هبت هبوب الشمال (( عبدالهادي بن ثعلي))

[ذايع الصيت]

قصيدة الشاعر الكبير الشيخ عبد الهادي بن سعيد بن ثعلي غني عن التعريف وله كثيرا من

القصائد وكان يجيد كل أغراض الشعر لكن الناس عرفته بالقصيدة الشهيرة والتي باقية بالذهان

وستبقى ، القصيدة غزلية ،وقد قالهاوهو في الشام أحد قادة جيش الشريف حسين الذي يقاتل العثمانيين

بقيادة فيصل بن حسين. وكان يجيد كل أغراض الشعر ومنها الغزل

فانشد قصيدتة المشهوره؟ ولقد صاغها الشاعر باسلوب فريد لاينبع الا من شاعر كبير تناقلتها الالسن

والاعلام واصبحت من التراث والكثير من المحطات في الشام تنقلها على شكل اغنية وفي نهاية

الاغنية يكتبون انها من فلكلور تراث البادية ، لكنني اقدمها لكم .


عديت في مرقب والليـل ممسينـي=بديار غرب لعـل السيـل ماجاهـا

أضحك مع اللي ضحك والهم طاويني=طيت شنون العرب لاسربـوا ماهـا

وراك ماتزعجيـن الدمع ياعيني= على هنوف جديـد اللبـس يزهاهـا

هبت هبوب شمال وبردهـا شينـي= ماتدفي النـار لـو حنـا وقدناهـا

مايدفي الا حشـا مريوشـة العينـي=في صرع زولية والعرق مرباها

أبـو عيـون اليـا سلهـم تناجينـي=ياقرد عين المشقـا كيـف يقواهـا

ياشبه وضحـا فتـاة دلهـا زينـي=داجت على عقلـة والـورد ماجاهـا

ياعل من شار بالفرقى عمى العيني=مخباط صمعا جليل الفخـذ يشظاهـا

جعله حسير كسيـر وراكبـه دينـي=وأتلى حلالـه ذلـول راح يطلاهـا


منقول

[نجم المتيهي]

صح لسان الشاعر الأسطوري أبن ثعلي وسلمت أخي ذايع على ذوقك الرائع .

[ذايع الصيت]

تسلم يا نجم طال عمرك ومشكور لمرورك الطيب

احترامي

[ولد الشيوخ]

مشكور على النقل الرائع ياذايع

[ابن مجـهل]

صح لسانه

والله يعطيك العافيه ياذايع الصيت

[شاعر زمانه]

الاخ العزيز ذايع الصيت
القصيده هذه نسبت لأكثر من شاعر ،حوالي أربعة شعراء وخامسهم امرأه ولم ترد أخبار مؤكده عن صاحبها الحقيقي
وهذا أبرز ما وجدت عنها في أحد المنتديات مع القصيده كامله..
.................................

سلمان بن سويلم بن غانم الصريبطي البلوي رحمه الله....

له هذه القصيدة الرائعه والقديمه والتي يتداولها كثير من الناس وغناها الكثير

ولم يعرفوا من قائلها أو يشيروا لها وربما نسبها البعض لشعراء آخرين ولكنها في الحقيقة

لهذا الشاعر رحمه الله وهو: (سلمان سويلم الصريبطي الزبالي البلوي)..

وقد حصلت على المعلومه والقصيدة من كبار السن من القبيلة واثبتوا نسبتها لهذا الشاعر رحمه الله .

و الشاعر الذي ذكرته عاش في الأردن وفلسطين سبع سنين في الغربه

وأثناء وجوده قي تلك المدن قال هذه القصيدة الجميلة

وهذه القصيده كامله:


