العفار يبكي عبيد....

[سمي عمهوج]

ياونتـي ونّـة كسيـر الجـبـاره\\اليا وقف مااحتـال واليـا قعـد ونّ
عليـك ياشبّـاب ضـوّ المـنـاره\\عليـك ترفـات الصبايـا ينوحـن
من مات عقـب عبيـد قلنـا وداره\\لاباكـيٍ عقبـه ولا قايـلٍ مــن
تبكيـه صفـراّ البسوهـا الغيـاره\\وتبكيـه يـوم انّ السبايـا يعنـن
وتبكيـه وضـحٍ ربعّـت بالزبـاره\\اليـا قـزن مـن خايـعٍ مايـردّن
الخيل عقـب عبيـد مابـه نمـاره\\وشعاد لوّ راحن ووشعاد لـوّ جـنّ
ياشيـخ ماتامـر عليهـم بـغـاره\\كود الجروح اللي على القلب يبـرن
يقطـع صبـيٍ ماينـادي بـثـاره\\الى اقبلـن ذولـي وذوليـك قفّـن
ياهل الرمك كـلٍ يعسـف امهـاره\\والمنع مانطريـه لاهـم ولا حـن


ضيف الله العفار بن تركي بن حميد

[zoom zoom]

تسلم يمينك ياسمي عمهوج


هذه الابيات قالها ضيف الله في اخوه عبيد الذي قتل في معركة مع قبيلة قحطان
والاكن اخذوا بثأره من ذيب ابن شالح ابن هدلان
رحم الله موتانا وموتا المسلمين اجمعين

[العضياني]

رحم الله شيوخنا الكرام

وتعقيب على ماورد من الاخ زوم زوم

ذيب قتل فيما بعد ,,

اما الثأر فكان 13 غزوة على قبيلة قحطان وقتل في جميعها امراء من قحطان

وكانت بقيادة الامير الاسطوري / محمد ابن هندي ابن حميد

وكانت جميع الغزوات في عقر دار قبيلة قحطان في منطقة حصاة قحطان .

اما ذيب فقتل بعد انتهاء الثار بسنوات طويله قتل في ديار عتيبه

وشكرا

[سمي عمهوج]

تسلم يمينك ياسمي عمهوج


هذه الابيات قالها ضيف الله في اخوه عبيد الذي قتل في معركة مع قبيلة قحطان
والاكن اخذوا بثأره من ذيب ابن شالح ابن هدلان
رحم الله موتانا وموتا المسلمين اجمعين

أخي زووم

معلوماتكـ متشابكه

متداخله

عبيد بن تركي أخذ ثأراً في الفديع بن هدلان شيخ قحطان وهو أخ شقيق لشالح

يقول شالح رداً على العفار

ضيف الله اشرب ما شربنا مرارهْ .... اصبر وكنّك شالــحٍ يوم حَزّنْ
راح الفديع اللي علينا خســـاره .... واخذ قضاه عبيد حامي ثقلهنْ
يمنى رَمَتْ به ما تجيها الجباره .... اللي رمت بعبيد في معتلجهنْ
من نسل ابوي وضاري للشطاره .... يصيب رمحه يوم الارماح يخطِن
وعبيد خِللّي طايحٍ بالمغـــاره .... عليه عكفان المخالب يحومن
وعادتنا بالصيد ناخذ خياره .... ثلاثة الجذعان غصبن بلا مَنّ
يا قاطع الحسنى ترى العلم شاره .... لابد دورات الليالي يدورنْ
حريبِنا كنّه رقيد الخـــباره .... خطرٍ عليه اليا توقظ من الجن
ماني بقصادٍ بليا نمــــارَه .... أجدع نطيحي بالسهل وإن تلاقن
من حل دار الناس حلوا دياره .... لابدّ ما تســكن دياره ويغبَنْ
ومن شق ستر الناس شقوا ستاره .... ومن ضحك بالثرمان يضحك بلا سنْ
وان كان ضيف الله يعسف مهاره .... فمهارنا من عصر نوح يطيعــن
تِدنَا لِصِبيانٍ ســُواةِ النمــاره .... شهبٍ لماضين الفَعَايل يـعَـنّنْ



ـــــــــــــــــــــــ ـــــــــــــــــ ــــــــــــــــــ ـــــــــــــــــ


وقد رثى شالح أخيه الفديع بقصيدهـ قبلها يقول:

