النجداوي
05-07-2009, 03:01 PM
محاورة اعجبتني وعساها تعجبكم لثلاثه من الشعراء العمالقه بالنظم والمحاوره,,, ابن شريم من بني زيد توفى 1363,,,ولويحان من بني تميم توفى 1402,,,وصقرتوفى قبلهم كلهم وهو رشيدي,,
وهذي محاورة عام 1361بمكه والله يرحم الجميع
الأول بالأزرق صقر والثاني بالأحمر ابن شريم والثالث بالأخضر لويحان
صقر
سلام ياللي هواكم في لذيذات الطواريق=ميزانكم مايميل الا بشئ عارفينه
ادري بكم ياجماعتنا على لعبي مشافيق=وانا رخيص الكلام اللي بغيتوا طالبينه
ابن شريم
يامرحبا عد من عدا على روس الشواهيق=واعداد ماغرد القمري ولو حسه رطينه
مير البلا كان قربت الركايب للتفاريق=وانا نحرت الرياض ورحت مني للمدينه
لويحان
يامرحبا عد مازان الزهر فوق الزماليق=ردية من صديق صافيه تنحر خدينه
دنياك هذي تفرق مابها شك وتبريق=اكبر صواب البنادم يوم فارق والدينه
صقر
يالله يالله ترحم من مراحيله مراهيق=والدرب نصفه بقا والحال الاول فاقدينه
الصيد ياعارفين الصيد ترميه التفافيق=وانتم بزي الشباب وكل شئ خابرينه
ابن شريم
ياللوح لياك تمشي بالسعه والكف بالضيق=لاسهر عرق من اطراف الجسد ياسهر عينه
ترى الجمال الرواسي ماتمل من المعاليق=تنقل معاليقها وموصفات بالسفينه
لويحان
نسيت درب الهواء من يوم حاسوه العشاشيق=احد يحطه يسار وذاك حطه في يمينه
احب نقل الحمول الجايره لاشك مااطيق=واللي يشيل الحمول الجايره ربي يعينه
صقر
درب الهواء لو بغيته مات مالي فيه توفيق=برقه عقبنا وحنا في سنعنا عاقبينه
اعاف روحي الا طالعت ظلي فيه تدنيق=وان شفت شيبي قنعت بما حصل زينه وشينه
ابن شريم
انا رفيقك الى شدوا طويلات السماحيق=مثل الجنيه المصفى ماتغير في دنينه
في وقت رمي الحمام اللي يوصف بالغرانيق=يوم ان حنا جميع وكل عد واردينه
لويحان
ماوالله انكر رفيقي حافظه نيه وتوفيق=الزي على عشرته والزي كما خال الدفينه
الغايه انا ختمنا القيل صيام على الريق=واحلو رد المعاني يوم نظهرها سمينه
وسلالالالالالالالالالالالالامتكم
وهذي محاورة عام 1361بمكه والله يرحم الجميع
الأول بالأزرق صقر والثاني بالأحمر ابن شريم والثالث بالأخضر لويحان
صقر
سلام ياللي هواكم في لذيذات الطواريق=ميزانكم مايميل الا بشئ عارفينه
ادري بكم ياجماعتنا على لعبي مشافيق=وانا رخيص الكلام اللي بغيتوا طالبينه
ابن شريم
يامرحبا عد من عدا على روس الشواهيق=واعداد ماغرد القمري ولو حسه رطينه
مير البلا كان قربت الركايب للتفاريق=وانا نحرت الرياض ورحت مني للمدينه
لويحان
يامرحبا عد مازان الزهر فوق الزماليق=ردية من صديق صافيه تنحر خدينه
دنياك هذي تفرق مابها شك وتبريق=اكبر صواب البنادم يوم فارق والدينه
صقر
يالله يالله ترحم من مراحيله مراهيق=والدرب نصفه بقا والحال الاول فاقدينه
الصيد ياعارفين الصيد ترميه التفافيق=وانتم بزي الشباب وكل شئ خابرينه
ابن شريم
ياللوح لياك تمشي بالسعه والكف بالضيق=لاسهر عرق من اطراف الجسد ياسهر عينه
ترى الجمال الرواسي ماتمل من المعاليق=تنقل معاليقها وموصفات بالسفينه
لويحان
نسيت درب الهواء من يوم حاسوه العشاشيق=احد يحطه يسار وذاك حطه في يمينه
احب نقل الحمول الجايره لاشك مااطيق=واللي يشيل الحمول الجايره ربي يعينه
صقر
درب الهواء لو بغيته مات مالي فيه توفيق=برقه عقبنا وحنا في سنعنا عاقبينه
اعاف روحي الا طالعت ظلي فيه تدنيق=وان شفت شيبي قنعت بما حصل زينه وشينه
ابن شريم
انا رفيقك الى شدوا طويلات السماحيق=مثل الجنيه المصفى ماتغير في دنينه
في وقت رمي الحمام اللي يوصف بالغرانيق=يوم ان حنا جميع وكل عد واردينه
لويحان
ماوالله انكر رفيقي حافظه نيه وتوفيق=الزي على عشرته والزي كما خال الدفينه
الغايه انا ختمنا القيل صيام على الريق=واحلو رد المعاني يوم نظهرها سمينه
وسلالالالالالالالالالالالالامتكم