن بن عقيل في كتابه ص 182/ و3/215
وهذه القصيده قالها بعد الوقعه التي حصلت بن مطير وجز من عتيبه على الشيخ محمد البراق من ذوي ثبيت ومن فرسان الروقه المشهورين
ياراكب حمرا تهوش المضاريـس =ماساقها الجمال واوجر ضهرهـا
حمرا قفاها كنها من قفـا الفيـس =وعيونها جمر الغضا من صطرها
مسراحها من غال حل الغطاليـس =والعصر وادي الدعيكـه قهرهـا
حرم طعام معشيـه بالحماريـس =لاهبت النكبـا وصالـف مطرهـا
جزافه الدنا علـى غيـر تقييـس =ما حسبوا صرفاتها من خسرهـا
جانا ولد سالـم بيـد المناطيـس =بنمرا يشادي الديدحانـي شهرهـا
قدمه ولد هادي مروي المناسيـس =باولاد روق مغدرة مـن نحرهـا
هضاب غال مشمرخات الاراويس =من الجنايـز ضايقـات حفرهـا
الماطلـي والمارتـي والمقاييـس =والريفل اللي سوها فـى قطرهـا
ما فرجت له يوم جنـه كراديـس =من طب للمرمى يضيـع نظرهـا
ريع السليل مثل بـاب المحابيـس =بريه عقب الزوم ربـي حشرهـا
والرجل مالت من مجاني القرانيس =والخيل عند حليس حـول نبرهـا
وله قصيده في امير الدغالبه من عتيبه وهو الشيخ خزام المهري والقصيده لم اجد منها الا هذه الأبيات
يانجد وين محيلين الثنيه=ومنزحة عن نجد دقلات الأجناب
هذي محل اضويهم تقل حيه=مثل الخدور اللي تبنى بالاسلاب
اقفابهم ياخزام ضيق عليه=واقبالهم يفتح على قلبي ابواب
وكما ذكرات انه الناطق بأسم قبيلة عتيبه وله قصيدة تعتبر من اشهر القصائد التاريخيه في وقتنا الحاضر وهي قيلت بعد مناخ عرجا بين عتيبه وتحالف مطير مع حرب ضد الهيلا وقال هذه الأبيات بعد ما فزعو الروقه وصبحو مطير ولقوهم قد سرو ولا وجدو الا الكلاب مربطه والنيران مشبوبه وهم قد انسحبو ليلاً
والقصيده موجهه للشيخ نايف بن هذال بن بصيص
حنا عتابه للحرايب ماشتحنا= نضير النافر ويركب له وليف
برقا لا يامن الحرايب ولعنا =منزحه عن نجد دقلات الحفيف
وحنا لهم مثل الجمال اللي تثنا =شياله الحمل الثقيل عن الخفيف
نمشي وتالي الليل يسري به ضعنا= ونقل المثقل عندنا نقل الخفيف
في نجد خلينا القبايل ما تهنا = وكم واحد من ضربنا اقفى معيف
ياليت نايف حاظراً دقلة جملنا= حتى يخلي نجد بالقلب النظيف
رديفكم شلناه من عرجا لهلنا=ولومه عليكم يامخليت الرديف
العام يومك نخيته ما تونا=واليوم خليته بعد جالك حليف
ياللي تجي هذال رد العلـم عنـا= لو هو وراء مكة وبلدان الشريف
لا يحسبنه يوم راح وصـد عنـا=انا نقرط في الاصابع نستضيـف
المقصود بالرديف فالبيت السابع هو الشيخ حجاب بن نحيت الذي استيسره محمد بن هندي في ذالك اليوم واكرمه شهرين وبعدها ارسله لجماعته مكرماً معززا،،،،
يقول الشاعر كديميس العصيمي مستعرضاً تلك المعركه
أبن نحيت حجاب بين المثارين=دارت عليه بمعتلجهن رحانا
ينخى بني سالم وهم عنه مقفين=وخاب الرجا فيهم وعود نخانا
وجسمه تشارك فيه شلفا ورمحين=وشلنا واسقينا النحيتي دوانا
هذال المذكور في البيت الذي قبل الاخير هو الأمير هذال بن فهيد
وهذه القصيده الختاميه للشاعرنا الكبير فراج الدويجر العضياني في مدح امراء برقا من عتيبه وللأسف ان القصيده حرفت في الوقت الحالي لأغراض خاصه!!
