يا صغير ما يكبرني لقبـ

[سمي عمهوج]

يا صغيّر ما يكبرني لقب ***وما يصغرني إذا انكرني صغير

ما خذينا الصيت من جمع الذهب ***ولا نسابة شيخ او قربة وزير

كاسبينه من هل السيف الحدب ***الجنايز كان ما جاك النذير

صيتهم نجم ٍ على رأسه لهب ***سمعوا الصقهان به واجهر ضرير

بالوفا تاريخ أبيض ينتصب ***لا حكوا بالحق حيين الضمير

ضيغمين للسناعيس انتسب ***لابةٍ طلنا بها عرش كبير

عند حدك يا كثير الهرج تب ***لا تمر النار وثيابك حرير

كان لك عز بذلي فتعقب ***والله ألا تبطي وحبلك قصير

احسبنك من صناديد العرب ***واثر ساترتك عباتك ياغرير

ما حسب للسوس زراع القصب ***والقراده ما درى عنها البعير

ولو حسبنا للحسايف والتعب ***ما بذرنا يا العصافير الشعير

عن هللك ابراي لله واحتسب ***الرجال اللي مجاراهم عسير

من قريش المصطفى وابو لهب ***والدغالب ما غشت عذب الغدير

للرجال من الرجاجيل العتب ***والزكاة تحل في حال الفقير

لعنبو وقتٍ غدينابه حطب ***تحرقه نار يثورها اجير

ما ألومك والزمن سوى العجب ***هو بقى غير الكرامه بالجفير

ما أذل وراسي يشم المهب ***لو بقى من شمر طفلٍ غرير

ما اهاب ولا يزلزلني غضب ***الشجاعه ورث العاقل عزير

يا صغير ما يكبّر باللقلب ***غير من هو كان من دونه صغير


الأمير طلال العبد العزيز الرشيد

[ابن مجـهل]

ما خذينا الصيت من جمع الذهب ***ولا نسابة شيخ او قربة وزير

كاسبينه من هل السيف الحدب ***الجنايز كان ما جاك النذير


رائع الله يرحمه انا اشهد انه شاعر مو لعب .. شاعر جزل


مشرفنا القدير تشكرااااااااااات على النقل

[سمي عمهوج]

حياكـ الله يابن مجهل

شرفني مروركـ

[فارس المجاهله]

قصيــدة أكثــرر من ررائعه

وصح لسان شاعررها ..




مشكور يسمي

[أبو محمد]

قوية تلك القصيدة والمناسبة التي قيلت فيها أقوى

سمي عمهوج

أحرقت نصف القصيدة

لماذا لم تكمل مناسبة القصيدة ؟

شاكر لك ومقدر

[سمي عمهوج]

فارس المجاهله

حياكـ الله

أبو محمد

شرفني مروركـ ومناسبة القصيدهـ معروفه ولاهو مجالها وأنا ما حطيتها لزيادة موضوع بالقسم بل حطيتها لغايه

لاهنت على المرور

[!! العآتي !!]

قصيدة رائعه ..

تسلم سمي على النقل ..



بس ياليت تذكر مناسبة القصيده لو بأيجاز لانه فيه ناس ماتعرف وش مناسبتها

وانا منهم ..


والله يعطيكـ الف عااافيه

[سمي عمهوج]

العاتي

شرفني مروركـ وياهلا