.¸¸۝❝ رساله جديده ❝۝¸¸. [الأرشيف] - منتدى العضيان الرسمي " العضيان نت "

بحر جده

05-13-2011, 03:05 AM

يامحمد تجنب طاري الذكريات=انت شكلك تبا تنكد ياخويه عليّ
اتحاشى القديم بعذر مافات مات=لوّ في وسط صدري شعلة ٍتصطلي
والهواجيس خيلٍ للشقي مسرجات=تلن القلب يارجال تل الدلي
راحت افكار فكري يامحمد شتات=حالتي مالها مع كل حيٍ حلي
نترك الفايتات ونرقب الباقيات=وجعل ماينكتبلي غير خير عملي

بحر جده

05-13-2011, 03:20 AM

الله يحييك ياسيد المزاييني
اقلط ...
هلا مرحبا ياسيد خلاني
قلبي فدا لك وفدوه لك نظر عيني
ويفدونك..
الناس قاصيهم مع الداني,,
امر
....تدلل
,,,,,,,ولك ماتملك يديني
ماذخر :
عن اللي سواتك مـ الله اعطاني
انا ادري ان العرب غيرك ملاييني
بس انت الاول بقلبي منت بالثاني
لاجيت فز الخفوق مع الشراييني :icon26:
لا لا المحاني ترده كان خلاني
الحب:
له قيمةٍ عند المحبيني
وانا:
ابتليت بهواك وربي اشقاني...

بحر جده

05-13-2011, 03:26 AM

ماعاد لي يم الحبيّب مداهيل=اقفيت عن دارٍ حبيبي سكنها
عهدي بها قدام لايبدى سهيل=واليوم عان البدو يشبع ضعنها
عزاه ياقلب احدته الغرابيل=تقفي وتقبل به هموم حضنها
لاقلت هانت والدعاوي تستاهيل=ابي اترك اللي فاتلي من زمنها
واحاول انسى ودله مع التعاليل=ازريت والذكرى جذبني رسنها
قلت اسمعوني وافهمو يالعواذيل=ماني بطايع لاتعذلون عنها
مالي علاج يالقلوب المهابيل=الا لمن الله بحظي قرنها
انا ليا منه علي اظلم الليل=عندي تساوا شامها مع يمنها
قامت عيوني كالسحاب الهماليل=غرقت جفوني من سبايب حزنها
ودي بها لكن الاقدار ياشعيل=خلتني ابعد خطوتي عن وطنها
ماعاد بي ياشعيل حيله ولا حيل=والصبر نفسي في جحيمه دفنها
من عقبها ماغير اجر المواويل=يترجم لساني وفكري وزنها
مالي جدى الا فيه ااصوغ التماثيل=ابيات معناها يوافق لحنها
لاوني ادري ماتفيد الاقاويل=لكن نفسي هاضها ماشحنها

بحر جده

05-13-2011, 03:52 AM

مجرد ابيات لااكثر لحظة حصول الشاعر الكبير علي فلاح العضياني
على الشاعر الذهبي في مسابقة شاعر المعنى
http://up.arab-x.com/Apr11/uYV47288.jpg

الشعر له مبدا ومبناء وقانون= ومعنى ومغزى والعرب يعرفونه
من ماضي الدنيا مثل مايقولون=ديواننا والناس مايجهلونه
وياللي تبي نبذه عن الشعر بالهون=اعطيك وصفٍ عن نماذج فنونه
الشعر تعريفه بلا شك وظنون=علي فلاح اسمه ورسمه ولونه
فالنظم كنه مستعينٍ بابن عون=وانا اتحدى اهل الشعر ينقدونه
وفي محور القلطه مثل ماتشوفون=سلطان قوله كلكم تسمعونه
بيته ليا جابه مركّب وموزون=اهل الشعر يبطون ماينقضونه
لله درك ياعلي وانت دندون=نص العرب منزلك ماياصلونه
في عالي القمه تربعت وتمون=ماهو غريب الطيب تتوارثونه
وحنا حزامك درع جبنك لك حصون=عونك ياراع المعرفه والمعونه
ربعك معك في كل لازم يقومون=قومٍ سنام المرجله يملكونه
شيٍ طبيعي ماش داين ومديون=علي يمثلهم وهم يدعمونه

نجم المتيهي

05-13-2011, 07:25 PM

متصفح رائع عزيزي بحر جدة

سجلني هنا متابع ثم متابع ثم متابع

بحر جده

05-13-2011, 07:29 PM

مرحبا مليووووون ترحيبه يانجم..