ياولي العرش يـارب العمـوم =يامعدينـي عواقيـب الاثــام
عقب هذا قربوا لي خمس كوم= خمس زينات المماشي والاولام
مربعات دون شمـر بالجـزوم= ناقضات الجزو في وادي جهام
قيضن بالقيض في وادي الهشوم= لين ني الهجن جا كبر العـدام
انحروا برقـا منجيـة الفحـوم= من خيول ابريه ولا خيـل يـام
يمموهـن ياطـروش باليمـوم= يم ابو صلال جعله مـا يضـام
هيضلن ماهي تلاميس العلـوم= ترث باني البيت عزال الجهـام
ثم نصوهن الـى شيـخ لـزوم= شيخ برقا بالمنـازل والزحـام
يم ابن هندي عسى عمره يـدوم= سلموا لي واجهدوا لي بالسلام
يوم يركب فوق شقراه القحـوم= العبيه ركضهـا فيـه الدحـام
فوقهـا يمنـا تـورد بالسهـوم =تشبع اللي في مراح الخيل حام
شايل حمله معه حمل الحمـوم= لو تعقل اعضاه بالحمليـن قـام
وراعي العليا مريـع للفحـوم= حرز تالي الخيل بايام العسـام
غير نطح الخيل نطحه للسهـوم =ودقله المظهور فايـام الزحـام
يالله اني طالبك في كـل يـوم =تفهق أجله من ورى تسعين عام
المصادر بعض من الرواه والباقي أخذ من كتب
من ادابنا الشعبيه منديل الفهيد الاسعدي ص 1 / 157 وديوان الشعر العامي بلهجة أهل نجد/ ابو عبدالرحمن بن عقيل ص 182/ و3/215 وقصه وابيات لأبراهيم اليوسف ص 146
هذا موجز فقط عن رجلاً شرف القبيله رحمه الله رحمة واسعه،،،،
كتبت هذا الموضوع في عام 2007 وتفاجئت بعدها بنقله لأكثر من موقع وتغيير الكثير مما كتبته .
علماً انني قمت بجمع المعلومات من مصادر تاريخيه ورواه موثوقين
(هو فراج بن فلاح التويجر الدماسي من العضيان من الروقه وشاعر كبير حظر معركه بين مطير وعتيبه على الشيخ محمد البراق ومن معه من ذوي ثبيت)
وسجل قصيده في تلك المعركه سأوردها لاحقاً
فراج التويجر الدماسي العضياني من فرسان العضيان ومن مشاهيرهم وشاعر القبيله في وقته بل كان الناطق بأسم عتيبه في عصره وسجل أغلب المعارك وأرخها بقصائده التي يستشهد بها الرواه في وقتنا الحاضر.
كان من اشجع رجال العضيان وحظر معركة ابرقيه الشهيره وفعل في ذالك اليوم وذكره سلطان التهامي حينما تطرق للفرسان الذين برزو في ذالك اليوم
يقول التهامي
ونهمهم ضاوي الخمري بحس يفرح النشطان=وفراج التويجر ردها للي متلينا
ولعل هذا الشطر هو خير شاهد للرجل وشجاعته واما ضاوي الخمري المذكور فالشطر الأول هو الفارس ضاوي الخمري البيشي احد ابرز فرسان العضيان
فراج التويجر اراد من ابن هندي فرسً اصيله وقصد أمير عتيبه وابو عتيبه الأمير محمد بن هندي ومدحه في قصيدةً يذكر فيها بعض من فعول داهية عتيبه.
