اقلط يا شاعر زمانه ...

[شاعر بلا مشاعر]

تعال يا شاعر زمانه كان = عندك خبر فالنّار والجنّه
اليا نغزك مع الوهس شيطان = لا عاد تقرع كنّك الشنّه

[ولد الشيوخ]

صح لسانك ياشاعر

ننتظر شاعر زمانه وصح لسانه مقدما

[نجم المتيهي]

ههههه

صح لسانك ياشاعر و بيض الله وجهكـ و ننتظر شاعر زمانه

الصفوف عندي انا و ولد الشيوخ

[شاعر بلا مشاعر]

صح بدنك يا ولد الشيوخ ...



شرّفتنا بـ تواجدكـ .,


عشتــ .

[شاعر بلا مشاعر]

صح بدنكـ يا نجمـ ووجهك أبيض لا عدمتكـ ..


أسعدتني بـ حضوركـ

[شاعر زمانه]

اسمع::



ياصاحبي بسم الله الرحمان=خلك على المنهاج والسنه
وان كنت صاحي منته بسكران=حطيت لك من هيله وبنه

[شاعر زمانه]

ولد الشيوخ

نجم

صحت ألسنكم

[شاعر بلا مشاعر]

خابرك يا شاعر فصيح لسان = ترى النصيحه ما بها منّه
ياللّي تبرقع طير ابن برمان = ما يستوي ظنّي على ظنّه

[شاعر زمانه]

حنا نراعي خاطرك لو شان=وأنته حصانك يمنا تعنه
أنا بلشت بمصر والسودان=الناس تال الوقت منجنه

[الأغـر]

شاعر زمانه شاعر بلا مشاعر

صحت الألسنة والقلوب

لا هنتوا ...

[شاعر بلا مشاعر]

قدّام وجهك عسكر الدّخان = واخاف تلحق دمعتك ونّه
صلف الهوا يكسر عويد البان = ولكلّ شاعر يا ولد فنّه

[شاعر زمانه]

صح بدنك ابو طلال

والله لا يهينك تشرفنا بوجودك

[شاعر بلا مشاعر]

صح بدنكـ يا الأغر ..


لا هنت ..


شرّفتنا بـ تواجدك ..

[شاعر زمانه]

يا وليد خالي ماني ابلشان=ذراك أنا فالبرد والكنه
وده يطير ولا معك جنحان =مسكين ألا يالقرد ابو زنه

[شاعر بلا مشاعر]

يا وليد خالي ماني ابلشان=ذراك أنا فالبرد والكنه
وده يطير ولا معك جنحان =مسكين ألا يالقرد ابو زنه




عند العرب ترى اللّسان حصان = ولا كلّ عدّ الهيم يردنّه
سبحان رب ٍ شرّف الانسان = واللّي وصفته كنّك وكنّه

[شاعر زمانه]

انجازي الاحسان بالاحسان=عينه بعين وسنه بسنه
تشره وغيرك من زمن شرهان=خفف على الماطور اله حنه

[شاعر بلا مشاعر]

ما يستوي قول ٍ بلا برهان = واللّي بلا الايّام يا طنّه
جتك الرّساله واحفظ العنوان = قدّام نبني حولك العنّه





ونهايتها عندك يالقرم لا هنت مبدع

[شاعر زمانه]

اتبين الايام للغلطان=العب على موالك وغنه
وليا طلعت عن الطريق أحيان=سود الليالي كيف يمحنه


صح لسانك وشرفني اللعب معك
لاهنت على كل حال وتصبح على خير