الرويل
11-01-2007, 12:55 AM
بسم الله الرحمن الرحيم
بدون مقدمات محاولة بسيطة لكتابة قصيدة والمحاولة من القلب الى الكي بورد مباشرة .
هذه المحاولة تعبر عن نفسها .
سر ياقلم واكتب كلام بتثمين
............ قاف شبيه النور نور المجرة
قاف عليه من الليالي براهين
............ جاك يتهادى للضماير مقره
الحزن زاد وصار حظ الدواوين
............ على هموم سابقة مستقرة
تكفخ جناحينه سواة الشياهين
.............. عجل (ن) على العاشق كفى الله شره
اقبلت ياحزني من يسار ويمين
.............. واقبلت حب العام الاول تجره
تنشد وتطعني لك شهور وسنين
................. ما طاب مني خاطرك بالمضرة
لا تنشد العاشق ترى حاله يبين
................... لو كان همه في خفوقه يصره
لا تنشده باقي من العمر يومين
.................. خله على اللي جاه جعلك تسره
ياللي سواة العين واغلى من العين
.................. ياللي حروفك بالحشى مستقرة
ياللي غلاك مرجح للموازين
.................... لك وسط روحي شعلة مستمرة
كفتك ترجح عندنا بالملايين
..................... البال لاجلك بين كرة وفرة
يا عين وش باقي من العمر ترجين
..................... دنياك ياعيني جروح ومضرة
دنياك تضحك بك وتنوي على البين
...................... واذا نويت ارتاح قامت تشره
على دروب الحزن ياعين ماشين
.....................لنا بكل دروبها الفين جره
سرداد مع مرداد والا مقيمين
................... بارض الهموم الواسعة كل مرة
ياوردتي يا اجمل ورود البساتين
.................... يالجوهرة درة على شكل درة
ياعطر روحي يا عبير الرياحين
...................... يالهفة عيوني وللعين قره
عندي على عشقك علوم ومضامين
........................ واونس بقلبي لك من الوجد حره
بعدك كسرني ليتك الحين توحين
........................ ولا يجبر المكسور طيف يمره
وسلامتكم
اخوكم / الرويـــــــــــــــل
بدون مقدمات محاولة بسيطة لكتابة قصيدة والمحاولة من القلب الى الكي بورد مباشرة .
هذه المحاولة تعبر عن نفسها .
سر ياقلم واكتب كلام بتثمين
............ قاف شبيه النور نور المجرة
قاف عليه من الليالي براهين
............ جاك يتهادى للضماير مقره
الحزن زاد وصار حظ الدواوين
............ على هموم سابقة مستقرة
تكفخ جناحينه سواة الشياهين
.............. عجل (ن) على العاشق كفى الله شره
اقبلت ياحزني من يسار ويمين
.............. واقبلت حب العام الاول تجره
تنشد وتطعني لك شهور وسنين
................. ما طاب مني خاطرك بالمضرة
لا تنشد العاشق ترى حاله يبين
................... لو كان همه في خفوقه يصره
لا تنشده باقي من العمر يومين
.................. خله على اللي جاه جعلك تسره
ياللي سواة العين واغلى من العين
.................. ياللي حروفك بالحشى مستقرة
ياللي غلاك مرجح للموازين
.................... لك وسط روحي شعلة مستمرة
كفتك ترجح عندنا بالملايين
..................... البال لاجلك بين كرة وفرة
يا عين وش باقي من العمر ترجين
..................... دنياك ياعيني جروح ومضرة
دنياك تضحك بك وتنوي على البين
...................... واذا نويت ارتاح قامت تشره
على دروب الحزن ياعين ماشين
.....................لنا بكل دروبها الفين جره
سرداد مع مرداد والا مقيمين
................... بارض الهموم الواسعة كل مرة
ياوردتي يا اجمل ورود البساتين
.................... يالجوهرة درة على شكل درة
ياعطر روحي يا عبير الرياحين
...................... يالهفة عيوني وللعين قره
عندي على عشقك علوم ومضامين
........................ واونس بقلبي لك من الوجد حره
بعدك كسرني ليتك الحين توحين
........................ ولا يجبر المكسور طيف يمره
وسلامتكم
اخوكم / الرويـــــــــــــــل