يقول فراج التويجر فالقصيده التي قصد بها الأمير محمد بن هندي
قال العضياني تمثل وغنا = مثايلن من خاطره واهتنا بها
ماهو بشاريها ولا مستعيرها =مصدارها عن غيابها
خوف يلزمها فقيه ينقد = ياخذ مصالحها وينطل خرابها
ياراكب من عندنا صيعريه = سديس والا تو ماشق نابها
مسراحها من روق من خشم عسعس=كل يشوفه صبح يوم التوى بها
ملفاك بن هندي منا هاشل الخلا=عيد النكيف اللي تضالع ركابها
تلقون ثاية كنها واكف الندى = من مس الايدي عقب لوخ العشابها
خيال بوش يوم لحقوه شمر=هل المهار اللي تلاعج ثيابها
يوم اوحت الشرفا بحس ابن هندي=تباشرت بشرفه بفكة رقابها
والخيل يوم اوحت صياحه وعزوته=تقلعت من كل فج اطنابها
وابن طواله نار قدام ربعه =وابنه ذبيح وذبحته ما درا بها
لاكن قلع الخيل بينه وبينا = زمول فرقانن موطاً زهابها
ذوي حميد الهم على الخيل ذارب =غز القديمي لآن يروى نصابها
والثانيه نثران دم المعادي=برديني بالجوف غمق صوابها
ياشوق عذرا كنها قايد المها=والبدر كنه ناقع في لبابها
يابنت من يضرب بشلفا طويله=لازرفلت والطرح جا في زهابها
قصدتها فيها على شان ابوها=ابا اتمثل فيه لو مادرى بها
يا الشيخ ابو سلطان ابالي اصيله=يازينها وان كان ربي نوى بها
انا بلايه من شبيب بن حجنه=يوم ان طاحس راح يمه وجابها
والشوخ يمك دوب تنقل حزاتها=مثل الحناشل يوم تنقل جرابها
وانته حبالك باع من فوق حبلهم = ومن ورد دلوه في حبالك سقى بها
وانته تشيل حمول من لايشيلها=شال الحمول الكايدات ومشى بها
(القصيده حصريه لهذا المنتدى ارجو ممن ينقلها يذكر المصدر لأنها مجمعه من الرواه على بيتين وثلاث ومتعوب عليها)
انا بلايه من شبيب بن حجنه=يوم ان طاحس راح يمه وجابها
هاذين البيتين اوردها القداح في كتابه ونقلها عن الراوي محمد بن حصيان
وطاحس المذكور هو طاحس بن مشنوطه احد ابرز رجال العضيان في وقته غفر الله له،،
كان للشاعرنا فراج التويجر حظور فالقبيله كما ذكرت وانه الناطق الرسمي بأسم العضيان
وهناك قصه جرت على قبيلة العضيان على وقت الأمير مارق بن صنيتان الضيط ومختصرها ، أنه هناك قصيرً للعضيان اخذ حلاله وجاء سيتفزع بالعضيان وردو أبله العضيان بعد ان كادت تقوم معركه بين العضيان
و(أحدى قبائل عتيبه)!!
