مهره وراغبها ثمانين خيّال تلعب على المصراع محدن عسفها

[غناتي]

من شاف بنت وقلبها قلب رجال
عوبا وعطران الشوارب هدفها
دايم فرحها في قمر شهر شوّال
وردة ربيع وبدرها .. ماكشفها
مهره وراغبها ثمانين خيّال
تلعب على المصراع محدن عسفها
عذّالها لٍعدوانها تصير عذال
ياويل حذاف القفا لا حذفها
خرشا ولها في أطوّل حجا الضلع مدهال
مرادها زرق النحور وعلفها
لها مع اهل العرف مخرج ومدخال
ياللي تمنا بنيّت بليس شفها
مازعلتها كلمة القيل والقال
من يوم ينطقها السان تعرفها
وإليا مشت تلفت نظر كل الأزوال
ويشكي عليها من طرفها طرفها
ماباقي ألا تلبس أشماغ وعقال
وبنت الشريف تخاف تجرح شرفها
في بطن يدها شاف سلطان الأهوال
عمله وصرفها على اللي عرفها
شاعر وأديب وكلمة الحق تنقال
ويشفق على خلجن ولدها ولفها

[أم جنيب]

الله الله الله ..
قصيدتن كايفه وتعدل المزاج ..
لا هنتي غناتي ...

[غناتي]

ولاهنتي على الحضور ياقلبي

[ذايع الصيت]

غناتي

قصيده راااااااااااائعه صح لساااااااااااان شااااااااااااعرهاااااااااااا


تسلم اليمين اللي نقلتهاا

[غناتي]

عطني من ليلك ..

صح بدنك اخوي..

والله يسلمك على المرور

[سمي عمهوج]

الكصيدة جميله<< يقلد أبو لغابيب

هع

يعطيكـ العافيه يا غناتي بس ما كل خيال يعسرهـ عسف مهرهـ

[غناتي]

يعطيكـ العافيه يا غناتي بس ما كل خيال يعسرهـ عسف مهرهـ

.. الله يعافيك ..

بس فيه بعض المهرات ماقدروهم الخيــاليــن..

وامثــال العرب كثيــره..