العضياني
06-04-2008, 07:57 PM
بسم الله الرحمن الرحيم
اخواني اعضاء المنتدى .. اقدم لكم هنا قصيدة وجهها الشاعر والاديب نواف بن هنيدس
الى الشاعر الكبير ابن مجهل يصف له ماجرى من العشق ومن حال محبوبته ..
واضع بين ايديكم قصيدة الشاعر نواف بن هنيدس ورد ابن مجهل عليها
وهذه هي قصيدة الشاعر نواف بن هنيدس ..
يا ابن مجهل ترى ما فيّ حيله=وفكري مشغله ظبي النفيله
بدعت القاف والقيفان لاجله=ومهما صغتْ في حقّه قليله
بزين الخَلق مع حِسن السجايا=علامه فارقه من بدّ جيله
فتاةٍ في زها العشرين ورده=و ابوها شيخ من روس القبيله
هواها في مجار الدّم يجري=تمكن بالحشا واسرج فتيله
لها بالقلب مقدار وحشيمه=أناجيها و احاتي كل ليله
أبادلها غرامي والمشاعر=وهي غايه تبرّرها الوسيله
اليا لدّيت ثم لدّت تجاهي=تخجّ القلب بـارموشن ظليله
تثنى قدّها الميّاس عجباً=يداعبها النّسيم وتنثني له
ولا اخذني مثل عينٍ عليها=وردفن يالله اعظامه تشيله
وثنايا ً غرْ فيها الدّر كامن=كما السّيف المهند في صقيله
و شفايا ً حمرْ مثل الجمرْ توضي=وصوتن من سمعها يرعوي له
يا ظنّي لو تعرّت في جسدها=يغطّيها عثاجيل الجديله
قليلن جنسها ما فيه زيّه=نبا نتعب ولا نلقى مثيله
عليها القلب وسط الجوف ذايب=تقل يصلى على جمر المليله
تبعناها على نهج المحبّه=وراع الحب قلبه هو دليله
محبه طاهره والله يشهدْ=بعيده عن دهاليز الرذيله
وهذي عادة الموفي لخلّه=يخاف القَدحْ في سمعة خليله
أجي بيته واوقّف عند بابه=عسى الخافق يبرّد من غليله
والا بان الصبح كفكفت دمعي=ودرجت الرجل والطرقه طويله
جِهلنا والهوى ما فيه جاهل=و إذا دشّه غبي عدّه قتيله
وصبرت اشهور وايام وليالي=ونتاج الصبر ما شفنا حصيله
لَكَن ْ ملزوم نصبر لو تِعبنا=لعلّ الضيق ياتي ما يزيله
وأنا هالحين علمتك بوضعي=وشرحت الحال بابياتٍ جزيله
وتراني ناطرن منك الرساله=ومثلك فاللوازم ينعني له
سليل المجد وابن الشيخ مجهل=ألا يا نعم من هو ينتمي له
نخيتك يا صليب الراس تكفى=وانا خابرك كسّاب الجميله
تشوف الوضع واتعالج رفيقك=ترى كبده لها مدّه عليله
وهذا رد ابن مجهل :
هلا باللي زهم وسط القبيله=ودعا باسمي وانا ملزوم اجي له
ونخاني شاكين شدة غرامه=وشوقن بين اضلاعه يشيله
شكا لي من حبيبه ما يواجه=من اللي فيه يسهر طول ليله
دموعه سايله من فوق خده=تذارف مثل سيلن مع مسيله
مضى له في هوى المجمول فترة=قصيرة وقت ما هيب الطويله
وصبر واخفى عن العذال حاله=ولو ما كان له فالصبر حيله
ومدامه خصّني من بدّ ربعه=ابا اكرب له حزامي وارتكي له
وابا ابذلّه جميع اللي نطيقه=ولو كانت مهمّه مستحيله
وابا افزع له حسب ما نستطيعه=ولا به خير من يجحد زميله
والا منّه تعثّر في مسيره=نعين القرم لو يبغى نشيله
والا يا واصلن مني أديبي=وأديب المنتدى راع الفضيله
عطاك الله علم وبعد نظره=وبلاغه فالحوار اللي تكيله
وثقافه ما يجاريها مثقف=يخاف الفكر ما يدفق صميله
وإذا تبغى النصيحه يابن عمّي=وابن مجهل خلف يعرف دليله
طريق الحب عسراتن دروبه=ولا له درب واضح ينتهي له
ومن دشّه يبا يبلش بروحه=مثل بلشة بشر واللي مثيله
وما دام انه تعسّر لك مناله=وعيّا الحظ لا يسلك سبيله
نصيحه يالسنافي كان توحي=تكبّ الزين واتدوّر بديله
اخواني اعضاء المنتدى .. اقدم لكم هنا قصيدة وجهها الشاعر والاديب نواف بن هنيدس
الى الشاعر الكبير ابن مجهل يصف له ماجرى من العشق ومن حال محبوبته ..