يقول فراج التويجر الدماسي
قصيرنا لوهو ورى بندر الحاج = غصباً عليكم ياعور عين تديه
لو سالفه عن سالف البدو منعاج=يدعى ورفاع النظر مثل مرخيه
وأن لاح براقً من الوسم لعاج=قطعاننا قامت تخوض خباريه
في رأي اميراً للمجاويخ زعاج=مزحم رعايله وطلحه تراعيه
وهو يقصد الأمير مارق الضيط في البيت الأخير
وتعتبر ابيات التويجر هذه حفظً للهذه القصه التي لولا ابيات التويجر يمكن ان تذهب مع الزمن،،،،
فراج التويجر كان معاصراً لوقت صنيتان الضيط ومعاصرً في آخر عمره وقت مارق الضيط
يقول في معركة (بدن) وهو جبل مشهور وقعة بجانبه الغاره وكانت احدى المعارك التي حفظها ايضاً بأبياته
المعركه كانت بين المزاحمه على صنيتان الضيط والسقايين من مطير
وبرز في تلك المعركه الفارس بالود بن ناصر بن شالح الضيط والفارس مدوخ بن تنيبيك
يقول فراج وهو يتحدث عن بعض تفاصيل المعركه
ياذيب ياللي في بدن تقنب قنيب = دونك على العوني تجدد لك مراح
غالب و طالب دوك في حرف الشعيب =في معلج خيل ٍتزارق بالرماح
ذباحهم شيخً لنا ناشً بطيب=يروي السنان ومن وراه الجب طاح
بالود يلعبهم كما لعب الغريب=من فوق قباً كنها ضبي البراح
وزيد ابن سحلي يشيلونه صويب = عليه علو شه تغثري بالصياح
بالود هو الفارس بالود الضيط بناخي صنيتان ووالد الفارس المشهور(منصور بن بالود)
وزيد بن سحلي صوب في تلك المعركه والذي صوبه هو الفارس المشهور مدوخ بن تنيبيك
أيضاً تمثل الشاعر فراج التويجر الدماسي مخاطبً احد فرسان الروقه المشهورين
يا.........ما انت بضدنا =لو كان باليمنى طليق
[color=#000000]ذود المعلج حدنا=ولا نعتذر دون الرفيق
وهذه الابيات جاءت عندما اخذ ذود كريون المعلج المرشدي وجاء يستفزع بالأمير مارق الضيط وفزعله وردله ابله
وسجلها فراج التويجر بهذه الحداه،،،،
وأما قصيدة الأخرى وهي من اشهر قصائده التي سجلها لحفظ التاريخ وقد ذكرها
ابو عبدالرحمن بن عقيل في كتابه ص 182/ و3/215
وهذه القصيده قالها بعد الوقعه التي حصلت بن مطير وجز من عتيبه على الشيخ محمد البراق من ذوي ثبيت ومن فرسان الروقه المشهورين
ياراكب حمرا تهوش المضاريـس =ماساقها الجمال واوجر ضهرهـا
حمرا قفاها كنها من قفـا الفيـس =وعيونها جمر الغضا من صطرها
مسراحها من غال حل الغطاليـس =والعصر وادي الدعيكـه قهرهـا
حرم طعام معشيـه بالحماريـس =لاهبت النكبـا وصالـف مطرهـا
جزافه الدنا علـى غيـر تقييـس =ما حسبوا صرفاتها من خسرهـا
جانا ولد سالـم بيـد المناطيـس =بنمرا يشادي الديدحانـي شهرهـا
قدمه ولد هادي مروي المناسيـس =باولاد روق مغدرة مـن نحرهـا
هضاب غال مشمرخات الاراويس =من الجنايـز ضايقـات حفرهـا
الماطلـي والمارتـي والمقاييـس =والريفل اللي سوها فـى قطرهـا
ما فرجت له يوم جنـه كراديـس =من طب للمرمى يضيـع نظرهـا
ريع السليل مثل بـاب المحابيـس =بريه عقب الزوم ربـي حشرهـا
والرجل مالت من مجاني القرانيس =والخيل عند حليس حـول نبرهـا
وله قصيده في امير الدغالبه من عتيبه وهو الشيخ خزام المهري والقصيده لم اجد منها الا هذه الأبيات
يانجد وين محيلين الثنيه=ومنزحة عن نجد دقلات الأجناب
هذي محل اضويهم تقل حيه=مثل الخدور اللي تبنى بالاسلاب
اقفابهم ياخزام ضيق عليه=واقبالهم يفتح على قلبي ابواب
