ذايع الصيت
08-26-2008, 06:03 AM
الى جميع منتسبي وزوار منتدانا الغالين نعود اليكم بعد غيبه
واهنئكم بقدوم شهر الرحمة وكل عام والجميع بخير
يالله يا منزل تبارك والانفال=ياللي لك المخلوق بدى سؤاله
يالله دخيلك من سواليف الانذال=اللي لهم في كل مجلس مقاله
ما عندهم ياكود ترديد الاقوال=هذا حكا بهذا وهذا حكاله
قشرى سجاياهم وخبثين الاعمال=حثالةٍ تجمعت مع حثاله
باوصافهم والله مضرب للامثال=وشلون اوصفهم على كل حاله
ان قلت جهالٍ فلاني بعيال=وان قلت عاله هم والله عاله
ما يفهمون حقوق عمٍ ولا خال=ولا قدروا حتى حقوق الزماله
منهم قنعت وخيبوا كل الامال=جهالةٍ يا ويها من جهاله
ومالي مع الجهال بيتٍ ومنزال=امشي مع اهل الطيب واهل الشكاله
ولى زمانٍ به صناديد وابطال=وجانا زمان العولمه والحياله
هذا زمان جنيه وجنون وريال=وكلٍ على فاله يجمّع رياله
ورجلٍ بليا مال ماهوب رجال=تقلبت حتى معان الرجاله
دنيا على المعكوس تمشي على حال=حالٍ على الله قدرته واحتماله
وعندي على جور الزمن عزم لامال=وهبه من المعبود جلّ جلاله
احط له قيدٍ واسوي له عقال=واثني له الركبه واثنّي عقاله
واما حياةٍ تطرب الروح والبال=والا الممات ولا حياة الرذاله
وختامها صلوا على طيب الفال=نبينا اللي قام بختم الرساله
واهنئكم بقدوم شهر الرحمة وكل عام والجميع بخير
يالله يا منزل تبارك والانفال=ياللي لك المخلوق بدى سؤاله
يالله دخيلك من سواليف الانذال=اللي لهم في كل مجلس مقاله
ما عندهم ياكود ترديد الاقوال=هذا حكا بهذا وهذا حكاله
قشرى سجاياهم وخبثين الاعمال=حثالةٍ تجمعت مع حثاله
باوصافهم والله مضرب للامثال=وشلون اوصفهم على كل حاله
ان قلت جهالٍ فلاني بعيال=وان قلت عاله هم والله عاله
ما يفهمون حقوق عمٍ ولا خال=ولا قدروا حتى حقوق الزماله
منهم قنعت وخيبوا كل الامال=جهالةٍ يا ويها من جهاله
ومالي مع الجهال بيتٍ ومنزال=امشي مع اهل الطيب واهل الشكاله
ولى زمانٍ به صناديد وابطال=وجانا زمان العولمه والحياله
هذا زمان جنيه وجنون وريال=وكلٍ على فاله يجمّع رياله
ورجلٍ بليا مال ماهوب رجال=تقلبت حتى معان الرجاله
دنيا على المعكوس تمشي على حال=حالٍ على الله قدرته واحتماله
وعندي على جور الزمن عزم لامال=وهبه من المعبود جلّ جلاله
احط له قيدٍ واسوي له عقال=واثني له الركبه واثنّي عقاله
واما حياةٍ تطرب الروح والبال=والا الممات ولا حياة الرذاله
وختامها صلوا على طيب الفال=نبينا اللي قام بختم الرساله