والله يحييك تحية المطر..
كم انا سعيد بمرورك العذب.
ولي الشرف بمتابعتك.

بحر جده

05-13-2011, 07:37 PM

"

عسى من يكدّر خاطرك مايعيش بخير=تضايقت من ضيقتك ضيقك يضايقني
انا اشهد لك بقلبي محبه ..وفاء..تقدير..=احاسيس قلبي دايمٍ لك تسابقني
عطيتك غلاً يازن طويق وكرى والنير=رجاوي بيومٍ فيه تاتي تعانقني
وفيت (أ)لك وانصفتك ويمك خطاي تسير=عشقتك هواء لكن لاعاد تعشقني
عرفتك/تحب الغدر والغدر سقم الزير=عرفتك/تحب السرق وش عاد تسرقني
سرقت.!النظر, والقلب, والحس , والتفكير=دخيلك ماعاد ابغاك ..بالله تعتقني!!

بحر جده

05-14-2011, 12:22 PM

:177:

ناطى على خد العدو البطيني
ونركي عليه الهم, والغم ,والضيق..
من فعلنا يشيب راس الجنيني
نرسي مثل مايرسي النير وطويق
لاعاش جنبٍ فالمواقف يليني
ولا عاش من بالضيم لحقه ملاحيق

بحر جده

05-15-2011, 07:43 AM

http://up.arab-x.com/May11/xOq34262.jpg

يالفورد جعل المواتر كلبوها فداك=انشهد انك مع الطرقه خوي السعد
الله عطاني وفاك ومني الله عطاك =محبة ٍماحضى فيها ردي الجهد
من زود حبك وتقديرك وفايق غلاك=اوفي مطاليبك الك اليا طلبت المدد
ومن زود طيبك ولا مره تبيّن رداك=ماينقصك غير رجل الصامل اليا استعد
اليا دعست الابنص وقام يزفر عواك=اعواي ذيبٍ على راس الطويله صعد
والخط معه المواتر كلبوها وراك=مامنهن اللي يجي قدمك وجنبك بعد

بحر جده

05-16-2011, 01:38 AM

http://up.arab-x.com/May11/iWS98938.jpg

تل قلبي تل من تِل مع وقت الغروب=جمس شكمانين مرغوب واللون احمرى
تله اللي مايغر المناطق والدروب=ابدويٍ مهنته لاسرى ليله سرى
حمّله بالقات والشرب وانواع الحبوب=غيرها من ردي حظه لاباع ولا شرى
حدته دنيا المجاعه على كسب الذنوب=في ضميره جرح من جور وقته مابرى
ثم سرى والمرت في خافقه ولّع شبوب=مستعد اومحتسي للهجاد الاقشرى
كن جلده لادعس له مثل جلد النصوب=لاستهلت وامطرت والعفار اصبح ثرى
وتل قلبي تل طيرٍ تقفته الهبوب=راح يسبح فالخضيراء مايدري وش جرى
من سبايب جادلٍ حبها يكوي القلوب=كيةٍ توقف فوادي على باب الزرى
عنق ريمٍ عن هواها الهواوي مايتوب=ماتلد العين غير لمشايخ واومرى

هذي اللي يحضرني من القصيده..:)

السلطان

05-16-2011, 01:49 AM

.
.

بحر تتلآطم آمواجه بالآبداع ...

آشكرك على جزالة حرفك ...يابحر جده

مهابه بنت روق

05-16-2011, 01:56 AM

الله عليك يابحر ؛،،
سأكون دوماً من رواد هذا المتصفح الجميل ..
تقبل مروري..

بحر جده

05-16-2011, 11:19 AM

.
.

بحر تتلآطم آمواجه بالآبداع ...

آشكرك على جزالة حرفك ...يابحر جده

مرحبا مرحبا يابوالسمي:jg:

وانا اشكرك على مرورك الرائع..

بحر جده

05-16-2011, 11:28 AM

الله عليك يابحر ؛،،
سأكون دوماً من رواد هذا المتصفح الجميل ..
تقبل مروري..

مرحبا ولي الشرف بمتابعتك..

مرورك يسعدنا

بحر جده

05-16-2011, 11:41 AM

...

..

.

