رشيد علي خليفه
01-26-2008, 10:41 PM
وش فيك تنشد كذا وش شيبك يارشيـد=ولاأنت تدري بحالي ويش جـارٍ لهـا
تطرح سؤال البري وتعد حالـك بليـد=وأنتـه سبايـب بـلاوي علتـي كلهـا
معك أبتديت المحبه وأنت تـوك وليـد=غصبٍ عليّه فيـاض الصـدر تحتلهـا
خليت نار المحبه فـي ضلوعـي تقيـد=واليا هدت قلت لـك قـم علهـا علهـا
عشرين عامٍ وأنا اعطيك الغلا ماأستفيد=غيثك فيافـي فيـاض القلـب مابلهـا
اليوم حدد هدفـك وضـح اللـي تريد=مابيـك ترمـي حبـال الـود وتلهـا
معك أنتهت قصتي وإن كان تبغى المزيد=ذب أسود الشال عنـك وقذلتـك فلهـا
والله لخلي شيوخ عـداك لجلـك عبيـد=تخظع لأوامرك غصبٍ وأنت سيدٍ لهـا
أطلق زغاريد فرحتنا وذا اللـي نريد=خناجر العشق من بيـن الهـدب سلهـا
اطعن بها عاشقٍ عن ماقفه مـا يحيـد=لو مات لجلك عزيـز النفـس ماذلهـا
اسقي ورود الغلا من نزف دم الوريـد=خليـه يـروي ورود الـود ويعلـهـا
جاتك علومي وأنا أبي منك علمٍ وكيـد=أترك علوم الجهل ماني بفاضـيٍ لهـا
ولاعاد تنشد كذا وش شيبـك يارشيـد=تعلـم جميـع الخوافـي دقهـا وجلهـا
تطرح سؤال البري وتعد حالـك بليـد=وأنتـه سبايـب بـلاوي علتـي كلهـا
معك أبتديت المحبه وأنت تـوك وليـد=غصبٍ عليّه فيـاض الصـدر تحتلهـا
خليت نار المحبه فـي ضلوعـي تقيـد=واليا هدت قلت لـك قـم علهـا علهـا
عشرين عامٍ وأنا اعطيك الغلا ماأستفيد=غيثك فيافـي فيـاض القلـب مابلهـا
اليوم حدد هدفـك وضـح اللـي تريد=مابيـك ترمـي حبـال الـود وتلهـا
معك أنتهت قصتي وإن كان تبغى المزيد=ذب أسود الشال عنـك وقذلتـك فلهـا
والله لخلي شيوخ عـداك لجلـك عبيـد=تخظع لأوامرك غصبٍ وأنت سيدٍ لهـا
أطلق زغاريد فرحتنا وذا اللـي نريد=خناجر العشق من بيـن الهـدب سلهـا
اطعن بها عاشقٍ عن ماقفه مـا يحيـد=لو مات لجلك عزيـز النفـس ماذلهـا
اسقي ورود الغلا من نزف دم الوريـد=خليـه يـروي ورود الـود ويعلـهـا
جاتك علومي وأنا أبي منك علمٍ وكيـد=أترك علوم الجهل ماني بفاضـيٍ لهـا
ولاعاد تنشد كذا وش شيبـك يارشيـد=تعلـم جميـع الخوافـي دقهـا وجلهـا