سمي عمهوج
10-30-2007, 06:00 AM
يا وجودي كل ما هبّ نســـــناس شمـال --//-- وجد من حدّه زمانه على اللي ما يبيه
ويا وجودي كلما اضحيت ثم مال الظـلال --//-- لا غفت عيني ولا ذقت شي ٍ مشتهيه
وجد من قفّى وهْو في رجا كلمة تعال --//-- وإلتفت من عقب ماْ اقفى ولا أحـد ٍ لدّ فيه
ويا عذابي لا دنا الليل من روس الجبـال --//-- وانتهى يوم ٍ من العـــــمر ما عاد أرتجيه
وانتي أبعد من سما الحلم ووصالك محال --//-- يا بعد من هلّ دمعي ضحى الفرقا عليـه
يا غناتي لا تحسبين دمعي يوم سال --//-- ضعف ولاّ خوف ولاّ كـــذا ولاّ كــــذيـه
والله إني من رجال ٍ يضدّون الرجـال --//-- لكن الحظ ّ الردي ساق دمعي كل أبيه
ووالله إني كلما دار حوليك الجـدال --//-- قمت كنّ الموت يشّر على قبرى بديـه
ووالله ان قد لي وانا اصّد لا جالك مجـال --//-- صدّة اللي لا تضايق تـــذكّر قبر أخيه
ومن سألني قلت مدري وإذا عاد السؤال --//-- قلت له تكفى سؤالك ترى ماهو وجيه
وش تبيني اقول عن من ترى ذبحي حـلال ؟ --//-- والخطا منها عليّ صرت أحبه وأهتويـه
عذرها لو ماْ تْعذّر مثل واضرب مثـال --//-- واحد ٍ ما يـــــــــعرف الحرّ الاشقر يشتويـه
وان رجعنا للتواصيف لله الكمال --//-- لانتهى ليل الــمزايين جاتـك تبتديـه
كنّها غفل ٍ مع البدو طاويها الحيال --//-- ما يميّز وصفها إلا نبـــيه ٍ من نبيه
وآهني اللي وصلها وذاق من الـزلال --//-- شربة مع غفلة الناس من فيها لفيه
ياْ اول أحلام الطفوله على حد ّ الخيـال --//-- الرجى باللي حمى البيت من حملة بريه
حال دونك سيف عنتر وتاسع حول حـال --//-- باْثر حول ٍ حال دونك وانا ادعى هيه هيـه
هيه ياللي غرّك الحسن واطغاك الجمـال --//-- والله أني اموت ماشفت لأوصافك شبيـه
لو يسام الحسن والتيه بجنيه وريال --//-- ما بقى في سوق غيرك ريال ولا جنيه
كيف أهدّك للمقادير وانتي راس مـال؟؟ --//-- وانتي راس مال والمال ماْ يطي السفيه
حافظك حفظي لعيني ورمشي لك جـلال --//-- وانتي تْشحّين بالماء وانا شفّي مويه
شايف ٍ ظلمك وساكت وطال الليل طـال --//-- لا نويتي طعن قلبي وانا ما قلت ليـه
لو بقى للهيل صبر ٍ على فوح الـدلال --//-- ما بقى للهيل صبرٍ على شي ٍ يجيه
وانتي تْسوقين عقلي على حدّ الهبال --//-- تحسبين ان من بغى شي يقدر يشتريه
ولاّ انا يا وجد حالي وجود ٍ ما يقال --//-- وجد من ضحّى بغاليه لْــــــرضا والديه
ويا وجودي بأول العمر قبل ألبس عقال --//-- وجد من باع آخر العمر في رغبة ذويـه
ويا وجودي كل ما هبّ صوتك من شمـال --//-- وجد من حدّه زمانه على اللي ما يبيه
ضيدان بن قضعان
ويا وجودي كلما اضحيت ثم مال الظـلال --//-- لا غفت عيني ولا ذقت شي ٍ مشتهيه
وجد من قفّى وهْو في رجا كلمة تعال --//-- وإلتفت من عقب ماْ اقفى ولا أحـد ٍ لدّ فيه
ويا عذابي لا دنا الليل من روس الجبـال --//-- وانتهى يوم ٍ من العـــــمر ما عاد أرتجيه
وانتي أبعد من سما الحلم ووصالك محال --//-- يا بعد من هلّ دمعي ضحى الفرقا عليـه
يا غناتي لا تحسبين دمعي يوم سال --//-- ضعف ولاّ خوف ولاّ كـــذا ولاّ كــــذيـه
والله إني من رجال ٍ يضدّون الرجـال --//-- لكن الحظ ّ الردي ساق دمعي كل أبيه
ووالله إني كلما دار حوليك الجـدال --//-- قمت كنّ الموت يشّر على قبرى بديـه
ووالله ان قد لي وانا اصّد لا جالك مجـال --//-- صدّة اللي لا تضايق تـــذكّر قبر أخيه
ومن سألني قلت مدري وإذا عاد السؤال --//-- قلت له تكفى سؤالك ترى ماهو وجيه
وش تبيني اقول عن من ترى ذبحي حـلال ؟ --//-- والخطا منها عليّ صرت أحبه وأهتويـه
عذرها لو ماْ تْعذّر مثل واضرب مثـال --//-- واحد ٍ ما يـــــــــعرف الحرّ الاشقر يشتويـه
وان رجعنا للتواصيف لله الكمال --//-- لانتهى ليل الــمزايين جاتـك تبتديـه
كنّها غفل ٍ مع البدو طاويها الحيال --//-- ما يميّز وصفها إلا نبـــيه ٍ من نبيه
وآهني اللي وصلها وذاق من الـزلال --//-- شربة مع غفلة الناس من فيها لفيه
ياْ اول أحلام الطفوله على حد ّ الخيـال --//-- الرجى باللي حمى البيت من حملة بريه
حال دونك سيف عنتر وتاسع حول حـال --//-- باْثر حول ٍ حال دونك وانا ادعى هيه هيـه
هيه ياللي غرّك الحسن واطغاك الجمـال --//-- والله أني اموت ماشفت لأوصافك شبيـه
لو يسام الحسن والتيه بجنيه وريال --//-- ما بقى في سوق غيرك ريال ولا جنيه
كيف أهدّك للمقادير وانتي راس مـال؟؟ --//-- وانتي راس مال والمال ماْ يطي السفيه
حافظك حفظي لعيني ورمشي لك جـلال --//-- وانتي تْشحّين بالماء وانا شفّي مويه
شايف ٍ ظلمك وساكت وطال الليل طـال --//-- لا نويتي طعن قلبي وانا ما قلت ليـه
لو بقى للهيل صبر ٍ على فوح الـدلال --//-- ما بقى للهيل صبرٍ على شي ٍ يجيه
وانتي تْسوقين عقلي على حدّ الهبال --//-- تحسبين ان من بغى شي يقدر يشتريه
ولاّ انا يا وجد حالي وجود ٍ ما يقال --//-- وجد من ضحّى بغاليه لْــــــرضا والديه
ويا وجودي بأول العمر قبل ألبس عقال --//-- وجد من باع آخر العمر في رغبة ذويـه
ويا وجودي كل ما هبّ صوتك من شمـال --//-- وجد من حدّه زمانه على اللي ما يبيه
ضيدان بن قضعان