سلطان نجا
01-04-2008, 09:52 PM
العزبه مجهزه والجيب شغالي في مثل هالايام من السنه هي الايام المفضله للدواوير وعشاق القنص وهل البر - هذا لن لم يكونوا سبقوا الحروه وعطوا فجوج الوسيعه بحثاً عن مراتع الصيد ووحوش الخلا
*
حدثني احد شيبانا عن شايبٍ آخر ( عن قصه من أيام شبابه ) يقول : قادت البل والح علي الشايب وتبعت عطايا الله نان جيت هاك الدعب المليان من الرمث والعراد يقول لأزين ما اشوف هاك الظبي قاعة عراده يقول وانا اخرط المشط في البندق وامد علاها الاوله والثانيه والثالثه يوم اخذت شوي وهي تقف وتلفت يمين ويسار وهي تنطلق لان غابت عن عيني ما كن صابها شي يقول وانا يغشى علي شوي - احسبنها جنيه - يوم كني صحيت وانا افزع ادور البل اتبع اثرها يوم اخذت شوي لان هاذي اباعري وعودي عندها , قال : وان انت ياطاف الضو يقول وانا اعلمه بقصتي قال : وانت ما تدري ان اللي تاتلد ما ترمي قلت لا والله معرف .
يقول عودت اليوم الثاني لمكاني اللي بالامس لا والله الغزال على صمدٍ عني شوي يقول وانا اروح لوليدها ابمسكه يوم اقبلت علاه هو ينتهض لا والله انه اسبق من امه قلت والله ماارميهم .
*
إذن المعلومة /
الظبي أو الأرنب البري إذا كانت على وشك الولاده لا ترمى , وإن رميت لا تنصاب بإذن الله حمايةً لجنينها . طبعاً لا يجهلها اهل المقانيص .
*
معلومات أخرى /
- ذكر الظبي يطلق عليه تيس , والأرانب ( الأنثى عدنه والذكر خزز ) وعشاق البر يفرقون بين جرة العدنه وجرة الخزز .
- ويفضلون من الطيور : الحبارى , والقطا , والحجل ( حجل الضلع لأن حجل البر مابه خير ) , والكروان , والغطاط .
***
اللي عنده معلومات إضافية يسدحها هنيا ,,, دمتم سالمين
***
*
حدثني احد شيبانا عن شايبٍ آخر ( عن قصه من أيام شبابه ) يقول : قادت البل والح علي الشايب وتبعت عطايا الله نان جيت هاك الدعب المليان من الرمث والعراد يقول لأزين ما اشوف هاك الظبي قاعة عراده يقول وانا اخرط المشط في البندق وامد علاها الاوله والثانيه والثالثه يوم اخذت شوي وهي تقف وتلفت يمين ويسار وهي تنطلق لان غابت عن عيني ما كن صابها شي يقول وانا يغشى علي شوي - احسبنها جنيه - يوم كني صحيت وانا افزع ادور البل اتبع اثرها يوم اخذت شوي لان هاذي اباعري وعودي عندها , قال : وان انت ياطاف الضو يقول وانا اعلمه بقصتي قال : وانت ما تدري ان اللي تاتلد ما ترمي قلت لا والله معرف .
يقول عودت اليوم الثاني لمكاني اللي بالامس لا والله الغزال على صمدٍ عني شوي يقول وانا اروح لوليدها ابمسكه يوم اقبلت علاه هو ينتهض لا والله انه اسبق من امه قلت والله ماارميهم .
*
إذن المعلومة /
الظبي أو الأرنب البري إذا كانت على وشك الولاده لا ترمى , وإن رميت لا تنصاب بإذن الله حمايةً لجنينها . طبعاً لا يجهلها اهل المقانيص .
*
معلومات أخرى /
- ذكر الظبي يطلق عليه تيس , والأرانب ( الأنثى عدنه والذكر خزز ) وعشاق البر يفرقون بين جرة العدنه وجرة الخزز .
- ويفضلون من الطيور : الحبارى , والقطا , والحجل ( حجل الضلع لأن حجل البر مابه خير ) , والكروان , والغطاط .
***
اللي عنده معلومات إضافية يسدحها هنيا ,,, دمتم سالمين
***