بعض العرب ما ينعطي وجـه بالحيـل]

[بنت الرجال]

بعض العرب ما ينعطي وجـه بالحيـل "
" وليا عطيته وجـه صـار لـك علـة

وبعض العرب ماله سنع لكنـه حليـل "
" بالضبـط كانـك لا تمعـنـت ظـلـه

وبعض العرب شقرا و شقرا مع الخيـل "
" ما ينفعـك لـولا الرمـوش المظلـه

و بعض العرب لا يعجبك ثرثـرة ليـل "
" و باكـر تـرى مـا قالـك شــي لله

وبعض العرب مرسال مادري مريسيـل "
" يسايـر العالـم و هـو حاصـل لـه

وبعض العرب يصلخ و ينفخ و هو خبيل "
" و في زعمه انه يفهـم الكـون كلـه

وبعض العرب ما غير بنـدق و دربيـل "
" و منين مـا هـب الهـوا جايـز لـه

وبعض العرب يطلع كما طلعة سهيـل "
" و يغيـب نجمـه قبـل دربـه تـدلـه

وبعض العرب يوذيـك بالقـال والقيـل "
" تجلس معـه ساعـة ولاخـرى تملـه

نذل و خسيس يفصل الهـرج تفصيـل "
" و ليـا لقـا لـه طـيـب يستغـلـه

وبعض العرب منظر و كشخة وتحليـل "
" شبح بحـال و حالـه اخـرى كورلـه

لا شفت زوله مـن خيـار الرجاجيـل "
" و ليـا عرفتـه مـا تجيـه بمحـلـه

و بعض العرب ماضيه ليل علـى ليـل "
" قـد بصـمـوه وصــوروه الادلــه

وبعـض العـرب لا والله الا تهـاويـل "
" مهمـا عقـدت الحبـل لازم يحـلـه

قـد دربـوه و لكـعـوه الرجاجـيـل "
" من قبل لا يصير الحـدث جاهـز لـه

وكانك شجاع صحيح حـارب اسرائيـل "
" قبـل اليهـود الـقـدس لا تستحـلـه

وكلـش يهـون الا الثـلاث الغرابيـل "
" المهـزلـة والمسكـنـه والمـذلـه


وسلامتكم

[ابن مجـهل]

وانتي سالمه

لاهنتي على هالنقل الرااائع

[قوت القلوب]

تسلمين
على النقل الرائع
تحياااتي

[نجم المتيهي]

نقل موفق

صح لسان الشاعر

وسلمت يمين الناقل

[بنت الرجال]

أبن مجهل

قوت القلوب

نجم المتيهي ..


حياكم الله جميعاً

والله يعطيكم العافيه على هالمرور ..

[صٍْآلحٍّ آلعًٍضًٍيَآنْيَ]

و بعض العرب ماضيه ليل علـى ليـل "" قـد بصـمـوه وصــوروه الادلــه

انا اشهد


صح لسان قايلهاا ولا هانت ناقلتهاا وبيض الله وجهك


كم انا سعيد بهذه الابيات الجميله ولا بعد من عضوو جديد . .

احم احم << يعني لا تقصرين من باقي مواضيعك . . اتحفينا




تحياتي