الجمس .. قصيده لشاعر ضيدان بن قضعان.. [الأرشيف] - منتدى العضيان الرسمي " العضيان نت "

مشاهدة النسخة كاملة : الجمس .. قصيده لشاعر ضيدان بن قضعان..

غناتي

10-30-2007, 09:22 PM

السلام عليكم..

هذي القصيده .. لضيدان بن قضعان للي طلبهــا..

راكب الي ما تجيبه وكالة بال بيــــــــــــــد *** ولا يجيبه بهبهاني ولا وضيحي قطــــــــر
ادهمن وسم الجميحي على جنبه جديــــــد *** مهبل الي عرض يحسب انه شفـــــــــــــر
جمس شكمانين ملقبينه بالولـــــــــــــــــيد *** من سرى به مايغبط القصيبي والجبـــــــر
كاتبين في ضمانه حديده ما يبـــــــــــــــــيد *** تمرة قاري عليها حفيد ابو بكـــــــــــــــــر
كن وجهه لا نطحته تشعشع صبح عيـــــد *** وان قفيته كأنه السيل لا سال وحـــــــــــدر
وان عرض لك في مزاياه من عنق الفريد *** ولا ركبته تحسب انك على سطح القمـــــر
دقته نغمة عبادي على سلم فريــــــــــــــد *** لا عزف الاول جاوب على عاشر وتـــــــــر
لأ شتغل قالت شكامينه ارسل يا حديـــــــد *** والتروس تقول للقاع ولي يا فقـــــــــــــــر
والبلوف تقول للكهرب هل من مزيـــــــــد *** والسيور تقول للمروحه هل من مفــــــــــر
وكن في الشكمان الايمن صدىعبدالمجيد *** وكن في الشكمان الايسر صدى نايف صقر
تحت كبوته من الفن طيران وعبــــــــــيد *** ما يغنون المسافه ولا طال السفـــــــــــــــر
كل اغنيهم على الدرب واصل يا عنيــــــد *** لين تلفي قصر شيخاً على العليا شهــــــــر
سايقه من صلب ربعي وله باساً شديـــــد *** ما يهاب البعد والليل والموت الحمـــــــــر
من صناديد ال عرجا هل العلم الوكيـــــــد *** لابتن من جن تمشي على هيئة بشـــــــــر

الرويل

10-31-2007, 08:40 PM

يعطيك العافية والله .

والله القصيدة جميلة جدا .

تسلم يدينك على نقلها .

وودي اكلف عليك زيادة اذا ما عليك امر .

فيه قصيدة ثانية له ايضا بالجمس يقول باحد ابياتها /
امه ترايستار وابوه جي ام ....... واكثر طباعه من طبايع خواله

شدي حيلك وحاولي تجيبينها .

والشكر لك للمرة المليون

غناتي

10-31-2007, 08:55 PM

الله يعــافيــكـ اخوي

ومايــامر عليك عدوو..

انتظرني...