ماودي أضغط عليك وتحرق أعصابك =بشويش بشويش يأخلي وبالراحه
لإ قبلت حيّك وحيا ﺂلله من جابك =لاجئت قلبي دقيش أحزانه أفراحه
ولا غبت ياويل قلبي فترة غيابك =من يوم تقفي دقيش أفراحه أتراحه
أنا معذّب وماجاني من أسبابك =في يدك قلبي معك قفله ومفتاحه
قلبي كما طير وكره راحة خضابك =يسبح مع الجو ويراعي لملواحه
آليا دعي للعشاء حوّل لمقضابك=واليا تركتيه عزيني بمرواحه

بحر جده

05-16-2011, 07:36 PM

ياعذاب العين من بعد الهنوف=الهنوف اللي ذبحني حبها
من بعد فرقى مخضبة الكفوف=علتي ماظني القى طبها
اتصدى للخناجر والسيوف=وللعداء نار القتال اشبها
بس لامن شفت نابية الردوف=الملاك اللي وهبا ربها
الحلا والزين كاملة الوصوف=والجدايل عزّل تلعبها
قلت يالله لاتلحقني حسوف=بري حالي.. كان حظي كبها

بحر جده

05-16-2011, 08:26 PM

http://up.arab-x.com/May11/vAP66391.png

الشكر لله اولا ..

ثم لمنتدى العضيان نت الذي قدم لي الكثير والكثير..

فانا مهما قدمت اعترف بتقصيري امام هذا الكيان العظيم..

لله دركـ يالعضيان نت..

انت من انصفت المبدعين وتبنيت افكارهم وصقلت مواهبهم..
فالشكر لك مرة ثانيه:icon26:

بحر جده

05-19-2011, 03:13 PM

يازين لاتجزى محبك بهجرك=ترى محبك يالغلا ميتٍ فيك
خليتني هايم ءبحرك وبرك=ياكثر حبي لك ومكثر تغليك
وان طوّلت تدري على ويش شكرك=على المفارق والخلا والتهاليك
ماني بفلمٍ للحبايب مفبرك=ولا ني بريموتٍ يوجه بياديك
ولا زادني خيرك ولاضر شرّك=ولا املك الا اقول ربي يخليك

بحر جده

05-28-2011, 04:28 PM

؛

يانور الاشراق لا لجت عصافيرك=يدكني من هموم الوقت دكاكي
مختلطةٍ في مجاهيمك مغاتيرك=ياوقت مانعرف الضاحك من الباكي
متى على الله توردني على بيرك=واترك معاتبك واشطب شكوة الشاكي

؛

بحر جده

06-15-2011, 04:44 PM

في خاطري من جور الاحباب كيّه=كية عطب منها الضماير جريحه
من جورها وردت حوض المنيه=من كف غالي جعل ربي يبيحه
لو جاتني من غيرها ماعليّه=اصد هجمات الوجيه القبيحه
لكن وش باقي معي في يديه=بلشت بالمترديه والنطيحه

بحر جده

06-18-2011, 08:22 PM

"

ياهجوس الشاعر اللي كل ليل يضايقنه=ارحمنه مايبي عقب الفراق الا السلامه
هادي الاعصاب وهموم الضماير مستكنه=لين يطري لي وليفٍ راح ماثمّن كلامه
يالله انك لاترده يلحق الحسنه بمنه=والا انا والله من يمه مايلحقني ملامه

بحر جده

07-03-2011, 03:31 AM

:106:

blackberry و iphone و laptop و ipad=من غير رقمينه من stc ومن mobily
ماعاد لك عذرٍ على الصدات ياظبي الحماد=تخيري وسيلةٍ للوصل من وسايلي

:kyu:

السلطان

07-03-2011, 04:35 AM

حدد الوجهة وابشر بالسعد ..::185:

مراحب يابحر ُ تتلاطم امواجه ..فيطلع لنا اللول والمرجان ..

عوداً حميداً ..

بحر جده

08-16-2011, 12:49 PM

عبدالله حياك الله..

الله لايهينك يابو السمي:156:

بحر جده

08-16-2011, 01:14 PM

يقول تركي الثبيتي

عبدالعزيز ابغى لـَ قلبي تواصيف = يسلى بها عن مايعافه | شويّه ..
يوم انت يامشكاي سيد العواريف = على ماقال الدلبحّيَ لـ خوويه !
تعبت أجر من الطروق | المحاريف = وتعبت | اجامل , وأنكر الشوق فيّه !
وين الشتاء .. يجلى لواهيب هَ الصيف = الي على قلبي .. نضج كلَ كيّه !
من يوم قّفت | والفرح راح ماشيف = الي من أول معه | صحبه قويه !
قّفّت | وخلتني لَ سهم الصودايف = الي طرحني يازبون الونيّه !
شحّ المطر ياصاحبي | وأجدب الريف = وماتت بساتين الغرام النديّه !

