الطرقي
10-17-2008, 02:06 PM
آه من فرقى الحبيب اللي يحش القلب حشَا = يوم قفى لجله عيوني تهل الدمع هلي
إبتعد والدمع رش الخد من فرقاه رشَا = سار في صوب ٍ ومثله سرت صوب ٍ ماحصلي
قلت أروح بشام عل القلب ينسى مايخشَا = لكن الحب إمتمكن وسط قلبي واقفلي
وعذابي من عيون ٍ فوقها رمشه يطشَا = كل ما سلهم بنون العين قلت الموت باللي
لو تبسم عن ثمان ٍ كنها مزن ٍ تنشَا = يروي الضميان معسول الثمان المستهلي
وسيف لحيه به علامت خال صعبه ماتمشَا = منه قلب المهتوي كنه على النيره يملي
وإن نظرت الخصر ضامر ماتغدَى ما تعشَا = ناحل ٍ خصره ويشكي من نهود ٍ له تطلي
وإن بغيت أعد زين إم الدلع فيه أتمشَا = قلت من هامة جبينه لإقدمه زين ٍ بخلي
واوجودي وجد رجل ٍ من جروحه إيتغشَا = إكسروه القوم ربعه بين هون وبين ذلي
وإتركوه إعيال عمه من زعل راسه يششَا = صاح في ربعه وربعه هاربين ٍ عنه خلي
من ضحى طايح كسير العضم ينزف ماتلشَا = لين جاء وقت الغروب وطاف وقت ٍ مضمحلي
وإبتدى سقم الجروح ودمه إمن الجرح بشَا = وعقب وافته المنيه من نضر له ناضرلي
كل هذا لجل من هو ناعم الملمس وهشَا = الحبيب اللي يشوق القلب شوفه هو دولي
وبالختام أسمع كلامي من ضميري لاتغشَا = يامنقض فالجدايل تحت ردفك سمك ملي
إبتعد والدمع رش الخد من فرقاه رشَا = سار في صوب ٍ ومثله سرت صوب ٍ ماحصلي
قلت أروح بشام عل القلب ينسى مايخشَا = لكن الحب إمتمكن وسط قلبي واقفلي
وعذابي من عيون ٍ فوقها رمشه يطشَا = كل ما سلهم بنون العين قلت الموت باللي
لو تبسم عن ثمان ٍ كنها مزن ٍ تنشَا = يروي الضميان معسول الثمان المستهلي
وسيف لحيه به علامت خال صعبه ماتمشَا = منه قلب المهتوي كنه على النيره يملي
وإن نظرت الخصر ضامر ماتغدَى ما تعشَا = ناحل ٍ خصره ويشكي من نهود ٍ له تطلي
وإن بغيت أعد زين إم الدلع فيه أتمشَا = قلت من هامة جبينه لإقدمه زين ٍ بخلي
واوجودي وجد رجل ٍ من جروحه إيتغشَا = إكسروه القوم ربعه بين هون وبين ذلي
وإتركوه إعيال عمه من زعل راسه يششَا = صاح في ربعه وربعه هاربين ٍ عنه خلي
من ضحى طايح كسير العضم ينزف ماتلشَا = لين جاء وقت الغروب وطاف وقت ٍ مضمحلي
وإبتدى سقم الجروح ودمه إمن الجرح بشَا = وعقب وافته المنيه من نضر له ناضرلي
كل هذا لجل من هو ناعم الملمس وهشَا = الحبيب اللي يشوق القلب شوفه هو دولي
وبالختام أسمع كلامي من ضميري لاتغشَا = يامنقض فالجدايل تحت ردفك سمك ملي