انجوس .. اشطح وش عليك

[ابو جودة]

بمناسبه خساره المنتخب احب ان اقول " فليخسأ انجوس ويخسأ من يناصره ويخسأ الخاسؤون "

لهالحين ملزم يالمهايطي ماتبي نور .. لا و سمو سيدي سلطان :D يقول لو بيدي كان استدعيت نور ..

مفكرنا زلايب.. دلوخ مانفهم كوره !!


\\
\\
\\

منتخب مديره المصيبيح شو نترجى منه !!

.. والله ياهو يذكرني باللي يجونك يسترفدون بعد صلاه الجمعه .. يعني كفو يصير مدير منتخب وبدون عقال بعد !!


اما انجوس والله بديت اشك في برازيليتك .. قايلك يا مدحت يا رفعت يا كل اسماء مصر الشقيقه ..

يا اخي انت تبي تسوي نفسك اكتشفت لاعب اوكي بس لا تقعد تطفش ام امنا في (كامل الموسى )

والله العظيم يا انه خبل وما في راسه كوره يعني عشان شعره ناعم ترى عبده برناوي شعره انعم !!

اما حسن معاذ .. اقسم بالله لو مستدعي زيتونه زوجه باباي (العنقري ) اصرف بكثير .. لاعب مايعرف

يثبت كوره زي الناس للاسف يلعب اساسي !!

وليد عبدربه واااااااااه ياوليد يافاشل بكل ماتعنيه الكلمه .. لاعب يوم عن يوم تزداد قناعتي فيه ..

وحرام والله حرام يلعب اساسي

على فكره وش قصته مالك من يوم تزوج :(

وكذالك مع إحترامي للجميع ترى اليوم اللبس بعد مأثر أجل الشلهوب الله يهدية مسبل صرواله ..

ولا الكابتنيه مثقلتن عليه لان اشوفه يعرج في الملعب !! .. ليتك اعتزلت على قولك وجلست بالرياض :(

بعدين وش قصتهم قبل المباراه محطين شعار وكاتبين عليه 3-0 !!

اخاف تطوروا وصاروا يعرفون النتائج قبل المباراه ..

وانجوس مادرا بالنتيجه الابعد المباره .. قاعد يكلم خالته في ساوباولو !!

بنتم نطالب بنور والمنتشري لييييين نتعب .. اجل هذا منتخبك يا سلطان :(

ودنا نشجع المنتخب حالنا حال المصاريه والكويتين والاماراتيين .. مو فئه تشجع عشان ... وفئه محرومه :(


ادري اني معصب بس والله صارلي زمن ماكتبت موضوع اشرشح فيه المنتخب :D

[نجم المتيهي]

الأجودي لي عوده مطوله !!
بس أتقهو وأمخمخ لك أرجع فريره ؟
.
.
على طاري وين راحت المواجهه ؟

[العضياني]

للاسف المستوى سيء جدا

حسن معاذ وكامل الموسى واحمد الموسى كانوا عاله على المنتخب

وبعدين نقل الكرهـ ضعيف جدا في وسط المنتخب يجب عودة نور للمنتخب

ومالك معاذ يا يضبط لعبه ويلعب كوره سريعه ولا خلوه يقعد في جده ..

على العموم تونا بدري

سلام

[الروقي]

الله يرحــم أيــاااامــك
ياســــــــــامي

[العضياني]

الله يرحــم أيــاااامــك
ياســــــــــامي

في الصميم

الله يذكرك بالخير يابو عبدالله

الملاعب كلها مشتاقه لك

[ولد روق]

السلام عليكم اخوي الاجودي الحين تقول فليخسا انجوس انجوس وصلك لنهائي كاس اسيا وماله

شهرين مع المنتخب

اجوس طلعلك فريق للزمان فريق متاغم بين اطرافه فريق يلعب لعب جماعي ولا عشانه ما اخذ لاعبين

نيجريين ما يديرون لعب الكوره بس داخلين مطاقه

ولا عشان خساره مباره وحده تنتقده الخساره اول شي كانت خلطت الاعبين كلهم تخيل انك مدرب ولقيت

لاعب زين ولعبته كم مباره وطلع ممتاز ويوم جت المباره المهمه ما لعب زين غلطك انت كمدرب ولا

غلط الاعب وترا يوم كان همودي نور عشان ندلعه نقول همودي خسرنا ميت مره

ووانا معك ان المدرب غلط بس ايجابياته اكثر من سلبياته مثل مالك او اي واحد في المنتخب طاح مستواه اتركه

وهاذي الخساره ماهي اخر الطريق فيه مباريات ثانيه يمدينا نفوز ونتأهلوهاذي كبوت جواد

[ابو جودة]

88


أنا ما يقهرني الا اذا جاء واحد و قال لك جاب ناس نصهم مغمورين و قدم مستوى حلو

تقدر تقول لي فـ غير مباراة اليابان و البحرين وش قدم حبيب قلبك انجوس

حتى قدام المنتخبات الضعيفة ما تجرأنا نلعب زي الناس .. اجل العراق تهزمنا

لاحظ الاهداف اللي تجينا كلها بنفس الطريقة و نقول ما عندنا اخطاء

[العضياني]

المنتخب بعد اعتزال النعيمه واحمد جميل صار يعاني من الكرات العرضيه في خط الدفاع

ولاتزال المعاناه مستمره لو ترجع للاهداف ستجد ان اكثرها بهذي الطريقه

انجوس قدم عمل لابأس به ولكنه مطالب بأكثر من هذا

جميع العوامل موفرهـ له ..