حلم بين الشجر واريام :(

[ابو جودة]

قبل يومين وانا نايم على سريري كنت احلم بشلة بنات يطاردوني في بستان فيه انواع الاشجار وكانت بينهم تركض المغنيه (اريام:D )

وكنت اركض بسرعه و اختبى بين الاشجار الكثيفه..شوي ورى شجرة برتقال وشوي ورى شجره تفاح وشوي ورى شجرة مشمش

و يوم التفت الا البنات كلهن تعبوا ووقفوا .. الا اريام كانت تركض بقوه و بعد ما تعبت جلست عند الشجره وجت اريام وجلست وهي تقول اخيراً مسكتك وكانت تبي تبوسني الا يوم افز من الحلم ..

وسيقان اخوي فوق راسي .. فقلت الحين يومني كل ما افز من حلم واشوف سيقان اخوي ورى ماتتبدل بسيقان بنت .. ونتزوج ونكمل نصف دينا .. :(

رحت لغرفة الخدامه وعشان ماتفهموني غلط :( رحت لها لانها كانت مفسرة احلام من نوع اخر وكان الوقت بعد منتصف الليل

طقيت الباب ودخلت وقلت لها الحلم ويوم خلصت .. طالعت فيني وقالت : بالله عليك هذا عذرك عشان تدخل غرفتي :D ...
قلت معليش اتمنى ماتفهميني غلط والله نيتي غير ..فقامت تصارخ وتصايح .. فدخلوا الوالد والوالده في غرفه الخدامه وشافوني وانا في عقر دارها.. وفي دار الجريمه

وهنا هلت دمعه من عيني وانا اصارخ مظلوم .. برئ .. مظلوم .. برئ

شوي يسحبوني للصاله و يجتمعون وهم في حالة صمت وسكوت .. ثم قال الوالد : لازم تصلح غلطتك وانا ابوك ..

ترى ندري ان الانسان يغلط ويخطي وانا قد مريت بهالسالفه وحاس بشعورك الان

الا يوم تصرخ الوالده : وش وش وش تقول صلحت غلطتك مع من .. علمني ؟؟

تكلمت انا بصوت فيه نبره من الحزن والالم : والله رحت عشان تفسر حلمي .. صدقوني مظلوم مظلوم

شوي يوم انقذنا الله وحلفت الخدامه اني مظلوم بالفعل .. ثم يقوم الوالد وياخذني معه لبيت جارنا خوفاً من تكرار نفس المصيبه اقترح اتزوج بنت جارنا..

الا يوم اشوف المأذون و جارنا جالسين بالمجلس ..

على بركة الله مبروك ألف مبروك منك المال ومنها الأبناء ياولدي والله الله بالبنيه و ياولدي ترى تقدر تروح تقعد مع حرمتك رح يم ذيك الغرفه على اليمين ..

الا يوم اطب الغرفه : الله الله لا إله إلا الله وش اسمتس ياحلوه ؟

الحرمه ساكته ماتهرج ..!!

افا وش اسمتس .. وراتس مستحيه قولي بسرعه ترى مانيب فاضي :(

الحرمه برضو ساكته ماتهرج ..!!

شوفي بتهرجين ولا هونا ترى تونا مالنا دقيقتين والشرع يبيح الطلاق الحين .. يالله

الحرمه وهي تأشر بيدها وتسنها ماتهرج :(

وحينها نزلت دمعه من عيني دمعه قهر .. لا لا ماتفقنا على كذا يابنت الحلال .طالق طالق طالق

الا يوم انحاش من الغرفه ويطلعلي ابوها : على وين يابو الشباب هماك فرحان قبل شوي .. والله موشغلي انت رضيت ومافي طلعه من البيت ياتسلب بنات الناس موب لعبه بيدك

الا يوم افزع من الحلم واحمد الله واشكره اني مازلت على قيد الحياة . مسالماً طيباً اجودياً يحب الناس من بعيد لبعيد :D

[ابو جودة]

ادري انكم تقولون في نفسكم وش يبي ذا كل يوم موضوع كل يوم موضوع !! ارفق علينا وش معك اصابع مثلنا ولا طابعه

بس يااخوان اعذروني هذي افكاري والدنيا مالها امان امكن ننساها .. فشغلي نظيف اول بأول :D

[نجم المتيهي]

تصدق نفس الكوابيس المزعجه هذي تجيني !!

بس ماعمري سألت الخدامه ولاشيء أثرني ظالمن نفسي !!

[ابن مجـهل]

الكاتب الساخر أبوجودة

موضوع تراجيدي كوميدي مميز دخلت فيه عدة قضايا مهمه في موضوع متكامل وجميل

الله يعطيك العافيه

وبصراحه حلم تحسد عليه :)

[الروقي]

يخرب بيتك أريام حتى بالنوم مزعجه العالم

[ذايع الصيت]

اللي يطارده اريام والاشجار كلها اشجار فواكه من لقاها هذي غيرك يا ابو جودة

مشكوووور يا ابو جودة

[ابو جودة]

بس ماعمري سألت الخدامه ولاشيء أثرني ظالمن نفسي !!

اسأل فالحياة تجارب يانجم .. لكن ياحبذا لو تطرق الباب اولاً

[العضياني]

هههههههههههههههه

اجل كفشك الوالد وانت في عقر دار الخادمه

كاتب رائع وموضوع جميل كدت ان تخرج فيه عن النص

اشكرك واطلب منك المزيد