مديت يوم الاحـد صبـاح الاثنينـي=كل المماشي علـى الله ماحسبناهـا
قطعت ممشى الركايب فوق رجليني=أقبل على حزوم والاخرى اتعداهـا
لا نمت قامت هواجيسي اتصحينـي=حيث المغيبة بعـد مافـات ما اقواهـا
نطيت رجم ٍ وآثري الليل ممسينـي=بديار غربة يعـل السيـل ماجاهـا
الشمس غابت وأنا هالحين هالحيني=بطحى عدامة ولاني لا حـق ماهـا
والمشرب اللـي معايـه مايكفينـي=الدرب كايد ورجلـي بـاد حذواهـا
لكن تحت رحمة اللـي مايخلينـي=حيثه على مايريد ارزاقـه اعطاهـا
يوصلني اللي تحرى فـي سويدينـي=عامين مني خبر مقطـوع ماجاهـا
هبت هبوب الشمال وبردهـا شينـي=ماتدفي النـار لـو حنـا شعلناهـا
مايدفي الا حضن مدعوجـة العينـي=الا عطشنـا شربنـا مـن ثناياهـا
هي شبه وضحى تمطرح بين ذوديني=وردت على عقلةٍ ماغثـرب بماهـا
ياكثر ماتزعجين الدمع يـا عينـي=على هنوف جديد اللبـس يزهاهـا
أضحك مع اللي ضحك والود طاويني=طية شنون القرب لا قطـروا ماهـا
تستاهلين الرمـد وهـزوم ياعينـي=عيـن تعلـق مـع المقفـي بلياهـا
لو اشتهت لي عييده غيـر تبرينـي=اللي تعرف الدوا والعين تجلاها
قالت مقاسيم حالـت بينـك وبينـي=تبعد وراهـا وانـا ودي بلاماهـا
وانا احسب اني من اول ما تعدينـي=تنسى المحبه وانا اللي ماقدر أنساها
عـز الله انـي معاهـا الله معنينـي=والا ماني رايـح لهـا واترضاهـا
من عقب انا بالسهل والماقع الزينـي=نطحت كمخة وانا من قبل ما ارقاها
عواد ابو سالمٍ مبطـي يمنينـي=بعض التماني ترى نصبـر بلياهـا

توضيح أن ( عـييـده ) المذكورة في القصيدة ليست محبوبة الشاعر

وإنما هي أختها ولكن لقوة شخصيتها التي كانت فارضة رأيها على أختها محبوبة سلمان .

وسلامتكم // الشاعر : سلمان بن سويلم بن غانم الصريبطي البلوي رحمه الله....
ــــــــــــــــــــــــــــــــــــــــــــــــــ ــــــــــــــــ
وهذا أبرز الردود على صاحب الموضوع
..................................................

أخي العزيز .....
اشكر لك مجهودك الرائع كا روعة القصيدة وأود أن أوضح شيئا ممكن أن يكون غائبا ًعنكم الاوهو
أن هذا الشاعر الذي ذكرته عاش في الأردن وفلسطين سبع سنين في الغربة وأثناء وجوده قي تلك المدن قال هذه القصيدة الجميلة , وذكرت أمرأه من قبيلة الروله في جريدة الجزيرة أنها سمعت من أباها أن هذه القصيدة لقبيلة بلي , ولكن لضعف الأعلام وعدم وجود كتاب قي القبيلة لم يستطع احد أثباتها .
توضيح أن (عييدة) المذكورة ليست محبوبة الشاعر وإنما هي أختها ولكن لقوة شخصيتها كانت
فارضة رأيها على أختها محبوبة سلمان .
يوجد في القصيدة بيت ناقص وهو البيت الخامس
الشمس غابت وأنا هالحين هالحيني ...... بطحى عدامه ولاني لاحق ماها
ولك مني جزيل الشكر والعرفان وتقبل مروري
مع تحيات
الساهر............................................ ...

الأخ ذايع الصيت إذا كنت متأكد زودنا بتفاصيل أكثر ولك فائق الاحترام

[المدمر]

لك الشكر على إيراد هذه القصيدة ياذايع الصيت والتي سمعنا عن اختلاف الرواة في قائلها ,,,

واضيف على ماقال شاعر زمانه بأنها أيضا" نسبت لفهيد بن حضرية العجمي ,,

كما ذكرها الأديب عبدالله ابن خميس في كتابه الجزء الثاني ص 213

وأورد منها أبيات مطابقة لأبيات القصيدة المشهورة ,, ولعلك ياذايع الصيت

تفيدنا بمعلومات عن صحة اثبات القصيدة لكي نسعى في حفظ تراث القبيلة إذا ثبتت صحتها ,,


ولاهنت على نقلك المفيد ,,,,,,,

[الثعلي]

عبدالهادي الثعلي صاحب القصيدة وكنت اعلم انها له قبل ان تغنى


وشاعر كبير ومعروف رحمه الله تعالى

[العطاوي]

الله يمسيكم بالخير يالرربع


ذايع لاهنت

والقصيده لابن ثعلي

ولو امعنا النظر في القصيده الاولى لا وجد فيها تناسق الابيات وقوتها ولا يوجد فيها بيت اضعف من البيت اللذي قبله فاما القصيده الاخرى الركاكه واضحه فيها وضوح الشمس وخص في اول خمس ابيات

