الحظيظ أنت

[مـ ح ـمـد .!]

المـثـل حــده الأدنـــى بـعــوض
قــول رب لـمــا أنـــزل حـفـيـظ

لـه سجـود النوافـل والـفـروض
وله دموعي من الخشية تفيض

احتمـى القيـظ والميـراد حـوض
والظوامـي تهيـض وتستهيـض

مايـبـل الـظـمـا بـــرق يـنــوض
ولايسـد الرمـق ريـح النجـيـض

والخطـا سـر والسـر امـعـروض
والـعـذر حــق والسفـهـه تغـيـظ

وانت ياللـي لـك السـر امحفـوظ
عـاذرك مثـل عـذري للمـريـض

لا لعـب فيـك تسـديـد الـقـروض
ولا لعب بك من الشرد غضيض

يلـعـب الـحـظ والدنـيـا حـظــوظ
والحظيـظ انـت مانيـب الحظـيـظ

انت ترعـى الربيـع بكـل روض
والا انـا مـن شتـاي إلــ عـز قـيـظ

يقصر الهرج عن ظلم العروض
ويشهـد الله وجيـه القـوم بيـض

والنهايـه ونــور الـبـدر يــوض
ودي أقــــول بـلـســان غـلـيــظ

(فــ الكسيرهـ ترى الرده تعوض
قلتـهـا كــاش بالـخـط العـريـض

ضيدان بن قضعان:)

[زلزال]

صح لسان الشاعر
وسلم يد ناقلها

[zoom zoom]

مشكور مزاجي على النقل

واختيار موفق لشاعر ضيدان بن قضعان

[ابن مجـهل]

الف شكر يامزاجي
على النقل

لاعدمناك

[سمي عمهوج]

مايـبـل الـظـمـا بـــرق يـنــوض
ولايسـد الرمـق ريـح النجـيـض

وتلوموني في ضيدان

صح لسانه ولسانكـ يامزاجي ولاهنت

[مـ ح ـمـد .!]

زلزال ،، زوم ،، أبن مجهل،، سمي عمهوج


منورين يابعدي

[غناتي]

توي ادري ان ضيدان بن قضعــان قصايده خياليه

من اسمه كرهت قصايده

ومشكوور اخوي مزاجي لاعدمنا الذوق..

[سلطاان]

صح لسانك ولسان الشاعر

[الرويل]

صح لسانه وتسلم يمينك .

قصيدة جميلة جدا يعطيك العافية على نقلها .

[مـ ح ـمـد .!]

غناتي ،، سلطان ،، الرويل ،،

لاهنتم على المرور