امس الضحى عديت روس الطويلات & وهيضت في راس الحجا ماطرالي

وجريت من خافي المعاليق ونّات & والقلب من بين الصناديق جالي

واخوي ياللي يم قارة ( خفا ) فات & من عاد من عقبه بيستر خمالي

ليته كفاني سوّ بقعا ولا مات & وانا كفيته سوّ قبرٍ هيالي

وليته مع الحيين راع الجمالات & وانا فدا له من غبون الليالي

واخوي يومن بعض الأخوان فلاّت & من خلقته ماقال ذا لك وذالي

تبكيه هجنٍ تالي الليل عجلات & ترقب وعدها يوم غاب الهلالي

وتبكي على شوفه بنيٍ عفيفات & ومن عقب فقده حرمّن الدلالي

عوق العديم ان جاء نهار المثارات & والخيل من حسّه يجيهن أجفالي


ــــــــــــــــــــــ ــــــــــــــــــــــ ـــــــــــــــــــ ــــــــــــــ

وأما ذيب فقد قتله عاضة بن بقشان المقاطي وهو ذاهب للحيافه هو وصحبة له في ديار عتيبه:
وقصته:
في ذات ليله : كان الأب الشيخ شالح بن هدلان ساهراً مع إبنه الفارس ذيب ، وكان والده يداعبه ويلقي عليه بعض الأشعار فأنشده هذه الأبيات :
يا ذيب أنا يابوك حالي تردّى ... وأنا عليك من المواجيب يا ذيب
تكسب لي إللي لاقِحٍ عِقب عدّا ... طويله النسنوس حرشا عراقيب
تجر ذيلٍ مثل حبل المعــــــــدا ... وتبري لحيران ٍ صغار ٍ حباحيب
وأشري لك إللي ركضها ما تقدا ... ماحدٍ لقى فيها عيوب وعذاريب
قبا على خيل المعادي تحــدى ... مثل الفهد توثب عليهم تواثــــيب
أنا أشهد أنك باللوازم تِســدا ... لو حال من دونه عيال ٍ معاطيب
ليث ٍ على درب المراجل مقـدّى ... ما فيك يا ذيب السبايا عذاريب

فذهب ذيب للصيد هو ومن معه وحين أترب من وداي قريب من ديار عتيبه أذ عاضه المقاطي قانص بفرسه وبندقيته وحين رأه ترصد لأوسطهم ورماهـ و أرداهـ قتيلاً

وقد قال شالح أشعاراً كثيرة بعد وفاة ابنه ، وأول ما قال هذة القصيدة :

يا ربعنا ياللي على الفطّر الشيب ... عز الله أنه ضاع منكم وداعه
رحتوا على الطوعات مثل العياسيب ... جيتوا وخليتوا لقلبي بضاعه
خليتوا النادر بدار الأجانيب ... وضاقت بي الآفاق عقب إتساعه
تكدرن لي صافيات المشاريب ... وبالعون شفت الذل عقب الشجاعه
يا ذيب أنا بوصيك لا تاكل الذيب ... كم ليلةٍ عشـّـاك عقب المجاعه
كم ليلةٍ عشـّـاك حِرش العراقيب ... وكم شيخ قوم ٍ كزته لك ذراعه
كفه بعدوانه شنيع المضاريب ... ويسقي عدوه بالوغى سِم ساعه
ويضحك ليا صَكّت عليه المغاليب ... ويلكد على جمع العدو باندفاعه
وبيته لجيرانه يشيّـد على الطيب ... و للضيف يبني في طويل الرفاعه
جرحي عطيب ولا بقى لي مقاضيب ... وأفخت حبل الوصل عقب إنقطاعه
كني بعد فقده بحامي اللواهيب ... وكني غريب الدار مالي جماعه
من عقب ذيب الخيل عِرج ٍ مهاليب ... ياهل الرمك ما عاد فيهن طماعه
قالوا تطيب وقلت : وش لون أبا طيب ... وطلبت من عند الكريم الشفاعه
***
ثم أردفها بقصيدة على نفس البحر والقافيه وقال :

ذيبٍ عوى وأنا على صوته أجيب ... ومن ونتي جضت ضواري سباعه
عز الله إني جاهل ٍ ما أعلم الغيب ... والغيب يعلم به حفيظ الوداعه
يالله يا رزّاق عِكف المخاليب ... يا محصي خلقه ببحره وقاعه
تفرج لمن صابه جروح ٍ معاطيب ... وقلبه من اللوعات غادٍ ولاعه
إن ضاق صدري لذت فوق المصاليب ... مانيب من يشمت فعايل ذراعه
صار السبب مني على منقع الطيب ... ونجمي طِمَن بالقاع عقب إرتفاعه
يا طول ما هجيتهن معْ لواهيب ... ولاني برادي كسرها من ضلاعه
ويا طول ما نوختها تصرخ النيب ... وزن البيوت إللي كبار ٍ رباعه
وأضوي عليهم كنهم لي معازيب ... إليا رمى زين الوسايد قناعه
أضوي عليهم واتخطى الأطاتيب ... وآخذ مهاويه الجمل باندفاعه
أبا أنذر إللي من ربوعي يبا الطيب ... لا ياخذ إلاّ من بيوت الشجاعه
يجي ولدها مذرب كنـّـه الذيب ... عِز لِبُوه وكل ما قال طاعه
وبنت الردي ياتي ولدها كما الهيب ... غبنٍ لبُوه وفاشله بالجماعه
يا كبر زوله عند بيت المعازيب ... متحرّي ٍ متى يقدّم متاعه
.
.
هذا والله أعلم


ولكـ تحياتي على المرور..