لذا وجد تلاعب في نقل الرواه ,,

وسمعت ان هناك شعراء تحقق من ذلك عبر مقارنه هذه القصيده بقصائد الشاعر الاخرى فلكل شاعر طرق معين ,,

هذا ما عندي وانتم اعلم مني ,,


تحياتي

[فهد العضياني]

الله يمسيكم بالخير يالرربع


ذايع لاهنت

والقصيده لابن ثعلي

ولو امعنا النظر في القصيده الاولى لا وجد فيها تناسق الابيات وقوتها ولا يوجد فيها بيت اضعف من البيت اللذي قبله فاما القصيده الاخرى الركاكه واضحه فيها وضوح الشمس وخص في اول خمس ابيات

لذا وجد تلاعب في نقل الرواه ,,

وسمعت ان هناك شعراء تحقق من ذلك عبر مقارنه هذه القصيده بقصائد الشاعر الاخرى فلكل شاعر طرق معين ,,

هذا ما عندي وانتم اعلم مني ,,


تحياتي



حياك الله يالعطاوي وكلامك في محله

ولك جزيل الشكر على هذه الأضافه

[برنس روق]

اخوانى السلام عليكم


انا مااعرف صاحب القصيدة بالضبط


لكن حسب مااسمعة والمعروف عند اهل الشمال انها لشاعر عتيبي


ولم يحددو اسمة او فخذة ولكن الاقرب مااوردة الاخ ذايع الصيت

[زبون المخاسير]

بيض الله وجيهكم وتسلمون

[صٍْآلحٍّ آلعًٍضًٍيَآنْيَ]

ذايع بيض الله وجهك عالنقل الرائع

[محمد الروقي]

ذايع الصيت مشكور على النقل

[فهد قعدان العضياني]

اشهد انه شاعر ويعطيك العافيه ياذايع الصيت

[العالمي]

نقل موفق واللة يرحم صاحب القصيدة

[مـ ح ـمـد .!]

،،

،

لابد من إثبات أكثر . أماقوة سبكـ وحبكـ مثل قال العطاوي .ماتثبت القصيده أنها لـ أبن ثعلي .

أول مرهـ أسمع أنها لـ عبدالمعين بن ثعلي .والظاهر أنها ماهيب له.

:)

..

[الضرغام]

مشكور يااخوي ذايع الصيت على نقل هذه القصيده الطيبه ورحم الله عبد الهادي بن ثعلي

[صٍْآلحٍّ آلعًٍضًٍيَآنْيَ]

ذآيع الصيت .. لآ هنت على نقل هـ القصيده الجزله وصح لسآن قآيلهآ وصح ذوقك ولآ هنت ..


ودي لسمووك


مروري وسروري وآعجآبي



صلوح

[نواف العضياني]

،،

،

لابد من إثبات أكثر . أماقوة سبكـ وحبكـ مثل قال العطاوي .ماتثبت القصيده أنها لـ أبن ثعلي .

أول مرهـ أسمع أنها لـ عبدالمعين بن ثعلي .والظاهر أنها ماهيب له.

:)

..
مزاجي .. ما أحد قال أنها لعبدالمعين الثعلي ...
والقصيده معروف من هو صاحبها وهذا الكلام يعرفه كبار الشعار
وأنها لشيخ / عبدالهادي الثعلي ... ولا يحتاج أي كلام لأثباتها
وبيض الله وجهك يا ذايع الصيت على حسن الأختيار ...

[محمد الجعيداني]

مشكور على النقل المميز

[حصان الصدق]

هذي القصيده للشاعر موهق بن عجاج الغنامي العطاوي وقد اكدها لي اكثر من شخص لدي اطلاع وسئلت عدد من ابناء الثعاليه ولم يؤكدون انها لعبدالهادي بن سعيد .

[النير]

صح لسان ابن ثعلي على هالقصيده

اما عن سالفة هل القصيده له ام ليست له

انا اللي اسمعه من الصغر انها لعضياني واتوقع انها له فعلا

[ابـن عَـبُـود]

قصيده مميزة ومازالت تحظى بإهتمآم أهل الفن ليومنا هذا
وأفضل من قام بأدائها الفنانه سميرة العسلي لكـن الأبيات فيها شوَية إختلاف

ودي وتقديري ..:46:

[التويس]

قصيده جميله جدآ
وأفضضل من غنآهآ ابو نآيف : > خالد عبدالرحمن

[يزيدالعضياني]

قصيده جميله جدآ

[الأمير الفارس]

من أروع القصائد