اللجنة الإعلامية
05-25-2008, 08:08 PM
تخيّل على دنياي من يوم راح غيوم = حبيبٍ لشوفه رفّ جفني مراميسه
شفوقٍ على أخباره ولا فيه عنه علوم = بعيد المنال ومستحيله مراويسه
تجاذبني العبرات يالله في المقسوم = حياة الهناء قربه وتسعد موانيسه
أكامد على ذكراه جرح الهوى المسموم = إليا هبّ ذعذاعه وفاحت نسانيسه
تعذبت من فرقاه لو مالها ملزوم = عسى الله يردّه لي ويخزي له بليسه
رحيله وبعده حط وسط الضمير وهوم = تحسّر بها قلبي وكثرت وساويسه
تجيني به الأحلام والطيف عند النوم = سرق جفن عيني ومضةٍ من غطاليسه
فيا ليت ذاك السور والحاجز المردوم = يهده ويبهج خاطري عن عواكيسه
وألا يا طيور الشوق لا تدرجين الحوم = ترى الفكر قامت تفتلك به هواجيسه
سؤالي لزوم أنه يجاوب عليه اليوم = وبعده على كيفه ركوبه على عيسه
هل أبقى بتالي العمر من شوفته محروم؟ = أسامر حروف<ن> دونت في قراطيسه
أو يصير لي ذكرى وصورة بوسط ألبوم؟ = إليا خلتها هاضت شجوني موانيسه
شفوقٍ على أخباره ولا فيه عنه علوم = بعيد المنال ومستحيله مراويسه
تجاذبني العبرات يالله في المقسوم = حياة الهناء قربه وتسعد موانيسه
أكامد على ذكراه جرح الهوى المسموم = إليا هبّ ذعذاعه وفاحت نسانيسه
تعذبت من فرقاه لو مالها ملزوم = عسى الله يردّه لي ويخزي له بليسه
رحيله وبعده حط وسط الضمير وهوم = تحسّر بها قلبي وكثرت وساويسه
تجيني به الأحلام والطيف عند النوم = سرق جفن عيني ومضةٍ من غطاليسه
فيا ليت ذاك السور والحاجز المردوم = يهده ويبهج خاطري عن عواكيسه
وألا يا طيور الشوق لا تدرجين الحوم = ترى الفكر قامت تفتلك به هواجيسه
سؤالي لزوم أنه يجاوب عليه اليوم = وبعده على كيفه ركوبه على عيسه
هل أبقى بتالي العمر من شوفته محروم؟ = أسامر حروف<ن> دونت في قراطيسه
أو يصير لي ذكرى وصورة بوسط ألبوم؟ = إليا خلتها هاضت شجوني موانيسه