أزهم رشيد

[شاعر زمانه]

سلام يانسل الكرام الغانمين=من غير قاصر فالرجال أزهم رشيد
وليا زهمته مرتين ولا أجاب=اللي عقد روس الحبال يحلها
ــــــــــــــــــــــــــــــــــــــــــــــــــ ــــــــــــــــــــــــ
ألعام يوم انّا من الضلع ويمين=نسمع حساس الناس لو كانوا بعيد
واليوم ما نوحي العرب نكتب كتاب=اللي عقد روس الحبال يحلها

[كلي فخر]

الله يعينك ياشاعر زمانه

مالقيت الا رشيد تحاوره !! هههههه

كان الله في عونك

انا محايد بصراحه <<< صيني على غفله هههههههه

صح لسانك ياشاعر زمانه

ونحن في انتظار رشيد للرد

[الفارس المقـدام]

وووين رشيــــد

بإنتظااار رشيــد


وألا سحب علينا


الفااارس المقدااام

[سمي عمهوج]

الله الله يا شاعر زمانه


دخول قوي

ننتضر رشيد

[فارس المجاهله]

كلام رائع يـ شاعر


بــ أنتظار أبن خليفه


؛؛

[نجم المتيهي]

شاعر زمانة بعد < الكنود > ها انت تعود وتسطر ابداعك في هذا المنتدى ، ونتظر رد شاعر المنتدى

[رشيد علي خليفه]

السلام عليكم ورحمة الله وبركاته

اخي شاعر زمانه

اجبرتني على المحاوره وانا لا اعشقها

لاكن ارضأ لخاطرك والمعونه بالله

واستلم



ابك البقى يالقرم نسل الطيبين=رشيد للي يزهمه ملاذ وحزام جويد

داس المخاطر لازهمته مايهاب=واللي عقد روس الحبال يحلها

العام حين وصار بعد الحين حين=تمضي الليالي يافتا والعمر ينقص مايزيد

اكتب وانا ابا اكتب وخذ مني جواب=واللي عقد روس الحبال يحلها

[الفارس المقـدام]

مبدع يا رشيـد ويا شاعـر


متااابع لكم

[ذايع الصيت]

الله الله الله

صح لسانك يا شاعر زمانه بدايه جزله


ايه ايه يارشيد وتقول ما تحب المحاوره...

رشيد رد ولا اروع.... صح لسانك

[شاعر زمانه]

صحت أبدانكم ياشباب

شجعوني تكفون


وأنت يا أخوي رشيد
الناس يقولون صح لسانك وأبيات الرد ماطلعت عندي

[المبرمج]

صح لسانك يا شاعر زمانه
صح لسانك يا رشيد

[شاعر زمانه]

العتب على النظر
كنت أتصفح عن طريق الجوال والظاهر ان الخط الملون مايطلع


لكن استلم


السالفه ماهي بفزعة فازعين=السالفه حرفين من بيت القصيد
ولا أنت يحسب لك يا ابن مجهل حساب=اللي عقد روس الحبال يحلها

***
ترى الجماعه زودوها حبتين=قالوا لي الجندي يحاورله عميد
وأنته بعد سويت فيها أبو الشباب=اللي عقد روس الحبال يحلها

[رشيد علي خليفه]

اسف على التاخير والمعذره كنت في العمل

واستلم



ان كان ماتقصد قديمات السنين=وضح لي المطلوب قلي وش تريد

رشيد ناديته ولبا واستجاب=واللي عقد روس الحبال يحلها

كان اكثر الجمهور يمي مايلين=اسمع وطيع الامر ياجندي عنيد

اوقف وثم دق التحيه لبو كاب=واللي عقد روس الحبال يحلها

[المبرمج]

ماشاء الله مبدعين
الله يوفقكم

[شاعر زمانه]

طالت بك الغيبه ولدري رحت وين=قلت أزهمه وأذكره ماض تليد**
جو الحضاره صابنا منه اكتئاب=اللي عقد روس الحبال يحلها
‏_‏__
ألقوا ونلقي ثم نشوف الغالبين=يمكن يجي للناس نظره من جديد**
نبغى العلوم وصارت الدعوى انتخاب=اللي عقد روس الحبال يحلها