وكما ذكرات انه الناطق بأسم قبيلة عتيبه وله قصيدة تعتبر من اشهر القصائد التاريخيه في وقتنا الحاضر وهي قيلت بعد مناخ عرجا بين عتيبه وتحالف مطير مع حرب ضد الهيلا وقال هذه الأبيات بعد ما فزعو الروقه وصبحو مطير ولقوهم قد سرو ولا وجدو الا الكلاب مربطه والنيران مشبوبه وهم قد انسحبو ليلاً
والقصيده موجهه للشيخ نايف بن هذال بن بصيص
حنا عتابه للحرايب ماشتحنا= نضير النافر ويركب له وليف
برقا لا يامن الحرايب ولعنا =منزحه عن نجد دقلات الحفيف
وحنا لهم مثل الجمال اللي تثنا =شياله الحمل الثقيل عن الخفيف
نمشي وتالي الليل يسري به ضعنا= ونقل المثقل عندنا نقل الخفيف
في نجد خلينا القبايل ما تهنا = وكم واحد من ضربنا اقفى معيف
ياليت نايف حاظراً دقلة جملنا= حتى يخلي نجد بالقلب النظيف
رديفكم شلناه من عرجا لهلنا=ولومه عليكم يامخليت الرديف
العام يومك نخيته ما تونا=واليوم خليته بعد جالك حليف
ياللي تجي هذال رد العلـم عنـا= لو هو وراء مكة وبلدان الشريف
لا يحسبنه يوم راح وصـد عنـا=انا نقرط في الاصابع نستضيـف
المقصود بالرديف فالبيت السابع هو الشيخ حجاب بن نحيت الذي استيسره محمد بن هندي في ذالك اليوم واكرمه شهرين وبعدها ارسله لجماعته مكرماً معززا،،،،
يقول الشاعر كديميس العصيمي مستعرضاً تلك المعركه
أبن نحيت حجاب بين المثارين=دارت عليه بمعتلجهن رحانا
ينخى بني سالم وهم عنه مقفين=وخاب الرجا فيهم وعود نخانا
وجسمه تشارك فيه شلفا ورمحين=وشلنا واسقينا النحيتي دوانا
هذال المذكور في البيت الذي قبل الاخير هو الأمير هذال بن فهيد
وهذه القصيده الختاميه للشاعرنا الكبير فراج الدويجر العضياني في مدح امراء برقا من عتيبه وللأسف ان القصيده حرفت في الوقت الحالي لأغراض خاصه!!
ياولي العرش يـارب العمـوم =يامعدينـي عواقيـب الاثــام
عقب هذا قربوا لي خمس كوم= خمس زينات المماشي والاولام
مربعات دون شمـر بالجـزوم= ناقضات الجزو في وادي جهام
قيضن بالقيض في وادي الهشوم= لين ني الهجن جا كبر العـدام
انحروا برقـا منجيـة الفحـوم= من خيول ابريه ولا خيـل يـام
يمموهـن ياطـروش باليمـوم= يم ابو صلال جعله مـا يضـام
هيضلن ماهي تلاميس العلـوم= ترث باني البيت عزال الجهـام
ثم نصوهن الـى شيـخ لـزوم= شيخ برقا بالمنـازل والزحـام
يم ابن هندي عسى عمره يـدوم= سلموا لي واجهدوا لي بالسلام
يوم يركب فوق شقراه القحـوم= العبيه ركضهـا فيـه الدحـام
فوقهـا يمنـا تـورد بالسهـوم =تشبع اللي في مراح الخيل حام
شايل حمله معه حمل الحمـوم= لو تعقل اعضاه بالحمليـن قـام
وراعي العليا مريـع للفحـوم= حرز تالي الخيل بايام العسـام
غير نطح الخيل نطحه للسهـوم =ودقله المظهور فايـام الزحـام
يالله اني طالبك في كـل يـوم =تفهق أجله من ورى تسعين عام
المصادر بعض من الرواه والباقي أخذ من كتب
من ادابنا الشعبيه منديل الفهيد الاسعدي ص 1 / 157 وديوان الشعر العامي بلهجة أهل نجد/ ابو عبدالرحمن بن عقيل ص 182/ و3/215 وقصه وابيات لأبراهيم اليوسف ص 146
هذا موجز فقط عن رجلاً شرف القبيله رحمه الله رحمة واسعه،،،،
كتبت هذا الموضوع في عام 2007 وتفاجئت بعدها بنقله لأكثر من موقع وتغيير الكثير مما كتبته .
علماً انني قمت بجمع المعلومات من مصادر تاريخيه ورواه موثوقين