اللجنة الإعلامية
05-15-2008, 06:08 PM
شعر : شاعر بلا مشاعر
هذه القصيدة حصلت على المركز الأول
القوم للميدان تسرج خيولها = ولكلّ نفس فاللّوازم ميولها
أحد ٍ مع الفرّيس يآخذ غنايمه = واحد ٍ يهاوزها وصعب ٍ يطولها
لكنّ فالميقاف هذا وساعته = كلّ ٍ تبي يمناه تعرف فعولها
ولكلّ شاعر في مجاله طريقته = ويصرّف الكلمه على حسب اصولها
وحنّا سوات اصابع الكف نلتقي = لو حالت الدّنيا على غير حولها
واليوم هاجوسي لك الله يحدّني = للمزنه اللّي نايضات ٍ ثعولها
أعرف مداهلها واميّز حدودها = وفي عرضها تظهر تباشير طولها
ولا كلّ عسّاس ٍ بعينه يخيلها = لو تجرح الوادي مدافق سيولها
هذيك شفي يوم كلّ ٍ ومقصده = والله عليم بكلّ كلمه أقولها
إن حنّ راعدها وجت به هبوبها = واحتاروا العربان في حلو زولها
وارخت على سبع البحور بجديلها = حتى حرس خزنتها تكسّر قفولها
يبلش بها العاقل وتظهر براعته = لا صار يدري وش يقوله رسولها
يقول سلك القطن معروفه إبرته = دوب العباد اللّي تعيّب همولها
ويقول دون الذيب ذيب ٍ يقوم له = يوم الحصاني راكزاتن ذيولها
ويقول نار الزند في داخل الحشى = تودع قلوب القوم داخل عقولها
ويقول من لا تسبق العين خطوته = يرقص ليا دقت معلاّ طبولها
هذا وانا اعرفها على اللّين والقسى = لا ساقت البدو الشواوي زمولها
لحيث هي شفي وكلّ ٍ ومقصده = والله عليم بكلّ كلمه أقولها
هذه القصيدة حصلت على المركز الأول
القوم للميدان تسرج خيولها = ولكلّ نفس فاللّوازم ميولها
أحد ٍ مع الفرّيس يآخذ غنايمه = واحد ٍ يهاوزها وصعب ٍ يطولها
لكنّ فالميقاف هذا وساعته = كلّ ٍ تبي يمناه تعرف فعولها
ولكلّ شاعر في مجاله طريقته = ويصرّف الكلمه على حسب اصولها
وحنّا سوات اصابع الكف نلتقي = لو حالت الدّنيا على غير حولها
واليوم هاجوسي لك الله يحدّني = للمزنه اللّي نايضات ٍ ثعولها
أعرف مداهلها واميّز حدودها = وفي عرضها تظهر تباشير طولها
ولا كلّ عسّاس ٍ بعينه يخيلها = لو تجرح الوادي مدافق سيولها
هذيك شفي يوم كلّ ٍ ومقصده = والله عليم بكلّ كلمه أقولها
إن حنّ راعدها وجت به هبوبها = واحتاروا العربان في حلو زولها
وارخت على سبع البحور بجديلها = حتى حرس خزنتها تكسّر قفولها
يبلش بها العاقل وتظهر براعته = لا صار يدري وش يقوله رسولها
يقول سلك القطن معروفه إبرته = دوب العباد اللّي تعيّب همولها
ويقول دون الذيب ذيب ٍ يقوم له = يوم الحصاني راكزاتن ذيولها
ويقول نار الزند في داخل الحشى = تودع قلوب القوم داخل عقولها
ويقول من لا تسبق العين خطوته = يرقص ليا دقت معلاّ طبولها
هذا وانا اعرفها على اللّين والقسى = لا ساقت البدو الشواوي زمولها
لحيث هي شفي وكلّ ٍ ومقصده = والله عليم بكلّ كلمه أقولها