[الاستاذ]

صح لسانكم يالربع


ماشاء الله عليكم

[شاعر زمانه]

سنترينو
الاستاذ
لاهنتوا
ومشكور يبو عبدالله أنا أحيانا أستخدم الجوال والجوال اقشر

[شاعر زمانه]

شاعر زمانه
سـلام يانسـل الكـرام الغانميـن ** من غير قاصر فالرجال أزهم رشيد
وليا زهمتـه مرتيـن ولا أجـاب ** اللي عقـد روس الحبـال يحلهـا
ألعام يوم انّا مـن الضلـع ويميـن ** نسمع حساس الناس لو كانوا بعيـد
واليوم ما نوحي العرب نكتب كتاب ** اللي عقـد روس الحبـال يحلهـا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
رشيد
ابـك البقـى يالقـرم نسـل الطيبيـن
رشيد للي يزهمه ملاذ وحـزام جويـد
داس المخاطـر لازهمتـه مايـهـاب
واللـي عقـد روس الحبـال يحلـهـا
العام حين وصار بعـد الحيـن حيـن
تمضي الليالي يافتا والعمر ينقص مايزيد
اكتب وانا ابا اكتب وخذ منـي جـواب
واللـي عقـد روس الحبـال يحلـهـا
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
شاعر
السالفـه ماهـي بفزعـة فازعـيـن ** السالفه حرفيـن مـن بيـت القصيـد
ولا أنت يحسب لك يا ابن مجهل حساب ** اللـي عقـد روس الحبـال يحلـهـا
تـرى الجماعـه زودوهـا حبتـيـن ** قالوا لـي الجنـدي يحاورلـه عميـد
وأنته بعد سويت فيهـا أبـو الشبـاب ** اللـي عقـد روس الحبـال يحلـهـا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
رشيد
ان كان ماتقصد قديمات السنيـن
وضح لي المطلوب قلي وش تريد
رشيد ناديتـه ولبـا واستجـاب
واللي عقد روس الحبال يحلهـا
كان اكثر الجمهور يمي مايليـن
اسمع وطيع الامر ياجندي عنيـد
اوقف وثم دق التحيه لبـو كـاب
واللي عقد روس الحبال يحلهـا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
شاعر
طالت بك الغيبه ولدري رحت ويـن ** قلت أزهمه وأذكره مـاض تليـد**
جو الحضاره صابنا منـه اكتئـاب ** اللـي عقـد روس الحبـال يحلهـا
ألقوا ونلقـي ثـم نشـوف الغالبيـن ** يمكن يجي للناس نظره من جديد**
نبغى العلوم وصارت الدعوى انتخاب ** اللـي عقـد روس الحبـال يحلهـا

[ديـك الجن]

يامشا الله عليكم

كلكم تهولون القلب

مافيكم حيلة يالربع

[رشيد علي خليفه]

ياللي تذكرني زمان الغابرين=الله هو اللي يبدي الخلق ويعيد

قلته وانا مجبر على طول الغياب=واللي عقد روس الحبال يحلها

شعار يتبعنا الغواه بكل وادي هايمين=نقول غير افعالنا مانتقي يوم الوعيد

سلمت لك راياتها والكيف طاب=واللي عقد روس الحبال يحلها

[شاعر زمانه]

أبوعبد الله صح لسانك وبيض الله وجهك
ومشكورعلى ما تكرمت به من وقتك
وكنت أبغى المحاوره معك أطول من كذا لأن كل كلمه تكتبها تحمل الكثير من معاني الشعر الساميه
لكن أنا مشغول هااليومين
تقبل تحياتي

[صٍْآلحٍّ آلعًٍضًٍيَآنْيَ]

الله الله .. محآوره جميله وجزله ..


شهآدتي متآخره , ولكنهآ مجروحه في الشآعرين العملآقين ,, الرآئعين بروعه معآنيهم وسعه صدورهم ,,



لهم ولكم ودي ومروري واعجآبي



صلوح

[إبن ثعلي]

صح لسانك ياشاعر زمانه .

تحياتي لك .