ياهل الصغير اللي ينادي على امه

[رشيد علي خليفه]

ياهل الصغير اللي ينادي على امه=الله عليكم جنبوني طريقه

خلوه يسكت لا يجيب المطمه=قدام يشغل في ضلوعي حريقه

لو يدري ان انداه حالي يسمه= معلق بقلبي يوم نادا عليقه

لا واهنوه له يدين(ن) تضمه=ياجد حنان ام (ن)عطوف(ن)شفيقه

ان كان جرحي لادرا به يهمه=عن ما بصدري علموه الحقيقه

قولو حصل له من زمانه ملمه=عن شوف وجه امه لحود(ن)تعيقه

اصبح يتيم(ن) يمسح الدمع كمه=دايم كفوفه من دموعه غريقه

ماله جدا الا طين قبر(ن)يشمه=ودمع(ن)تحت عوج النصايب يريقه

وطيف(ن) ليا زاره مع الحلم خمه=بيح سدوده والعزا مايطيقه

خلوه يسكت لا يجيب المطمه=قدام يشعل في ضلوعي حريقه

[غناتي]

قصيده جدا مؤثره

والله يرحم اموات الجميع

ويصبر هالطفل اليتيم ..


قصيده جزله ..

مشكور ياشاعرنــا

[سمي عمهوج]

صح لسانكـ يا رشيد

ولاهنت على هالرائعه

[الاستاذ]

صح لسانك ابو علي



قصيده جزله و مؤثره

[شاعر زمانه]

أتحفتنا بها الرائعه
المؤثره والمبكيه
يبو عبدالله ولا هي غريبه منك
الله يرحم والدتك وأموات المسلمين

[قحطه العضياني]

صح لسانك يارشيد

[Miss kendah]

رحم الله اموات المسلمين جميعا

شكرا لك

[ابن مجـهل]

شاعرنا المبدع رشيد بن علي بن خليفه


قصيدة مؤثرة جدا ..




صح لسانك

[الذيب]

الله يرحم المسلمين كلهم
وصح لسانك يارشيد

[فارس المجاهله]

قصيده جميله . يرشيد


صح لسانك يبطل ؛؛ ويروقني شعرك الرائع


لا عدمناك يشاعرنا المتميز


دمت راااائع


؛

[الرويل]

رشيد من جد ما فيك حيلة

صح لسانك ورحم الله اموات المسلمين والهمك الصبر .

اخوك / الرويــــــــــــل

[الصقر الذهبي]

الشاعر رشيد

مدرسة الشعر كما يقال

صح لسانك وعلا شانك

شكرا لك

[الأغـر]

عزيزي رشيد

جماليات شعرك تجعلني ألتهم كلماتك بنهم ..

لله درك من شاعر ولله درك من مدرسة

تقبل تقديري
.
.
الجم

[بكااااش]

صح لساااااااااااااااااانكـ

عملااااااااااااااااااق الشعر انت

كلماتك تلامس الوجدااااااااااااان

وتعيد نزف الجروح

دمت للشعر نبراسا ايها الشاعر:clap:

[العود الأزرق]

صورة رائعه اخي رشيد

لعلنا نتذكراخواننا الايتام ونقوم بما يأمرنا ديينا تجاههم

بارك الله فيك ونفع فيك

[rakd11]

ياهل الصغير اللي ينادي على امه

ياهل الصغير اللي ينادي على امه=الله عليكـم جنبـونـي طريـقـه
خلوه يسكـت لا يجيـب المطمـه=قدام يشغل في ضلوعـي حريقـه
لو يدري ان انـداه حالـي يسمـه=معلق بقلبـي يـوم نـادا عليقـه
لا واهنوه لـه يديـن(ن) تضمـه=ياجد حنان ام (ن)عطوف(ن)شفيقه
ان كان جرحي لادرا بـه يهمـه=عن ما بصدري علمـوه الحقيقـه
قولو حصل له من زمانـه ملمـه=عن شوف وجه امه لحود(ن)تعيقه
اصبح يتيم(ن) يمسح الدمـع كمـه=دايم كفوفه مـن دموعـه غريقـه
ماله جدا الا طيـن قبر(ن)يشمـه=ودمع(ن)تحت عوج النصايب يريقه
وطيف(ن) ليا زاره مع الحلم خمه=بيـح سـدوده والعـزا مايطيقـه
خلوه يسكـت لا يجيـب المطمـه=قدام يشعل في ضلوعـي حريقـه


بارك الله فيك