صغير ومطفوقـ

[سمي عمهوج]

ماعلمـوَك أنـك صغيـرّ ومطفـوق=للبـنـت دار وللرياجـيـل ملـقـا
حنا عتيبه الهيـلا برقـا مـع روق=واللـي يرحـب بالسلاطيـن يبـقـا
ماذلنا مـن خلقـة الأرض مخلـوق=أهل المكـارم ربعـي روقٍ و برقـا
ننده بسامينا وتابـس بهـا احلـوق=وكل الأيادي بقضـب أيادينـا عرقـا
كم شاربٍ من فعلنـا صـار محلـوق=جعل الوجيه اللي بها اشنـاب تسقـا
الغيمه اللي وسطهـا ربعـي بـروق=الي تحتهـا بوبـل الأمجـاد غرقـا
نجد العذيه فوقهـا شمسنـا شـروق=وصارت سماهـا بالسلاطيـن زرقـا
ربعي عتيبه وبارد الوجـه مصفـوق=والسبت من حطه تـرا الأحـد يلقـا
وين أنت يابو صوت مبحوح ومخنوق=ياللي علـى كثـر السوالـف تسلقـا
يوم البضاعه غاليه داخـل السـوق=حنا شرينـا اللـي اخذتـوه سرقـا
رمح القهر في صدر الأيـام مدقـوق=في غرب راسه وآخر الرمح شرقـا
أيه أفتخـر وكـل مطـرود ملحـوق=بالفعل ماهـو بـزود حكـيً وقرقـا
حنا بشر بس الولـي حطنـا فـوق=الله خلقنـا فـوق وشـعـاد نـرقـا
الله خلقنـا فتنـه لـكـل غـرنـوق=ومـن العـذارى ميتـه كـم طرقـا
منطوقنـا جـزل ومـع جزلنـا ذوق=يطرب لنا فوق الغصن طيـر ورقـا
قبيلتي مالي مـع النـاس معشـوق=وأنتـي غرامـي دون لقيـا وفرقـا
بين الضلوع العوج موطنـك معلـوق=ياأطهر من الطاهـر وأصفـا وأنقـا
لو غنوا الشعـار مليـون طـاروق=محدً يجيب اللي أجيبـه علـى القـا
الشعر جسم وحنا في قلبـه عـروق=كل حرف روقي وكل طـاروق برقـا


جابر هايف الروقي

[مـ ح ـمـد .!]

صح لسانه ،، وسلمت يالغالي

[سمي عمهوج]

أبقاكـ الله وياهلا

شرفني مروركـ يالغالي

[غناتي]

جابر هايف الروقي


اووووووووه ياجابر ذا موسوعه ..

مشكور سمي وكثر من قصايده تراه يعجبني .. <<طراره وتتشرط ..

[سمي عمهوج]

أبشري بقصايدهـ وهو شاعر كفو ويستاهل كل خير

يكفي الشطر اللي يقول أياكـ تزعل أي شخص بعتيبه

لاهنتي على المرور

[المنشد]

والله قصيده حلوه ولاكن عجزنا انلحق على القصايد الحلوه
ونلحنهااااااااااااااااااااااااااا
تسلم يمينك.

[سمي عمهوج]

الصقر حياكـ الله ومشكور على المرور العطر


لاهنت

[الاستاذ]

ما شاء الله وش هالقصايد الزينه

الي تتحفنا بها

سمي عمهوج

لا تحرمنا من اختيارك للجديد والزين