يا سامعٍ قولي تمعن وفكر

[ذايع الصيت]

يقول ابو زيد الهلالي سلامه=لي قلب من جور الايام وجيع

بيتٍ على الطرق الهلالي حفظته=اردده اخاف مني يضيع

يا سامعٍ قولي تمعن وفكر=فكر ترى فوقك رقيب وسميع

فكر وجاهد نفسك وعلمها=حتى نهار الحشر تلقى شفيع

يومٍ عظيم وماكبر هوله=من شدة اللي فيه شاب الرضيع

كلٍ يقول يالله نفسي نفسي=مـما رأوا فـيه امـرٍ فـضيــع

والفايز اللي بدنياه كمل=لواجــبات الله وامــره مــطيــع

يالله انا طالبك ياربي=ياغــافـر الـزلات عـنـا جــميـــع

اغفر ذنوبي يالهي واجعل=بيني وبين الخطا سدٍ منيع

وهذا كلامي للجميع اختصرته=والطيب فأهله لايمكن يضيع


شعر اخوكم/ ذايع الصيت

[أبو محمد]

صح لسانك ياذايع الصيت وعلا شانك

مبدع ماشاء الله عليك

شاكر لك ومقدر

[ذايع الصيت]

صح بدنك يا ابو محمد

واشكرك يا عمدة المنتدى المحترم

مرووورك يسعدني

[الاستاذ]

بيتٍ على الطرق الهلالي حفظته=اردده اخـاف منـي يضـيـع


صح لسانك يا ذايع الصيت



جميله القصيدة ومجاراة لقصيدة الزير

[شاعر زمانه]

ذايع الصيت صح لسانك
ويا ليت تفيدنا عن طريقة وزن الطرق الهلالي

أو انه غير موزون؟

[ذايع الصيت]

لأستاذ

صح بدنك وتسلم ياالغالي

مرورك اسعدني

[ذايع الصيت]

شاعر زمانه

صح بدنك

أي طرق لازم يكون موزون الطرق الهلالي الصدر يكون مهمل والعجز

موحد ويشترط الوزن في الشطرين

[ولد الشيوخ]

صح لسانك ذايع الصيت

[ذايع الصيت]

ولد الشيوخ

صح بدنك ولاهنت

تقبل احترامي

[شاعر زمانه]

إذً ا
راجع قصيدتك الله يعافيك

[ذايع الصيت]

شاعر زمانه

يا اخي اذا ما عرفت تلحنها

خلها للذي يعرف يلحنها..

والطرق الهلالي تلحينه مو سهل

[ذايع الصيت]

اخي رشيد

البيت الاول من قصيده مشهوره لابو زيد الهلالي وانا موضحه

ووزنت القصيده كامله على وزن البيت الاول...

الله يطول عمرك ...

[ذايع الصيت]

مشكور والشرهه على اللي يدخل هالمنتدى

والشعر وانا اخوك اعرفه وما احتاج نصيحه

من احد..

[رشيد علي خليفه]

الله يعطيك العافيه واعتبرن ما قات شي

وانا مستعد احذف ردودي عليك واستمر على ما انت عليه اجل

[أبو محمد]

الأخ العزيز ذايع الصيت

معقولة تترك أكثر المعجبين لك هنا بسبب نقد

أنا أحد متابعيك ومحبيك ولي حق عليك إنك ماتحرمنا من قصائدك

يعلم الله لا اهتم في وزن الشعر كثر ما اهتم في معنى الشعر

فأنت من أفضل الشعراء هنا ولك جماهير عريضة وراجع مواضيعك تجد الإعجاب فيها

مافيه شاعر ماسلم من النقد وهذا واضح وجلي في شاعر المليون

تجد الشاعر له مكانه وجمهور لكنه مايسلم من نقد اللجنة اللاذع فهل أنقصت من قدرهم شي

أرجو منك أن تستمر فأنا أول المطالبين باستمرارك

أخوك المحب : أبو محمد

[رشيد علي خليفه]

ها انا حذفت ردودي عليك مادمت لا تتقبل النقد

[شاعر زمانه]

أخي العزيز ذايع الصيت
حنا نكتب على الطرق الهلالي وموجود لنا مشاركات في منتدانا هاذا
وما أحد طلع من بطن أمه عالم
ولا تنسى انك طلعت الآن بفائدة من هذا المنتدى
خلك معنا وتأكد انه عندك معلومات عن الشعر لا نعرفها
والمجامله أحيانا تولد الثقة العمياء

[ذايع الصيت]

الى الاخوان جميعاً متى ماسنحت لي الفرصه

سوف اكتب...

ولكم جزيل الشكر..

[بكااااش]

الأخ العزيز ذايع الصيت

معقولة تترك أكثر المعجبين لك هنا بسبب نقد

أنا أحد متابعيك ومحبيك ولي حق عليك إنك ماتحرمنا من قصائدك

يعلم الله لا اهتم في وزن الشعر كثر ما اهتم في معنى الشعر

فأنت من أفضل الشعراء هنا ولك جماهير عريضة وراجع مواضيعك تجد الإعجاب فيها

مافيه شاعر ماسلم من النقد وهذا واضح وجلي في شاعر المليون

تجد الشاعر له مكانه وجمهور لكنه مايسلم من نقد اللجنة اللاذع فهل أنقصت من قدرهم شي

أرجو منك أن تستمر فأنا أول المطالبين باستمرارك

أخوك المحب : أبو محمد

















قصيدهـ رائعه من روعة شاعرها


سجلني من المعجبين والمتابعين والجمهور أيضا


لاعدمتك ياشاعرنا

تقبل تحيات




أخوك المحب: بكـــــاش

[سمي عمهوج]

الله يعطيكـ العافيه على هالقيصدهـ وصح لسانكـ