مـــا كـــل من يضحك بدنيـاه مسـرور

[مزون الغيم]

السلام عليكم ورحمة الله وبركاته


يسرني أن أقدم لكم هذي القصيده



مـــا كـــل من يضحك بدنيـاه مسـرور=لــو ضــحــكته دايـم تحـرك حجاجــه

وما كل من يبكي من الناس مقهـــور=بعض الدموع رخاص من شان حاجــه

وما كل صادق لو حكا لك من شعـــور=يـــا كــثــر من زيف المشاعـر خراجـه

وما كـــل ما يخفا من السـر مــستـور=بعض الوجيه ابين من ارهف زجاجـــه

ومــا كــل بــيــتٍ بابه انصـك مهجـور=كـم بــيتٍ اطفا الشح واهـج سراجـه

ومـــا كـــل وردٍ تــزرعــه ينثـر عطـور=لــو مــاه صـافــي مـا يخالـط هماجـه

ومــا كــل مرهــف قلب لو يزرع زهور=قــلــب يحب الورد وهو مثـل صاجـــه

وما كل من يخطي من الناس معذور=البعض يخطي من علـوم العواجــــه

وما كل من يسكت على الظيم مجبور=لجل الغلا ساكت ويدعـي انفراجــــه

وما كل راسٍ ضيع الفكر مــسـحـــور=كم راس سحر الحب جاب ارتـجـاجــه

ومـــا كــــل عله فادهـا طـب دكتــور=كــم مـــن عليلٍ وصـل خلـه علاجـــه

وما كل من شاور حكيمٍ خذا الشــــور=بعـض الـبـشـر مـا يقنــع الا مـــزاجـه

وما كل من سمي صقر يشبه صقور=كم من صقر وقت الشدايـد دجاجــــه

وما كــل فــزاع لجـل مــدح مشكــور=البعـض مرجلتـه وسامـه وتــــاجـــه



منقوووول

[ابن مجـهل]

وما كل راسٍ ضيع الفكر مسحـور كم راس سحر الحب جاب ارتجاجـه


كلك ذوق على هالنقل اللي تشبعنا منه شعر ..


تسلم والله ..

[zoom zoom]

شكرا مزون الغيم

[Miss kendah]

شكرا لك نقل جميل جدا

[مزون الغيم]

أبن مجهل

zoom-zoom

miss kendah

أشرق متصفحي حضوركم الكريم

تحياتي

[غناتي]

مشكووره اختي الغاليه مزون الغيم قصيده روعه

[سمي عمهوج]

الله يعطيكـ العافيه على النقل

قصيدهـ رائعه وراقيه

لاهنتي

[ابو مزنه]

الله يعطيكـ العافيه على هذا النقل الجميل