[سمي عمهوج]

رحم الله شيوخنا الكرام

وتعقيب على ماورد من الاخ زوم زوم

ذيب قتل فيما بعد ,,

اما الثأر فكان 13 غزوة على قبيلة قحطان وقتل في جميعها امراء من قحطان

وكانت بقيادة الامير الاسطوري / محمد ابن هندي ابن حميد

وكانت جميع الغزوات في عقر دار قبيلة قحطان في منطقة حصاة قحطان .

اما ذيب فقتل بعد انتهاء الثار بسنوات طويله قتل في ديار عتيبه

وشكرا

حياكـ الله يالغالي

وشكراً لكـ على التوضيح

وأنا بينت القصه كامله للأخ زووم

رحيم الله أمراءنا فقد أرسوا لنا رواسي نجد حتى صفا جاله لنا

رحمهم الله فقد أبلوا بلاء حسن في ساحات الوغى حتى ملكوا هذهـ الديار بعد أن أرووها بدماء أهلها

وثأر أبا الروس عبيد كان كثير من أمراء قحطان تجدهم على الرابط




ياهل الرمك كلن يعسف مهارهـ \\ والمنع مانطريه لاهم وحن
http://www.otaibah.net/m/showthread.php?t=38247&highlight=%DE%CA%E1%E6%C7+%D3%C7%CD%C7%CA+%C7%E1%E 6%DB%EC

[غناتي]

http://www.s-banat.com/vb/images/smilies/36_1_4.gif

http://www.s-banat.com/vb/images/smilies/36_1_4.gif

http://www.s-banat.com/vb/images/smilies/36_1_4.gif

قصيــده خطيـــــــــره اعجبتني كثير..


الف شكر اخوي سمي وماقصــرت..

[سمي عمهوج]

غناتي حياكـ الله

[الرويل]

الله يرحمهم ويرحم اموات المسلمين .

شيوخ وامراء سطروا التاريخ بالنور .

ولكن تعقيب بسيط ان قاتل عبيد بن تركي بن حميد هو من ابناء عم شالح بن هدلان ولم يكن الفديع او ذيب بل رجل يسمى مبارك الخنفري من الخنافر جماعة شالح بن هدلان .

لك كل الاعجاب والتقدير على اختيار كل ماهو مفيد ورائع .

[سمي عمهوج]

الله يرحمهم ويرحم اموات المسلمين .

شيوخ وامراء سطروا التاريخ بالنور .

ولكن تعقيب بسيط ان قاتل عبيد بن تركي بن حميد هو من ابناء عم شالح بن هدلان ولم يكن الفديع او ذيب بل رجل يسمى مبارك الخنفري من الخنافر جماعة شالح بن هدلان .

لك كل الاعجاب والتقدير على اختيار كل ماهو مفيد ورائع .


الرويل

حياكـ الله

ياخوي علامكـ دوختني

عبيد ذباح الفديع

وذيب ما حتى أنولد يوم مات عبيد

وكلامكـ سليم في الخنفري

لا هنت

[الرويل]

سمي عمهوج مرحبا بك في مملكة الانسانية


بانشب لك الين ما تطق لك حبتين بندول .

جالس بهالموضوع جالس .

انا ما قلت عن ذيب انه قاتل عبيد ولم انفي قتل عبيد بن تركي للفديع بن هدلان اذن نحن متفقان .

بس بارجع للموضوع ادور فيه نقطة اختلاف وبانشب لك .

لكن اللي انا اتفق مع الاعضاء عليه انك مبدع وداعم رئيسي للمنتدى وصاحب قلم رائع .
ولكن هالشي ما يمنع اني انشب لك ههههههههههههههه

تقبل اعجابي للمرة المليون .

[سمي عمهوج]

سمي عمهوج مرحبا بك في مملكة الانسانية


بانشب لك الين ما تطق لك حبتين بندول .

جالس بهالموضوع جالس .

انا ما قلت عن ذيب انه قاتل عبيد ولم انفي قتل عبيد بن تركي للفديع بن هدلان اذن نحن متفقان .

بس بارجع للموضوع ادور فيه نقطة اختلاف وبانشب لك .

لكن اللي انا اتفق مع الاعضاء عليه انك مبدع وداعم رئيسي للمنتدى وصاحب قلم رائع .
ولكن هالشي ما يمنع اني انشب لك ههههههههههههههه

تقبل اعجابي للمرة المليون .

تسلملي يالغالي

إطرائكـ شهادهـ أعتز فيها

ومن ناحية نشبتكـ أنشب بيديكـ ورجليكـ

هههههههههههههه

أنا واثق جداً من معلوماتي بأذن الله

[الرويل]

بيض الله وجهك وانا اخوك وفيت وكفيت .