والله والعتيبيه سكته بالرد ...!!

[غناتي]

السلام عليكم ورحمة الله وبركاته


اخواني واخواتي هذه قصيده كتبها احد الخليجيين بعد قدومه من المغرب
دعونا نرى ماذا قال ولماذا غضبوا الخليجيات





ياللي تنشد عن علوم الذي طاف...كل البحور وكل دوله وديره
خذ من علومي علم اوصافه اوصاف...جزل سمين يشتعل له سعيده
الزين عقب المغربيات ينعاف...غيد لهن بالزين ذكره و سيره
فيهن حلا طاغي ولين و تعطاف...وفيهن حنان يشعل القلب غيره
حلوات وصف وفاهمات بالاعراف... زيننات منطق صافيات السريره
بنات قوم طيبهم غصب ينشاف...اولاد مغرب بالليل العسيره
ياللي تنشد عن علومي بالانصاف...هرجي يكفي صامله عن كثيره
الزين في لميا وتغريد و الطاف... ماهوب في حصه و كشره و منيره


تعالوا خلونا نشوف رد العتيبيه عليه:.

قال الذي في بدع الامثال صراف...جزل يفرق بين درهم وليره
ياللي مدحت المغربيات بجحاف...الله يجيرك من عماه البصيره
لو تعجبك لميا وتغريد والطاف...مايصلحن لهل الوجيه السفيره
مفصخات و لبسهم حول الارداف...وبليس اغواهم بكشف الستيره
متعودات كلهم زيف وخفاف...على التغنج والتعطف وغيره
كل يوم مع صاحب و لافيهم اعفاف...خويهم اللي فلوسه كثيره
ترى البضايع عده اشكال و اصناف...وكل ينوخ وسط سوقه بعيره
عز الله ان الطيب في بنت الاشراف...اللي على الحشمه تربت صغيره
ولا تبين منها كود الاطراف...مثل القماشه فالبحور الغزيره
ياللي تدور بالجواهر و الاصداف...الزين كله في بنات الجزيره

الشاعره حصه بنت سعد العتيبي


(((( من وجهة نظري الزين كله في بنات الجزيره ))))

[ابن مجـهل]

والله ماله حيله بالمغرب وانا معه 100%>>>>>>>> اخذوا العلم


اما الشاعره حصه ابياتها قويه ومهي هينه ابد ...

وغناتي ماقصرتي بموافاتنا بكل ماهو جديد ..

[غناتي]

والله ماله حيله بالمغرب وانا معه 100%>>>>>>>> اخذوا العلم

لا والله واااااع منهم ..
<< انقهرت

الله يعافيك اخوي

ومع غناتي ابشرو بكل ماهو جديد<<دعايه

[!! العآتي !!]

ردهااا قووي


تسلمين غناتي ويعطيكـ العافيه ..

[عزتي في شموخي]

ماهقيت المغربيات احلى من الخليجيات ..

تسلمين غنوة ع النقل الرائع .


0
0
0

[قلب أبوها]

صح لســان حصـــة وإذا على الجمال فهو في كل مكـــان لكن مايكمل جمال السعودية هو حجابـــــها

شكرا غناتي على الموضوع

[غناتي]

العاتي

مشكوره اختي على المرور..

عزتي في شموخي

الله يعافيك ..

قلب ابوها

وانتي صادقه خيتوو ..

[الرويل]

بيض الله وجهها ووجهك .

وان جيتوا للجد والله يالاجنبية ان الواحد يطالع فيها كأنه يطالع في جدار حتى وان حصل جمال فهو جمال باهت مثل الحلاوة اللي منتهي تاريخها .

الزين مرباه بديار السعودية ................لا جتك بنت الرجال اللي على الشيمة

هدية من اله الخلق مهدية .................... تسوى جميع البنات ويالها قيمة

لو ان يبغى لها تشفيرة شويه .............. وتصير بدر تعلى تحته الغيمة

الزين بالسعوديات وانا اخوتس واخذي العلم عني 100 %

اشوف الشباب غير ابن مجهل ما ردوا وش السالفة هههههههههههههههه .

هذا ردي دون مجاملات عاد لو قال غير المغربيات يمكن نمشيها له ويمكن تمشيها حصه بعد .

تقبلوا رأيي بصدر رحب .


اخوكم / الرويـــــــــــــل

[ابن مجـهل]

الرويل


اسمحلي هل قد سافرت للمغرب ؟؟ بصراااااااحه

[الرويل]

اي والله وانا اخوك جيتها مرتين واخر مرة عام 1421 هـ .

ثم غيرت الوجهة صرت اوجه لديار عنها يمين خل المغرب وتونس على يسارك وانت وجهة غرب شمال ثم واصل لين ينفهق عنك البحر وتلقى هناك زين وملح ولو انه زين من حظ اهله مالنا فيه نصيب هههههههههه ومصيري اواجهك وانا اخوك وان كان فيك شده عقب الحج ابرك ساعة نروح للمغرب ثم نروح للديرة اللي اعنيها ثم نرجع وبعد اسبوع من رجعتنا نقول وين الزين بعدين والله يابن مجهل حتى زينهن ياخي ماله طعم .
وكل واحد له راي ممكن انا تعجبني سيارة انت تكرهها لكن لو بنخليه مزاين ولجنة تحكيم مثل مزاين الابل بتبين الامور اكثر .
الله يكرم بنياتنا عن العرض والمزاين ويكرم المسلمات .

[ابن مجـهل]

الديره اللي تقولها مافيها كلام عز الله الديره اللي مهي لعب ..

وانت صادق وانا اخوك كل واحد وله ذووق ...


وبعد الحج مافيه اجازه ولا قدام ...خلها بالصيف وتلقاني عند الصرح ولا الطيار هههههههههههه حاجز ..

نتشرف بخوتك يالذيب

[غناتي]

اخوي الرويل

ابن مجهل اشكركم على المرور الطيب..

[مـ ح ـمـد .!]

زينة المرآهـ في حشمتها وتكفي الخليجيات عامهـ والسعوديات خاصهـ ،،

العوافي خيتوا

[غناتي]

مزاجي


الله يعافيك اخوي

[داعية عضياني]

ابن مجهل ... هذي الثالثة

أما عن الأفضل ... فلا شك بناااااااااااااااااااات الجزيرة دين و جمال ومال و أخلاق و أدب

[غناتي]

أما عن الأفضل ... فلا شك بناااااااااااااااااااات الجزيرة دين و جمال ومال و أخلاق و أدب

اكيـــــــــــــد حنا نطيح الطير من السمــــــــاء

ههههههههههه

.. بس هم ميعرفون من الاجمل لانهم ماشفونا يعني احنا متسترات

هع هع هع <<اعداني سمي