غناتي

10-31-2007, 09:02 PM

قم يانديبي فوق جمس مصمم -------------------- بالكمبيوتر ماتجيبة وكالة

تصميم عام الفين للحين ماتم---------------------- لكن هذا عينة جاء لحالة

اهدوه لكلنتون وقام يتبسم--------------------- وامر برساله لدار العداله

وجابة هدية للمليك المعطم----------------------- فهد زعيم العرب وافي الجماله

وجاني خبره ورحت عجل ومهتم ------------------- لقصر من كل العرب في طلاله

وجيت الوزير وقلت له لو تكرم---------------------- ودي اشوف الجمس وواصف جماله

قال العفو نستأذن الي له العلم------------------- يرجع وشوره دايما في دلاله

عبدالعزيز بن الفهد جالي الهم------------------ المستار اللي يشرف مجاله

ودخلت مع الوزير المخضرم--------------------- في مجلس رحب تخالف دلاله

وجيته وهو جالس وقف وسلم---------------- واذن لي اني اجلس قباله

وابديت له سر على الناس يكتم---------------وقال الذي تبغية سهل مناله

ودعا الوزير وفذن اباالخيل تمتم----------- وفيني ركز نطرته بالعماله

وفهمت وشهو قاله جعل يسلم -------------- عطاني اللي مانعين بداله

يعطي العطا من للمعالي بسلم ------------- يبقى سنود وعزتة راس ماله

واقفيت باللي من نطر له تألم -------------- حتى هل المرسد عدوه هاله

ولحق بشر من كشخ فوق بي ام ------------ صابه جفال وعاف غالي حلاله

وجاني الجميح وقال بس قل تم ------------ مليون كاش ومثلها لك حواله

قلت الذهب هذا على البيع حرم-------------وبهديه للي يمدحه من عناله

وناديت من ربعي غلام تعلم-------------- على عبور الحد وقت الجهاله

وقلت له ياصبي الصمايل تولم---------- على الذي ماجا لنل بسهاله

جمس يهوم المدح ويخالف الذم--------- مهجن يحي القلوب اشتغاله

مصمينه للفضاء قبل يفطم-------------- ويوم فطموه قالت القاع اناله

امه ترايستار وابوه جيم-------------- واكثر طبوعة من طبايع خواله

كن حس سلفة لاغمزته ورنم--------- ضحكة صغير يدرج وسط صاله

ورنة سيوره صوت عود تهشم--------- يوم اقفو الغازين بغلى حلاله

وقزوزه كن فيها مترجم ------------- يحكي فرنسي عن طروف البطاله

ومكينته كنها بريق ملغم--------------- فوقيه احمر والبلا في الحثالة

وشبكة يشادي رشرش فوق محزم--------- على كما التفاح من تحت شالة

وشنابر جنوطه حجول بمعصم -------- سود تهيض بالطبل كل داله

ومساحتينه حجت اللي تلثم-------------- خشف على العاشق عسير مناله

ومرايته اليا من اقفا موشم------------ اذنين ريم ذيرته الثعاله

سيته يضم اللي على طارته ضم-------- ام تضم وليدها من دلاله

كنه احتوه بحضنها بنت رستم---------- اوبنت صدقي قمت الفن هاله

علية يالمندوب في الليل الاطلم--------- اسرو عسى التوفيق لذيب فاله

فلا جيت ابوعليا وقف وسلم 0---------- عطه السويك وما احتوته الرساله

الرويل

10-31-2007, 09:32 PM

غناتي

تدرين ان هالقصيدة تعبت وحفيت وانا ابحث عنها .

ماخليت احد الظاهر ما سألته عنها .

الله يعطيك العافية من جد مالها الا غناتي .

مدري كيف اشكرك والله ليت بالمنتدى زيك خمسين بس .

ياختي غناتي بيض الله وجهك ........ دامك تطولين الصعيبه وتوفين

دمتي وسلمتي .

اخوك / الرويـــــــــــــــل

سلطاان

10-31-2007, 10:52 PM

صح لسانك ولسان شاعرها

تقبلي مروري ولك كل التقدير

رشيد علي خليفه

11-01-2007, 08:32 AM

صقر العضيان

11-01-2007, 11:14 AM

صح لسانك ولسان شاعرها

تقبلي مروري ولك كل التقدير

كلي فخر

11-01-2007, 11:52 AM

صح لسان الشاعر والناقل..

تسلمين ع القصيده والله لايهينك

احترامي لك

الصقر الذهبي

11-01-2007, 01:07 PM

مشكورة أختي على النقل

شكرا لك

العضياني

11-01-2007, 03:59 PM

يسلموووو

وقصيدة رائعه من شاعر مبدع

غناتي

11-01-2007, 06:37 PM

الله يعطيك العافية من جد مالها الا غناتي .
مدري كيف اشكرك والله ليت بالمنتدى زيك خمسين بس .
ياختي غناتي بيض الله وجهك ........ دامك تطولين الصعيبه وتوفين

ويعــافيك اخــوي..

وصح لســانك مليــون..

ولجل غالي تكرم مديــنه...

غناتي

11-01-2007, 06:39 PM

صح لسانك ولسان شاعرها

تقبلي مروري ولك كل التقدير

صح بــدنـــك..

ومشكور ع المرور..

غناتي

11-01-2007, 06:41 PM

صح لسانك ولسان شاعرها
والله انك(شنب)هههههههههههه
غناتي احس انك من يوم انتي صغيره
وانتي تلعبين مع عيال عرابجه؟
وعرفت ان عمرك تجاوز الثلاثين
من كثر عشقك للجمس؟اللذي انتهى
عند موديل(1979م) ولم يعد هناك الا اسمه

صح بــدنــك..

انا " عـز ابـوهــا " وعـزتـي تــاجـي
---------------------------بنت ولكن مـئـــة رجــــــــال يــســاويني

8
8
هذا ردي لك...

غناتي

11-01-2007, 06:43 PM

صح لسانك ولسان شاعرها

تقبلي مروري ولك كل التقدير

صح لسان الشاعر والناقل..

تسلمين ع القصيده والله لايهينك

احترامي لك

مشكورة أختي على النقل

شكرا لك

وصح ـت ابدانكم ... والشكر راجعلكم

غناتي

11-01-2007, 06:45 PM

العضياني العفوو...