ذايع الصيت تعااااااال لاهنت ..

[ابن مجـهل]

يا ذايع الصيت عاد العيد جعله يعود=يطول عمرك وعيدك ياعميلي سعيد



اليوم ابشرك نوخت البعير الهبود = راسه ربط بالرسن ويديه جمعت بقيد

[سمي عمهوج]

الله الله يابن مجهل

دخول قوي من شاعر كبير

متابع ومنتضر ذايع الصيت

[فارس المجاهله]

الله الله ياابن مجهل


أبيات رائعه من شاعر جزل


بــ انتظار ذايع الصيت



متااابع


:)

[العضياني]

ياسلاااااام اسمحوا لي اجلس في المدرجات المخصصه لجماهير ابن مجهل

وبيض الله وجيهكم

[ذايع الصيت]

ابن مجهل

استلم لاهنت


يطول عمرك وعزك في رقي وصعود.......عاد عيدك وربـك يفــعل اللــي يريــد

يا المجهلي شفته بعيني تعشى قعود........انحش عنه لا يجيك اليوم علم شديد

[ابن مجـهل]

الهرش فيه الخطام وبالحديد محدود ................. معقل اربع ولا له ياعميلي سنيد ..

قضبته المنحدر ماعاد يرقى سنود ...................... كب الهدير ورغا واطاع لو هو عنيد ...

[ابن مجـهل]

سمي عمهوج

فارس المجاهله


العضياني

مشكورين على التواجد ..

[ذايع الصيت]

شمال برق يلوح وغرب جتك الرعود........والحر ماعاش في دار الغشم والعبيد


وكلامك اللي تقوله اثبته بالشـهود..........الحــجه الكاذبــه تفشــل وهـذا الاكــيد

[ابن مجـهل]

بعض البوارق يضيع لا تقفاه نود ........................... وانت ترجاه لين الزرع عود هميد .

طارت حرار الصقور ورافقتها الفهود.................. ماباقي الا خشاش الارض واسمر لبيد..

[العضياني]

بيض الله وجيهكم

زيدوناا يالربع

[ابو جودة]

الذين يشاهدون محتوى الموضوع الآن : 2 ( الأعضاء 2 والزوار 0)
الاجودي, ذايع الصيت

اطربنا لاهنت :)

[ذايع الصيت]

ياصاحبي روح سولف للعجم والهنود.........يمكن يقولون جانا اليوم شاعر فريد

خذها نصيحه ورجلك للخطا لا تعــود.........واتبع طريق العرب حذراك عنه تحيد

[ذايع الصيت]

اخواني اللي مروا جميعا مشكووووووووووورييييييييين


والمعذره الان مشغول اذا حبيت تواصل شوي في الليل

[ابن مجـهل]

شكرا للي تابع والف شكر للمستحيل شاعر متمكن جدا ..


بس المعنى اللي اقصده غير جدا ..


وصح لسانك يالمستحيل استمتعت معك طال عمرك ..

[عضيـاني لنـدن]

صحت الالسن والقلوب ,,,,,,,,,,,

[فارس المجاهله]

صح لسان شعارنا . ( ذايع الصيت , أبن مجهل )



ولا هنتوا يـالربع

[ذايع الصيت]

اخواني الله لا يهينكم جميعا

الشاعر المميز ابن مجهل تسلم طال عمرك وسعدت باللعب معك

وتقبل احترامي وتقديري

[العضياني]

...... يعني نسري .....