واضع بين ايديكم قصيدة الشاعر نواف بن هنيدس ورد ابن مجهل عليها
وهذه هي قصيدة الشاعر نواف بن هنيدس ..
يا ابن مجهل ترى ما فيّ حيله=وفكري مشغله ظبي النفيله
بدعت القاف والقيفان لاجله=ومهما صغتْ في حقّه قليله
بزين الخَلق مع حِسن السجايا=علامه فارقه من بدّ جيله
فتاةٍ في زها العشرين ورده=و ابوها شيخ من روس القبيله
هواها في مجار الدّم يجري=تمكن بالحشا واسرج فتيله
لها بالقلب مقدار وحشيمه=أناجيها و احاتي كل ليله
أبادلها غرامي والمشاعر=وهي غايه تبرّرها الوسيله
اليا لدّيت ثم لدّت تجاهي=تخجّ القلب بـارموشن ظليله
تثنى قدّها الميّاس عجباً=يداعبها النّسيم وتنثني له
ولا اخذني مثل عينٍ عليها=وردفن يالله اعظامه تشيله
وثنايا ً غرْ فيها الدّر كامن=كما السّيف المهند في صقيله
و شفايا ً حمرْ مثل الجمرْ توضي=وصوتن من سمعها يرعوي له
يا ظنّي لو تعرّت في جسدها=يغطّيها عثاجيل الجديله
قليلن جنسها ما فيه زيّه=نبا نتعب ولا نلقى مثيله
عليها القلب وسط الجوف ذايب=تقل يصلى على جمر المليله
تبعناها على نهج المحبّه=وراع الحب قلبه هو دليله
محبه طاهره والله يشهدْ=بعيده عن دهاليز الرذيله
وهذي عادة الموفي لخلّه=يخاف القَدحْ في سمعة خليله
أجي بيته واوقّف عند بابه=عسى الخافق يبرّد من غليله
والا بان الصبح كفكفت دمعي=ودرجت الرجل والطرقه طويله
جِهلنا والهوى ما فيه جاهل=و إذا دشّه غبي عدّه قتيله
وصبرت اشهور وايام وليالي=ونتاج الصبر ما شفنا حصيله
لَكَن ْ ملزوم نصبر لو تِعبنا=لعلّ الضيق ياتي ما يزيله
وأنا هالحين علمتك بوضعي=وشرحت الحال بابياتٍ جزيله
وتراني ناطرن منك الرساله=ومثلك فاللوازم ينعني له
سليل المجد وابن الشيخ مجهل=ألا يا نعم من هو ينتمي له
نخيتك يا صليب الراس تكفى=وانا خابرك كسّاب الجميله
تشوف الوضع واتعالج رفيقك=ترى كبده لها مدّه عليله
وهذا رد ابن مجهل :
هلا باللي زهم وسط القبيله=ودعا باسمي وانا ملزوم اجي له
ونخاني شاكين شدة غرامه=وشوقن بين اضلاعه يشيله
شكا لي من حبيبه ما يواجه=من اللي فيه يسهر طول ليله
دموعه سايله من فوق خده=تذارف مثل سيلن مع مسيله
مضى له في هوى المجمول فترة=قصيرة وقت ما هيب الطويله
وصبر واخفى عن العذال حاله=ولو ما كان له فالصبر حيله
ومدامه خصّني من بدّ ربعه=ابا اكرب له حزامي وارتكي له
وابا ابذلّه جميع اللي نطيقه=ولو كانت مهمّه مستحيله
وابا افزع له حسب ما نستطيعه=ولا به خير من يجحد زميله
والا منّه تعثّر في مسيره=نعين القرم لو يبغى نشيله
والا يا واصلن مني أديبي=وأديب المنتدى راع الفضيله
عطاك الله علم وبعد نظره=وبلاغه فالحوار اللي تكيله
وثقافه ما يجاريها مثقف=يخاف الفكر ما يدفق صميله
وإذا تبغى النصيحه يابن عمّي=وابن مجهل خلف يعرف دليله
طريق الحب عسراتن دروبه=ولا له درب واضح ينتهي له
ومن دشّه يبا يبلش بروحه=مثل بلشة بشر واللي مثيله
وما دام انه تعسّر لك مناله=وعيّا الحظ لا يسلك سبيله
نصيحه يالسنافي كان توحي=تكبّ الزين واتدوّر بديله