الليله الليله الطاروق يعجب ذايع الصيت..!!!

[المبدأ]

وينك يا ذايع الصيت..؟!


الليله الليله الطاروق يعجب ذايع الصيت = نادوه يأقف معي ميقاف بعزوم<ن> قويه
بنحلها بيننا بالسّلم ولاّ بالديناميت = ما عاد يحتاج بعد اليوم تطويل القضيه

[أبو عبدالله]

صح لسانك يا المبدأ

أنا من صفّك ومتابعين لكم

وننتظر قدوم ذايع الصيت وصح لسانه مقدّماً.

[ذايع الصيت]

صح لسانك يالمبدأ والمعذره ماشفتها الا متأخره

استلم

حييت حييت ياللي بعالي الصوت ناديت.......اطلب وتامر واقدم لك هديه


يالــلــه انـــا طــالــبــك يا حـامي البيت.......تقوم الحـــظ مــع هذا البليه

[زلزال]

صح لسان الشاعرين

وسلجوني متابع

[ذايع الصيت]

ابو عبدالله مروورك يكفيني يالطيب

زلزال صح بدنك ومتابعتك تسعدنا يالغالي

[ابن مجـهل]

ماشاء الله تبارك الله مبدعين صحت الالسن والقلوب

[المبدأ]

أبو عبدالله

تواجدك اسعدني لا هنت

[المبدأ]

ذابع الصيت أستلم لاهنت :


معذور معذور مير الوزن ما جبته بعد جيت = أنته علامك تغيّر في لحوني هالسويه
الله يعافيك أشوفك مرتبك والسالفه كيت = ما نقبل إلا هدايا الفكر والصفراء الثنيه

[المبدأ]

زلزال

هلا بك منور يا بعدي

[المبدأ]

أبن مجهل

الدور واصلك هههههههههههه

سعدنا بتواجدك بالغالي

[فارس المجاهله]

متاااااااااابع


:)

[ذايع الصيت]

استلم لا هنتت وعساني جبتها على اللحن


الـــــعـــلــــم بـــــده واخـــــذ رده بـــتـــثــبــيت.......من شاعر<ن>فاهم<ن> فـ الابجديه


ثــــم وجـــــه الــــبـــوصــــلـه يومك تعزويت.......مـــن قـــــبــل اسميك مجهول الهويــه

[المبدأ]

أنت مخفف اللحن وأبي أمشي معك عليه

اسستلم لاهنت :


قد وصلك العلم مير اشوفك أغضيت = تراك معذور لا تشره عليه
الجهل جهل الحقيقه ما تلغويت = والأسم أنا وأنت بألقاب<ن> خفيه

[المبدأ]

فارس المجاهله

الله يحيي متابعتك

[ابن مجـهل]

متااااااااابع للابداع

[سمي عمهوج]

صح لسانكم جميع

طاروق جميل

[العضياني]

بيض الله وجيهكم

[ابن مجـهل]

ياهلا بك يالمبدا جاهزين



وبصراحه ابدعت انت وذايع الصيت

[ذايع الصيت]

المبدأ الله لا يهينك

استلم


من دلتك ياعميــلي ما تقهويت........انت<ه>علامك حرقــت الشــاذليــه


ترى الحقيقه يجي فيها تفاويت........لو كان انا وانت فـ الموقع سويه

[المبدأ]

استلم تراها في العضام لا هنت :


يا شيت أنا ما عطيتك بنّ يا شيت = أعطيتك أللي مضاربها صليه
أفطن لها قبل تشرب طعم حلتيت = وتذوق بعد العيا كأس النيه

[المبدأ]

ابن مجهل

سمي عمهوج

العضياني

مشكورين على التواجد

والشد يجيب المعاني الجزله

ماش مجاملات

[ذايع الصيت]

مامنك غير العوافي يوم غنيت........وتجمل الصوت بلحون<ن>شجيه


تحـدني ليـن البسـك التــوابـيت........واقـول مرحـوم يــاسـارق خــويـه

[المبدأ]

ههههههههه صح لسانك

استلم :


تقولها مير لا جاء العلم حنيت = حنة خلوج على جال الركيه
القبر عانه وعدك في العرب ميت = موتة حرامي رمي فالجندليه

[ذايع الصيت]

ههههههه صح لسانك

استلم


وقفت فـ المعركه وانت<ه>تراخيت.........عزمك تردى ولك نفس<ن> شقيه


لاتـقـرب مـن البحر يـاوارد الهـيـت.........لا تــحسبن الــبحر ارض<ن> خليه

[العضياني]

زيدونا ابداع ياشعرائنا الكبار

[أبو عبدالله]

المبدأ
ذايع الصيت

صحت الالسن والقلوب

[المبدأ]

والله ما أنت براعي رديه لكن القاف يبي كذا

استلم لا هنت :



ما أنته بواقف بها شفناك ذليت = ذليت وأنحشت يا راعي الرديه
قبلك سبحت البحر وأسقيت وأرويت = من يقف قدمي يعوقنه يديه

[ذايع الصيت]

الله يعطيك العافيه ماقصرت وصح لسانك

استلم لا هنت

جــربت تســبح ولكــنك ترديـــت.........ومن يدخل الملعبه يدفع جزيه


اعلنت عنك العفو يومنك ازريت.........والعفــو ياخوك عند المقدريه

[ذايع الصيت]

الاخوان اللي مروا جميعا شرفتونا بمروووركم الله لا يهينكم

ابن مجهل امسكه وتراه والله ما هو بسيط


تشرفت باللعب معك يا المبدأ

[المبدأ]

ذايع الصيت

صح لسانك

وأنا كذلك تشرفت باللعب معك

والمعذرة والسموحه يالطيب

[المبدأ]

اشكرا كل من مر وكل من رد وكل من تواجد

وتصبحون على خير جميعا