الررررررد

الحب حنا عن دروبه مناكيف=وتركي على دربه يعن العبيه:)
يشكى هواء صاف الثمان المراهيف=عين العنود بخبةٍ جرهديه
يقول بعده جارٍ لي تحاسيف=صد وتركني واختلف عن نويّه
والوقت فرّاق القلوب المواليف=قدمك جرالي مع حبيبي قضيه
منها تجرعت العنا والتكاليف=ومنها ورد قلبي حياض المنيه
ومنها غداء نومي ياتركي تخاطيف=وعفت الهوى لارحم ابو حي حيه
دنياك هذي ماتجي لك على الكيف=لو جاز بكره ماصفى لك قفيه
خله يروح وجعلها له مذاليف=من لابغى قربك لاترغب مجيه
تلقى بدلها من بنات العواريف=غيدا من الخفرات بنت بدويه

بحر جده

09-30-2011, 04:17 AM

دق جوالي وانا ساري لحالي=ليلة ٍماغاب عن عيني قمرها
ولنّه اللي غايب عني ليالي=قالو الووه وقلت عيني واسهرها
مرحبا بك ياهلا ياعز غالي=ياهواء الدنيا ويادرة بحرها
قال انا بقوللك علم جرالي=قصةٍ ماظن تدري عن خبرها
قلت هات اللي تبي يارس مالي=مير حاول قدر الامكان اختصرها
قال انا ماعاد الك عندي مجالي=مير عينك غض عن دربي بصرها
والسبب قدام لاتبد السوالي=بنت وابن العم بالعرف ايحجرها
قلت الا واشيب عيني يادلالي=اخر امالي ردي حظي قصرها
عشقنا اللي فات الا واهمالالي=بذرة محرمني الوالي ثمرها

بحر جده

10-26-2011, 11:04 AM

هلابك.. أو وشلونك.. علومك.. وكيف الحال!! =تراها ماتكفى منك يأفارع القامه
إذا صار ماتسقي حبيبك قراح زلال =ترى منته مجمّل ولا أوفيت بكرامه
يازاه الحكل يكفى على الخد حبة خال = مكملك ربي مانقص فيك لو شامه
ذبحك الدلع والغنج والضحك والدلال =وذبحني فراقك زاد في قلبي هيامه
ماو الله يهد الحيل وينوخ الرجال =يأكود الهوى لأمن تناوشته إسهامه

بحر جده

11-28-2011, 01:12 AM

،

اه من بعد المسافه ومن طول الطريق=رحلةٍ عنيّت فيها عزوم الراحله
محزمي درع الشجاعه ومخباي الصديق=كلها وش لون تقطع صحارٍ قاحله
الجمل وهوه جمل فوق حمله مايطيق=والبحر لاهاج موجه مايرحم ساحله
والالام بداخلي لو اخدرها تفيق=لانها مستوطنه صدق ماهي راحله
ولا بغيت ارجع لمح ناضري نوض البريق=مبسم امالٍ هياكل جسدها ناحله

بحر جده

12-24-2011, 10:38 PM

ماعرفت اوصف شعوري ولا ادري ويش اقول=الزمن جبّار واوضاعنا متغيّره
كل رجلٍ له طريقه وله نهج وميول=والفكر ماهوب شيكٍ عشان نجيّّره
من بغى درب السعد يتّبع هدي الرسول= والنبي هديه يعز الوجيه النيّره
ومن بغى الحرمه تشاطر, هل الراي\ الحمول=يتبع الشيطان وابليس يلعن خيّره

الأغـر

12-24-2011, 10:53 PM

إبداع تنسفه أمواج بحرة جدة على سواحل ذائقتنا الشعربة
لله درك يابحر جدة .. لله درك ما أجمل متصفحك
تقبل شكري وتقديري

بحر جده

12-24-2011, 11:01 PM

^
^

اكبر فخر يابو لمى شهادتك=واكبر شرف ردك هنا يابو طلال

الله يحييك يابو طلال ..
ولاتحرمني من طلتك الجميله..

وجودك انت وشرواك في متصفحي فخر وشرف لي كبير..

الأغـر

12-24-2011, 11:15 PM

صح لسانك يا بحر جدة.. فمنك نتعلم نظم القوافي
والفخر لي طال عمرك إني أكون متواجد في متصفح يطل على بحر جدة .. وسأجلس هنا .. لعل الموج يأتي بالجديد الذي يطربنا ويروي ذائقتنا الشعرية
تقبل من أخيك عاطر الود والتقدير
تحياتي